French Fries : ఫ్రెంచ్ ఫ్రైస్ అంటే ఇష్టమా..? అయితే ఆరోగ్య సమస్యలు గ్యారెంటీ!

మనం ప్రతిరోజూ ఇంట్లో ఉపయోగించే కూరగాయల్లో బంగాళదుంప ఒకటి. బంగాళదుంపలు వండినప్పుడు మెత్తగా, టేస్టిగా ఉంటాయి…కాబట్టి వాటిని ఎక్కువగా తినేందుకు ఇష్టపడుతుంటాం. అంతేకాదు బంగాళదుంప చిప్స్ ఎక్కువగా తినేందుకు ఆసక్తి చూపిస్తుంటారు చాలా మంది. అయితే ఫ్రెంచ్ ఫ్రైస్ అని పిలిచే…పొటాటో చిప్స్ ఇప్పుడు అన్ని స్టోర్లలోనూ అందుబాటులో ఉంటున్నాయి. ఇందులో వాడే రకరకాల మసాలాలు, ఆయిల్ కంటెంట్ వల్ల ఒక్కసారి తింటే మళ్లీ తినాలనిపిస్తుంది. అయితే వాటిని తింటే ఎలాంటి ఆరోగ్య సమస్యలు వస్తాయో తెలిస్తే మాత్రం షాక్ అవుతారు.

అధిక నూనె కంటెంట్:
నూనెలో వేయించిన ఆహారాన్ని తరచుగా తినడం వల్ల శరీరంలో డీహైడ్రేషన్ సమస్యను తీవ్రతరం అవుతుంది. కాబట్టి వీలైనంత వరకు వీటితో పాటు మాంసాహారానికి దూరంగా ఉండాలి. ఇలాంటి నూనెలో వేయించిన ఆహార పదార్థాలను తీసుకోవడం వల్ల శరీరంలో చెమట పెరిగి జీర్ణశక్తి లోపిస్తుందని ఆరోగ్య నిపుణులు అంటున్నారు. కడుపు నొప్పి, వికారం, వాంతులు, విరేచనాలు వంటి సమస్యను పెంచుతుంది. దీని వల్ల మీ గుండె సంబంధిత రోగాలు కూడా వచ్చే అవకాశం ఉంటుంది.అంతేకాదు బరువు పెరగడంతో పాటు మీ రక్తంలో చక్కెర స్థాయి కూడా పెరుగుతుంది. బంగాళదుంపలో కేలరీలు ఎక్కువగా ఉంటాయి. అందువలన, వాటిని నూనెలో ఉడికించడం ద్వారా, వాటి క్యాలరీ కంటెంట్ మరింత పెరుగుతుంది. వీటిని ఒకేసారి తీసుకోవడం వల్ల రోజుకి మీ క్యాలరీ అవసరాలు మించిపోతాయి.

గర్భధారణ సమయంలో మధుమేహం:
బంగాళాదుంపలలో కార్బోహైడ్రేట్ల రూపంలో గ్లైసెమిక్ కంటెంట్ పెద్ద మొత్తంలో ఉంటుంది. ఇది మీ శరీరంలో ఇన్సులిన్ రెసిస్టెన్స్ సమస్యను పెంచుతుంది. అంతేకాదు టైప్-2 డయాబెటిస్‌కు దారితీస్తుంది.
చాలా మంది మహిళలల్లో ఫ్రెంచ్ ఫ్రైస్ తిన్న తర్వాత మధుమేహం వచ్చే అవకాశం ఉందని ఒక అధ్యయనం కనుగొంది.

గ్లాకోమా:
ఇది కంటి సంబంధిత వ్యాధి. ఫ్రెంచ్ ఫ్రైస్ తినడం వల్ల కంటి సమస్యలు వస్తాయి. క్రమంగా ఇది మీ కళ్ళలోని రెటీనా భాగాన్ని ప్రభావితం చేస్తుంది. వయసు పెరిగే కొద్దీ కనిపించే కంటి సమస్యలను కూడా ఇది కలిగిస్తుంది.

గుండె సమస్యలు ఉండవచ్చు:
ఫ్రెంచ్ ఫ్రైస్ తినడం వల్ల మీ గుండె ఆరోగ్యానికి హాని కలుగుతుంది. నూనెలో వేయించిన బంగాళదుంపలు గుండెకు మంచివి కావు. ఇందులో గ్లూకోజ్ ఎక్కువగా ఉండటం వల్ల మధుమేహం సమస్య వస్తుంది. అందువల్ల, ఫ్రెంచ్ ఫ్రైలను ఎక్కువ మొత్తంలో తీసుకోవడం వల్ల మీ రక్తపోటు కూడా పెరుగుతుంది.

ఆయుర్దాయం తగ్గవచ్చు:
ఎక్కువ నూనెలో వేయించిన ఫ్రెంచ్ ఫ్రైస్ తినడం అలవాటు చేసుకుంటే, మీ ఆయుష్షు క్రమంగా తగ్గుతుంది. దీని వల్ల పురుషుల కంటే స్త్రీలే ఎక్కువగా బాధపడుతున్నారని చెప్పవచ్చు.

క్యాన్సర్ రావచ్చు:
బంగాళదుంపలో అక్రిలమైడ్ అనే పదార్థం ఉంటుంది. ఇది సాధారణంగా సిగరెట్ పొగలో కనిపిస్తుందని ఒక పరిశోధనా అధ్యయనం చెబుతోంది. ఫ్రెంచ్ ఫ్రైస్ నూనెలో వేయించేటప్పుడు అధిక ఉష్ణోగ్రతకు గురికావడం వల్ల మీకు కిడ్నీ సమస్యలు, స్త్రీలకు అండాశయ క్యాన్సర్ వచ్చే అవకాశం ఉంది.