Watermelon: పుచ్చకాయను ఫ్రిడ్జ్ లో పెట్టి తింటున్నారా.. అయితే ఈ విషయం తప్పకుండా తెలుసుకోవాల్సిందే?

Watermelon

వేసవి కాలంలో మనకు ఎక్కువగా లభించే పండ్లలో పుచ్చకాయ కూడా ఒకటి. పుచ్చకాయ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. పుచ్చకాయ ఆరోగ్యానికి అలాగే అందానికి ఎంతో మేలు చేస్తుంది. పుచ్చకాయలో విటమిన్ A, B, C, పొటాషియం, లైకోపీన్, బీటా కెరోటిన్ వంటి అనేక పోషకాలు ఉంటాయి. ఇవి శరీరానికి ఎంతో మేలు చేస్తాయి. ముఖ్యంగా లైకోపీన్ అనే యాంటీ ఆక్సిడెంట్ శరీరాన్ని రోగనిరోధక శక్తిని పెంచేందుకు సహాయపడుతుందట. మనకు వేసవికాలంలో ఎక్కడ చూసినా కూడా పుచ్చకాయలు ఎక్కువగా లభిస్తూ ఉంటాయి.

అందుకే ప్రతి ఒక్కరూ పుచ్చకాయని ఎక్కువగా తింటూ ఉంటారు. చాలామంది చేసే తప్పు పుచ్చకాయను తెచ్చి ఫ్రిజ్లో పెట్టి తింటూ ఉంటారు. ఇంకొందరు పెద్ద పుచ్చకాయ తెచ్చినప్పుడు సగం కట్ చేసి మిగతా సగం ఫ్రిడ్జ్ లో పెట్టి తింటూ ఉంటారు. అయితే పుచ్చకాయను కోసిన తర్వాత ఫ్రిడ్జ్ లో పెడితే ఇందులో ఉండే లైకోపీన్, విటమిన్ ఏ సి వంటి ముఖ్యమైన పోషకాలు తగ్గిపోతాయట. ఫ్రిజ్‌లో ఎక్కువసేపు ఉంచితే ఫలంలో రసం మామూలుగా మారిపోతుంది. దాని రుచి తగ్గిపోతుందని చెబుతున్నారు. పుచ్చకాయలో 90 శాతం నీరు ఉంటుంది. కాబట్టి దీనిని కోసిన వెంటనే తింటే మంచి ఫలితాలు కనిపిస్తాయి.కానీ కోసిన తర్వాత ఫ్రిజ్‌ లో పెట్టినప్పుడు ఈ తేమతో బ్యాక్టీరియా పెరిగే అవకాశం ఉందట.

ఇది ఫుడ్ పాయిజనింగ్‌ కు దారితీసే అవకాశం ఉందని చెబుతున్నారు. ముఖ్యంగా చిన్న పిల్లలు, వయసైన వారైతే ఇలాంటి ఫ్రిజ్ పండ్లను తినకుండా ఉండటం మంచిది. ఫ్రిజ్‌ లో ఉంచిన పుచ్చకాయ తిన్న తర్వాత కొన్ని గంటల్లోనే కడుపు నొప్పి, వాంతులు, విరేచనాలు వచ్చే అవకాశాలు ఉంటాయట. పుచ్చకాయ సహజంగా శరీరాన్ని చల్లగా ఉంచే స్వభావం కలిగి ఉంటుంది. అందుకే దీనిని ఎక్కువగా వేసవిలో తింటుంటారు. కానీ ఫ్రిజ్‌ లో ఉంచిన పుచ్చకాయ మరింత చల్లగా మారిపోతుంది. దీన్ని తిన్న వెంటనే కొందరికి దగ్గు, జలుబు, గొంతు సమస్యలు రావచ్చని చెబుతున్నారు. ముఖ్యంగా రాత్రి పూట చల్లటి పుచ్చకాయ తింటే జీర్ణక్రియ మందగించడమే కాకుండా అజీర్ణ సమస్యలు రావచ్చట. అలాగే ఇది ఎక్కువ నీటి శాతం కలిగి ఉండటం వల్ల తరచూ మూత్ర విసర్జనకు వెళ్లాల్సి రావచ్చని దీంతో నిద్రకు అంతరాయం కలుగుతుందని హెచ్చరిస్తున్నారు. ఒకవేళ ఇంట్లో ఉంచాల్సి వస్తే మూతతో కవర్ చేసి ఉంచాలట.

దీని వల్ల ఫలంలో ఎక్కువగా తేమ ఉండకుండా బ్యాక్టీరియా పెరగకుండా ఉంటుంది. అయితే నిపుణుల ప్రకారం పుచ్చకాయను కోసిన వెంటనే 2-3 గంటలలోపే తినేయడం ఆరోగ్యానికి మంచిదని చెబుతున్నారు. పుచ్చకాయను పూర్తిగా తినలేకపోతే దానిని జ్యూస్ చేసుకుని తాగడం ఉత్తమం. అలాగే పుచ్చకాయ ముక్కలను వడగట్టి నిల్వ చేసుకోవచ్చు. కానీ ఫ్రిజ్‌ లో ఉంచి మరుసటి రోజు తినడం వల్ల దాని పోషకాలు తగ్గిపోతాయట. అందుకే తాజా పుచ్చకాయను తినడమే ఉత్తమమైన ఎంపిక అని చెబుతున్నారు.

Follow us