Shravana Masam : ‘శ్రావణ’ సోమవారాల్లో ఈ దానాలు చేస్తే శుభ ఫలితాలు
శ్రావణమాసం ఎంతో శుభప్రదమైనది. ఈ మాసంలో దానధర్మాలు చేస్తే చాలా పుణ్యఫలాలు లభిస్తాయని శివపురాణం చెబుతోంది.
- By Pasha Published Date - 11:12 PM, Thu - 15 August 24
Shravana Masam : శ్రావణమాసం ఎంతో శుభప్రదమైనది. ఈ మాసంలో దానధర్మాలు చేస్తే చాలా పుణ్యఫలాలు లభిస్తాయని శివపురాణం చెబుతోంది. ప్రత్యేకించి శ్రావణ మాసంలోని సోమవారం రోజు దానధర్మాలు చేయడం మంచిదని పండితులు అంటున్నారు. వివరాలివీ..
We’re now on WhatsApp. Click to Join
ఈసారి శ్రావణ మాసంలో(Shravana Masam) ఐదు సోమవారాలు వస్తాయి. ఈ సోమవారాల్లో శివుడిని ప్రత్యేకంగా పూజించాలి. ఈ మాసంలో కొన్ని ప్రత్యేక వస్తువులు దానం చేయడం వల్ల మహాశివుడిని ప్రసన్నం చేసుకోవచ్చు. దానాలు చేస్తే మన సిరిసంపదలు మరింత పెరుగుతాయని శాస్త్రాలు బోధిస్తున్నాయి. అందుకే పవిత్రమైన శ్రావణ మాసంలో సోమవారం రోజు తప్పకుండా మనకు ఉన్నదాంట్లో నుంచే కొంత దానధర్మాలకు వెచ్చించాలి.
Also Read :Google Doodle : డూడుల్‌తో ‘ఇండిపెండెన్స్ డే’ విషెస్ చెప్పిన గూగుల్
- బియ్యం మహాలక్ష్మీదేవి స్వరూపం. శ్రావణ మాసంలో సోమవారం రోజు దీన్ని అన్నార్తులకు దానం చేయాలి. దీనివల్ల కుటుంబ జీవితంలో సుఖసంతోషాలు కలుగుతాయి.
- మినుములు, బెల్లం, పసుపు రంగు పువ్వులు, కుంకుమ, గరుడ గంట, ముత్యం, వజ్రం, పచ్చరాయి, పత్తి బట్టలు, పట్టు వస్త్రాలు, నువ్వుల బెల్లం, గోధుమలు, బియ్యం, పాలు, చక్కెర, తేనే వంటి శుభకరమైన వస్తువులు దానం చేయడం వల్ల ఇహలోకంలో సిరిసంపదలతో తులతూగి మోక్షం పొందుతారని నమ్ముతారు.
- ఎవరికైనా జాతకంలో శని స్థానం బలహీనంగా ఉంటే శ్రావణ సోమవారం రోజు నల్ల నువ్వులను దానం చేయాలి. తద్వారా శని గ్రహ దోషం నుంచి విముక్తి లభిస్తుంది.
- ఉప్పుతో మనం మన ప్రతికూల శక్తిని తొలగించుకోవచ్చు. శ్రావణ మాసంలో శనివారం రోజు ఉప్పును దానం చేస్తే ప్రతికూల శక్తుల నుంచి మనకు విముక్తి లభిస్తుంది.
- రుద్రాక్షలు పరమశివుడికి ప్రతిరూపాలు. శ్రావణ మాసంలో వీటిని దానం చేస్తే ఆయుష్షు పెరుగుతుంది. అపమృత్యు దోషాలు తొలగిపోతాయి.
- పసుపు రంగులో ఉండే వస్త్రాలు అంటే విష్ణువుకు ప్రీతికరం. అలాంటి వస్త్రాలను దానం చేస్తే మంచిది.
- శ్రావణ మాసంలో కొబ్బరికాయలను దానం చేస్తే ఇంట్లో కలహాలు తగ్గుతాయి.
Also Read :Mahindra Thar Roxx: మహీంద్రా థార్ రోక్స్ విడుద‌ల.. ధ‌ర ఎంతంటే..?
గమనిక : కొందరు నిపుణులు చెప్పిన, వివిధ శాస్త్రాల్లో పేర్కొన్న అంశాల ఆధారంగా పైన ఉన్న సమాచారాన్ని అందించాం. దీనికి ఎలాంటి శాస్త్రీయ ఆధారాలు లేవనే విషయాన్ని రీడర్స్ గమనించాలి. దీన్ని ఎంత వరకు విశ్వసించాలనేది మీ వ్యక్తిగత విషయం.
