Green Chilies: పచ్చి మిరపకాయలతో కాన్సర్ దూరం.. రోజుకు ఎన్ని తినాలంటే?

పచ్చిమిర్చి ఆరోగ్యానికి చాలా మంచిది. ఇది ఆరోగ్యానికి ఎంతో మేలు చేయడంతో పాటు ఎన్నో రకాల ప్రయోజనాలను కూడా కలిగిస్తుంది. కూరకు రుచిని పెంచడం మాత్రమే కాకుండా ప్రయోజనాలను కూడా తొలగిస్తుంది. దీని రుచి కారంగా ఉంటుంది అని చాలామంది తినడానికి ఇష్టపడరు. ఇంకొందరు మాత్రం పెరుగన్నం అలాగే ఇంకా కొన్ని ఆహార పదార్థాలు తిన్నప్పుడు పచ్చిమిరపకాయలు డైరెక్ట్ గా తింటూ ఉంటారు. కానీ కొందరు మాత్రం తినడానికి సాహసం చేయరు. అయితే చాలామందికి తెలియని విషయం ఏమిటంటే పచ్చిమిరపకాయలను ఒక వెజిటేబుల్ గా భావించి తినడం వల్ల కూడా అనేక రకాల ప్రయోజనాలు కలుగుతాయట.

ఇందులో ఐరన్‌, పొటాషియం, విటమిన్లు సి, ఎ, బి5 వంటి పోషకాలు పుష్కలంగా ఉంటాయి. అందువల్ల రోజుకు రెండు నుంచి మూడు పచ్చి మిరపకాయలను భయం లేకుండా తినవచ్చని, ఫలితంగా ఆరోగ్యానికి చాలా మేలు చేస్తుందని ఆరోగ్య నిపుణులు చెబుతున్నారు. పచ్చి మిరపకాయల్లో ఫైబర్ పుష్కలంగా ఉంటుంది. ఇది జీర్ణ సమస్యలను తగ్గించడంలో సహాయపడుతుందట. పచ్చి మిర్చిలో కేలరీలు తక్కువగా ఉండటం వల్ల బరువు నియంత్రణకు కూడా ఇవి ఉపయోగపడతాయట. ఊబకాయం అలాగే ఇతర ఆరోగ్య సమస్యలతో బాధపడేవారు ఎండు మిరప కాయలకు బదులుగా పచ్చి మిరప కాయలను వంటల్లో ఉపయోగించడం చాలా మంచిదని చెబుతున్నారు.

ఇది బరువు తగ్గడానికి చాలా ఉపయోగపడుతుందట. పచ్చి మిరపకాయల్లో ఉండే విటమిన్ సి చర్మ ఆరోగ్యాన్ని కాపాడుకోవడానికి చాలా ఉపయోగపడుతుందట. వీటిని తీసుకోవడం వల్ల ముఖంపై ముడతలు, మొటిమలు, మచ్చలు తగ్గుతాయని, కొల్లాజెన్ ఉత్పత్తిని పెంచి చర్మాన్ని తాజాగా, ప్రకాశవంతంగా మారుస్తుందని చెబుతున్నారు.. పచ్చి మిరపకాయల్లో విటమిన్ ఎ పుష్కలంగా ఉంటుంది. ఇది కంటి చూపును మెరుగుపరుస్తుందట. అందువల్ల రోజుకు రెండు నుండి మూడు పచ్చి మిరప కాయలు తినడం ఆరోగ్యానికి చాలా మంచిదట. అలాగే పచ్చి మిరపకాయల్లో బీటా కెరోటిన్, లుటిన్, జియాక్సంతిన్, క్రిప్టోక్సంతిన్ వంటి అనేక ఆరోగ్యకరమైన పోషకాలు ఉంటాయి. అందుకే ఆహారంలో భాగంగా పచ్చి మిరపకాయలు తినడం ఉత్తమం. . దీని వల్ల క్యాన్సర్ కూడా రాకుండా నిరోధించవచ్చట. పచ్చి మిరపకాయల్లోని యాంటీ ఆక్సిడెంట్లు శరీరాన్ని ఫ్రీ రాడికల్స్ నుంచి రక్షిస్తాయి. క్యాన్సర్ ప్రమాదాన్ని కూడా నివారిస్తాయట. అంతేకాకుండా జీర్ణవ్యవస్థ సజావుగా పని చేయడానికి పచ్చిమిర్చి చాలా ఉపయోగకరంగా ఉంటుందట. కానీ పచ్చి మిరపకాయలు ఎక్కువగా తినడం ఆరోగ్యానికి హానికరం అని అంటారు.