Egg: ఖాళీ కడుపుతో కోడిగుడ్లు తింటున్నారా.. అయితే జాగ్రత్త మీరు డైంజర్ లో పడ్డట్టే!

Egg

కోడిగుడ్లు ఆరోగ్యానికి ఎంతో మేలు చేస్తాయి అన్న విషయం మనందరికీ తెలిసిందే. కోడిగుడ్లను తరచుగా తీసుకోవడం వల్ల అనేక ప్రయోజనాలు పొందవచ్చు. అలాగే ఎన్నో రకాల సమస్యలకు కూడా చెక్ పెట్టవచ్చు. చాలామంది కోడిగుడ్లను ఒక్కొక్కరు ఒక్కొక్క రూపంలో తీసుకుంటూ ఉంటారు. ఆమ్లెట్ రూపంలో, ఫ్రై రూపంలో, కర్రీ రూపంలో, బిర్యానీ రూపంలో, ఉడకబెట్టి రకరకాలుగా తింటూ ఉంటారు. ఎక్కువ శాతం మంది జిమ్ కి వెళ్లేవారు బరువు తగ్గాలి అనుకున్న వారు ఉదయాన్నే బ్రేక్ ఫాస్ట్ గా కోడిగుడ్లను తింటూ ఉంటారు. అయితే కొంతమంది కాళీ కడుపుతో గుడ్లన తినడం మంచిది కాదు అంటున్నారు.

మరి ఈ విషయం గురించి వైద్యులు ఏమంటున్నారో ఇప్పుడు మనం తెలుసుకుందాం.. గుడ్డులో విటమిన్ ఎ, డి, ఇ, బి12, రిబోఫ్లేవిన్, ఫోలేట్, ఐరన్, సెలీనియం వంటి పోషకాలు కూడా పుష్కలంగా ఉన్నాయి. గుడ్లు తినడం వల్ల అనేక లాభాలు కలుగుతాయి. కానీ ఈ గుడ్లను తప్పుడు మార్గంలో తీసుకుంటే, అవి ఆరోగ్యానికి ప్రయోజనం చేకూర్చే బదులు హాని కలిగించడం ప్రారంభిస్తాయట. కొంతమంది ఉదయం పనికి చేరుకోవాలనే తొందరలో అల్పాహారంగా ఖాళీ కడుపుతో గుడ్లు తింటారు. కాన ఇలా చేయడం సరైనది కాదట. ఖాళీ కడుపుతో గుడ్లు తినడం వల్ల కొంతమందికి ఉబ్బరం, గ్యాస్, కడుపు తిమ్మిరి వంటి జీర్ణ సమస్యలు వస్తాయట.

జీర్ణవ్యవస్థ ఇప్పటికే బలహీనంగా ఉన్నవారిలో ఈ సమస్యలు ఎక్కువగా కనిపిస్తాయట. కొంతమందికి గుడ్లు అలెర్జీ కలిగి ఉంటారట. అలాంటి వారు పొరపాటున కూడా ఖాళీ కడుపుతో గుడ్లు తినకూడదు. అలాంటి పొరపాటు చేయడం వల్ల, చర్మంపై తామర, శరీరంలో వాపు, వికారం, వాంతులు లేదా విరేచనాలు వంటి జీర్ణశయాంతర సమస్యలతో పాటు శ్వాస సమస్యలు కూడా వస్తాయట. ఉదయం ఖాళీ కడుపుతో పచ్చి లేదా సగం ఉడికించిన గుడ్లు తినడం ద్వారా ఫుడ్ పాయిజనింగ్ సమస్య కూడా తలెత్తే ప్రమాదం ఉందట. అలాంటి గుడ్లు తినడం వల్ల సాల్మొనెల్లా బ్యాక్టీరియా వచ్చే ప్రమాదం ఉందట. ఈ బాక్టీరియా అతిసారం, జ్వరం, కడుపు నొప్పి వంటి లక్షణాలను కలిగిస్తుందని చెబుతున్నారు. గుడ్లలో ఉండే మంచి మొత్తంలో ప్రోటీన్ కొన్నిసార్లు కొన్ని యాంటీ బయాటిక్స్ ప్రభావాన్ని తగ్గిస్తుందట. అటువంటి పరిస్థితిలో ఏదైనా యాంటీ బయాటిక్స్ తీసుకునేటప్పుడు మీరు వైద్యుడిని సంప్రదించిన తర్వాత మాత్రమే మీ ఆహారంలో గుడ్లను చేర్చుకోవాలని చెబుతున్నారు. ఉదయం అల్పాహారంలో గుడ్లు మాత్రమే తీసుకోవడం వల్ల శరీరంలో ఇతర ముఖ్యమైన పోషకాల లోపం ఏర్పడుతుందట. ఉదయం మీ అల్పాహారంలో ఫైబర్, విటమిన్లు, ఖనిజాలు, కార్బోహైడ్రేట్లు సమతుల్య పరిమాణంలో సమృద్ధిగా ఉండే వాటిని మాత్రమే తినాలని చెబుతున్నారు.

Follow us