Cervical Cancer Vaccine : దేశంలో తొలిసారి బాలికల కోసం గర్భాశయ క్యాన్సర్ వ్యాక్సిన్ విడుదల..!!

క్యాన్సర్ ప్రపంచదేశాలను పట్టిపీడిస్తున్న సమస్య. మనదేశంలోనూ ఎంతో మంది ఈ మహమ్మారి బారినపడుతున్నారు. ప్రతిఏటా బాధితుల సంఖ్య గణనీయంగా పెరుగుతూనే ఉంది. మహిళల విషయానికి వస్తే గర్భాశయ క్యాన్సర్ ఎంతో మందిని మానసికంగా కుంగుబాటుకు కారణం అవుతుంది. ఈ క్రమంలోనే గర్భాశయ క్యాన్సర్ చెక్ పెట్టేందుకు వ్యాక్సిన్ రిలీజ్ చేశారు. ఢిల్లీలోని IICలో కేంద్ర సైన్స్ అండ్ టెక్నాలజీ మంత్రి జితేంద్ర సింగ్ గురువారం ఈ వ్యాక్సిన్ను రిలీజ్ చేశారు.

9ఏళ్ల నుంచి 14ఏళ్ల వయస్సు ఉన్న బాలికలకు ఈ వ్యాక్సిన్ వేస్తారు. ఈ క్యాన్సర్ వ్యాక్సిన్ను జాతీయ ఇమ్యునైజేషన్ కార్యక్రమంలో భాగంగా అందించాలని కేంద్రం నిర్ణయించింది. ఈ సందర్భంగా కోవిడ్ వర్కింగ్ గ్రూప్, నేషనల్ టెక్నికల్ అడ్వైజరీ గ్రూప్ ఆన్ ఇమ్యూనైజేషన్ ఛైర్మన్ ఎన్. కే. అరోరా మాట్లాడారు. 90శాతం వరకు గర్భాశయ క్యాన్సర్ నిర్దిష్టమైన వైరస్ వల్ల సోకుతుందని..ఈ వ్యాక్సిన వైరస్ కు వ్యతిరేకంగా పోరాడుతుందని చెప్పారు. ఈ వ్యాక్సిన్ తయారు చేసే బాధ్యతను సీరం ఇన్స్టిట్యూట్ ఆఫ్ ఇండియాకు డ్రగ్స్ కంట్రోలర్ జనరల్ ఆఫ్ ఇండియాకు అప్పగించింది.