Constipation: మలబద్ధకం నుంచి ఉపశమనం పొందాలంటే ఏం చేయాలో మీకు తెలుసా?

Constipation

ప్రస్తుత రోజుల్లో చాలామంది ఎదుర్కొంటున్న ప్రధాన సమస్యల్లో మలబద్ధకం సమస్య ఒకటి. ఈ మలబద్ధకం సమస్య వచ్చినప్పుడు చాలామంది అనేక ఇబ్బందులు ఎదుర్కొంటూ ఉంటారు. మలబద్ధకంగా ఉంటే ఆకలి వేసినా, ఏమీ తినాలని, తాగాలని అనిపించదు. ఒక రకంగా చెప్పాలంటే ఇది కూడా పొట్ట సమస్యే అని చెప్పవచ్చు. కాబట్టి వీలైనంత వరకూ ఈ సమస్య నుంచి ఎంత సులభంగా ఉపశమనం పొందితే అంత మంచిది. ఇలాంటి సమస్యలను ఎదుర్కొనడానికి ముఖ్య కారణం ఆహారపు అలవాట్లు. వాటితో పాటు మనం చేసే చిన్న చిన్న పొరపాట్లు కూడా మలబద్ధకంకు దారితీస్తాయట.

నిజానికి మలబద్దకం సమస్య రావడానికి ఎన్నో కారణాలున్నాయి. రోజంతా నీటిని పుష్కలంగా తాగకపోవడం, ఫైబర్ కంటెంట్ ఉండే ఆహారాలను తినకపోవడం, శారీరక శ్రమ లేకపోవడం, కొన్ని రకాల మందుల వాడకం వంటివి మలబద్దకానికి దారితీస్తాయట. అయితే మలబద్దకాన్ని తగ్గించుకోవడానికి ఎన్నో రకాల మందులను వాడుతుంటారు. అయితే ఇంట్లో ఉండే కొన్ని రకాల చిట్కాలతో ఈ సమస్యను తగ్గించుకోవచ్చు అంటున్నారు నిపుణులు. అవేంటో ఇప్పుడు మనం తెలుసుకుందాం.. మధ్యాహ్నం భోజనం చేసిన తర్వాత బెల్లం, నెయ్యిని కలిపి తీసుకోవాలని చెబుతున్నారు. బెల్లంలో ఐరన్ కంటెంట్ పుష్కలంగా ఉంటుంది. నెయ్యిలో మన ఆరోగ్యానికి అవసరమైన కొవ్వులు ఉంటాయి. ఈ కలయిక మృదువైన జీర్ణక్రియను ప్రోత్సహిస్తుంది.

అలాగే మలబద్దకాన్ని కూడా నివారిస్తుందట. అలాగే ఇవి పోషకాల శోషణను పెంచుతాయని చెబుతున్నారు. అలాగే శరీరంలోని విషాన్ని సమర్థవంతంగా బయటకు తొలగిస్తాయట. నిర్జలీకరణం కూడా మలబద్దకానికి కారణం అవుతుంది. అందుకే వాటర్ కంటెంట్ ఎక్కువగా ఉండే పుచ్చకాయను తినాలి. ఇది మీ శరీరాన్నినిర్జలీకరణం నుంచి బయటపడేస్తుంది. దీంతో మలబద్దకం సమస్య తగ్గుతుంది. పుచ్చకాయను ఈవెనింగ్ స్నాక్స్ గా కూడా తినొచ్చు. పుచ్చకాయ సీజన్ లో లేకపోతే బాగా పండిన అరటిపండ్లను తిన్నా సమస్య నుంచి బయటపడతారు. రాత్రి భోజనంలో నువ్వులను చేర్చుకోవడం వల్ల కూడా మలబద్ధకం నుంచి ఉపశమనం పొందవచ్చట. నువ్వుల్లో ఫైబర్, విటమిన్ ఇ, ఎసెన్షియల్ ఫ్యాటీ యాసిడ్స్ పుష్కలంగా ఉంటాయి. ఇవన్నీ జీర్ణక్రియను సులభతరం చేస్తాయి. మలబద్ధకం నుంచి ఉపశమనం కలిగిస్తాయి. అంతేకాదు ఇవి మీ మొత్తం గట్ ఆరోగ్యాన్ని మెరుగ్గా ఉంచడానికి సహాయపడతాయని చెబుతున్నారు.

Follow us