Health Tips: గుమ్మడి గింజలు పొద్దు తిరుగుడు గింజలు.. ఇవి రెండింటిలో ఆరోగ్యానికి ఏమీ మంచివో మీకు తెలుసా?

Health Tips

చాలామంది ఆహారంలో భాగంగా గుమ్మడి గింజలు, ప్రొద్దు తిరుగుడు గింజలు, ఫ్లాక్స్ సీడ్స్ వంటివి చేర్చుకుంటూ ఉంటారు. వీటి వల్ల ఎన్నో రకాల లాభాలు కలుగుతాయి అన్న విషయం మనందరికి తెలిసిందే. వీటిని డైట్ లో చేర్చుకోవడం వల్ల ఎన్నో రకాల లాభాలను పొందవచ్చు. అయితే చాలామందికి ఈ పొద్దు తిరుగుడు గింజలు అలాగే గుమ్మడి గింజల్లో ఏది మంచిది అన్న సందేహం కలిగే ఉంటుంది. ఈ రెండింటిలో దేని వల్ల ఎక్కువ ప్రయోజనాలు కలుగుతాయి అన్న సందేహం కూడా కలిగే ఉంటుంది. మరి ఈ రెండింటిలో ఏది మంచిదో ఇప్పుడు మనం తెలుసుకుందాం..

పొద్దుతిరుగుడు విత్తనాలు,గుమ్మడి విత్తనాల మధ్య చాలా పోలికలు ఉంటాయి. వీటిలో మితమైన ప్రోటీన్, తక్కువ మొత్తంలో కార్బోహైడ్రేట్లు ఉంటాయట. గుమ్మడికాయ , పొద్దుతిరుగుడు విత్తనాలలో నీటి శాతం భిన్నంగా ఉంటుందట. గుమ్మడి గింజల్లో నీటి శాతం 4.5 శాతం మాత్రమే కాగా, పొద్దు తిరుగుడు గింజల్లో నీటి శాతం 4.7 శాతం ఉంటాయట. ఇకపోతే కేలరీల విషయానికొస్తే.. 100 గ్రాముల పొద్దు తిరుగుడు విత్తనాలలో సుమారు 584 కేలరీలు ఉంటాయట. అలాగే 100 గ్రాముల గుమ్మడి గింజలలో 446 కేలరీలు ఉంటాయట. ఇకపోతే వీటిలో విటమిన్ల విషయానికొస్తే.. పొద్దుతిరుగుడు విత్తనాలలో ఎక్కువ విటమిన్లు ఉంటాయి. అలాగే తగినంత మొత్తంలో బి కాంప్లెక్స్ విటమిన్లు, విటమిన్ సి, విటమిన్ ఇ మొదలైనవి ఉంటాయి.

అయితే, గుమ్మడికాయ గింజల్లో విటమిన్ ఎ సాపేక్షంగా ఎక్కువగా ఉంటుందని చెబుతున్నారు. పొద్దుతిరుగుడు, గుమ్మడికాయ గింజలు రెండూ పూర్తిగా విటమిన్ డి , విటమిన్ బి12లో లేవు. ఇనుము, కాల్షియం, మెగ్నీషియం, మాంగనీస్ సెలీనియం గుమ్మడికాయ గింజల కంటే పొద్దుతిరుగుడు విత్తనాలలో ఎక్కువగా కనిపిస్తాయట. పొటాషియం, జింక్ పరంగా గుమ్మడికాయ గింజలు మరింత ప్రయోజనకరంగా ఉంటాయట. పొద్దుతిరుగుడు గింజలు గ్లైసెమిక్ ఇండెక్స్ 22, గుమ్మడి గింజలు గ్లైసెమిక్ ఇండెక్స్ 54. అంటే మీరు గుమ్మడికాయ గింజలను తీసుకుంటే, రక్తంలో చక్కెర స్థాయిలు పెరిగే అవకాశాలు ఎక్కువగా ఉంటాయట. అయితే వాస్తవానికి ఈ రెండు విత్తనాలు చాలా పోషకమైనవి, ఆరోగ్యానికి కూడా మేలు చేస్తాయట. అయితే మీరు మీ ఆహారంలో విటమిన్ ఈ తీసుకోవడం పెంచాలనుకుంటే, పొద్దుతిరుగుడు విత్తనాలు మంచి ఎంపిక అని చెబుతున్నారు. అదే సమయంలో మీకు ఎక్కువ మెగ్నీషియం లేదా జింక్ అవసరమైతే, గుమ్మడికాయ గింజలు మరింత ప్రయోజనకరంగా ఉండవచ్చట. రెండు విత్తనాలను మీ ఆహారంలో భాగంగా చేసుకోవడానికి ప్రయత్నించాలని చెబుతున్నారు.

Follow us