Tulsi Plant: తులసి మొక్కకు పసుపు కొమ్మును కడితే ఏం జరుగుతుందో మీకు తెలుసా?

Tulsi Plant

హిందూమతంలో వచ్చిన మొక్కకు చాలా ప్రాధాన్యత ఉంది. తులసి మొక్కను అత్యంత పవిత్రంగా భావించడంతో పాటు ప్రత్యేకంగా పూజలు కూడా చేస్తూ ఉంటారు. అందుకే తులసి మొక్క వద్ద నిత్య దీపారాధన చేస్తూ ఉంటారు. ముఖ్యంగా ప్రత్యేకంగా శుక్రవారం వంటి రోజుల్లో ప్రత్యేక పూజలు చేస్తూ ఉంటారు. వీటితో పాటు తులసి మొక్కకు పసుపు కొమ్ము కట్టడం వల్ల ఎన్నో రకాల సమస్యలు తగ్గుతాయట. మరి తులసి మొక్కకు పసుపు కొమ్ము కడితే ఏం జరుగుతుందో ఇప్పుడు మనం తెలుసుకుందాం.. తులసిమొక్కను లక్ష్మీదేవి రూపంగా భావిస్తారు. ఇంట్లో తులసి మొక్కను పెట్టడం వల్ల ఆనందం, శ్రేయస్సు కలుగుతాయని నమ్మకం.

అంతేకాదు తులసి మొక్కకు పూజ చేయడం వల్ల ఆర్థిక పరిస్థితి మెరుగుపడుతుందని నమ్మకం. తులసిమాతతో పాటుగా లక్ష్మీదేవి అనుగ్రహాన్ని కూడా పొందవచ్చట. ఏ పూజకైనా స్వచ్ఛత, పరిశుభ్రత చాలా చాలా అవసరం. అలాగే తులసి పూజలో కూడా స్వచ్ఛత పట్ల శ్రద్ధ వహించాలట. చాలా మంది తెలిసో తెలియక కొన్ని పొరపాట్లను చేస్తుంటారు. దీనివల్ల తులసి మొక్క అపవిత్రమౌతుందట. అలాగే శుభ ఫలితాలు కాస్త అశుభంగా మారి మీరు ఎన్నో సమస్యలను ఎదుర్కోవాల్సి వస్తుందని చెబుతున్నారు. తులసిపూజలో మీరు తప్పులు చేస్తే ఇంట్లో పెద్ద వాస్తు లోపాలు వస్తాయి.

అందుకే తులసిమొక్క స్వచ్ఛతను తిరిగి పొందడానికి పసుపు ఒక్కటే నివారణ అంటున్నారు కొంతమంది జ్యోతిష్యులు. తులసి మొక్కకు పసుపు కొమ్మును కట్టడం శుభప్రదంగా భావిస్తారు. అలాగే తులసి మొక్కపై పసుపును కూడా చల్లవచ్చట. ఇందుకోసం ప్రతి శుక్రవారం తులసిపై పసుపు చల్లాలట. లేదా పసుపు కొమ్మును కట్టాలట. ప్రతీ శుక్రవారం పసుపు కొమ్మును మార్చాలి. 10 శుక్రవారాలు ఇలా చేస్తే సరిపోతుందట. ఆ తర్వాత చివరి పసుపు కొమ్మును 11 వ శుక్రవారం కట్టి మిగిలిన 10 పసుపు కొమ్మును నీటిలో ముంచాలట. ఇది తులసి మొక్కను శుద్ధి చేస్తుందని చెబుతున్నారు. తులసి మొక్కకు పూజ చేసేటప్పుడు, నీటిని సమర్పించేటప్పుడు, తులసిని సంరక్షించేటప్పుడు లేదా మరేదైనా కారణం వల్ల తులసి అపవిత్రంగా మారితే స్వచ్ఛత తిరిగి పసుపు కొమ్ము తెస్తుందట. అలాగే తులసికి సంబంధించిన ఏదైనా లోపం తొలగిపోతుందట. అలాగే మీ ఇంట్లో ఆర్థిక పరిస్థితి మెరుగ్గా ఉంటుందని చెబుతున్నారు.

Follow us