2026లో మిథున రాశి జాతకంలో చేయాల్సిన పరిహారాలు ఇవే !

Midhunam

జ్యోతిష్యం ప్రకారం, మిథున రాశి వారికి బుధుడు అధిపతిగా ఉంటాడు. బుధుడిని తెలివితేటలు, వ్యాపారం, మేధస్సుకు సంకేతంగా పరిగణిస్తారు. ఇదిలా ఉండగా కొత్త ఏడాది ప్రారంభంలో మిథున రాశి నుంచి గురుడు లగ్న స్థానంలో, మరోవైపు పంచమ స్థానం నుంచి సూర్యుడు, బుధుడు, శుక్రుడు, కుజుడు సప్తమ స్థానంలో సంచారం చేయనున్నారు. రాహువు అష్ఠమ స్థానంలో, శని దేవుడు కర్మ స్థానంలో సంచారం చేయనున్నారు. చంద్రుడు 12వ స్థానంలో ఉచ్చ స్థితలో సంచారం చేయనున్నాడు. ఇదిలా ఉండగా ఈ ఏడాది గురుడు, శని, కేతువు ప్రభావంతో శుభ ఫలితాలు రానున్నాయి. ఈ సందర్భంగా కెరీర్, వ్యాపారం, కుటుంబం, ఆరోగ్యం, ఆర్థిక పరంగా 2026 సంవత్సరంలో ఎలాంటి ఫలితాలు రానున్నాయో ఇప్పుడు తెలుసుకుందాం.

ఆర్థిక పరిస్థితి..

​మిథున రాశి వారికి కొత్త ఏడాది 2026లో ఆర్థిక పరంగా మెరుగైన ఫలితాలు పొందనున్నారు. శని, రాహువు ప్రభావంతో మీ ఆదాయం పెరిగే అవకాశం ఉంది. ఈ రాశి నుంచి చంద్రుడు ఉచ్చ స్థితిలో సంచారం చేసే సమయంలో ఏడాది పొడవునా వీరి ఆర్థిక పరిస్థితి చాలా బాగుంటుంది. జూన్ తర్వాత పరిస్థితులు మెరుగుపడతాయి. మీకు రావాల్సిన బకాయిలన్నీ పొందుతారు. ఆగస్టు నుంచి అక్టోబర్ సమయంలో ఏదైనా కొత్త ఆస్తులు కొనేందుకు సమయం అనుకూలంగా ఉంటుంది. నవంబర్ 15 నుంచి డిసెంబర్ 16వ తేదీ వరకు కూడా సమయం అనుకూలంగా ఉంటుంది. మీరు పెట్టిన పెట్టుబడులకు మంచి రాబడి లభించే అవకాశం ఉంది.

కెరీర్ పరంగా..

కొత్త ఏడాది 2026లో మిథున రాశి వారికి కెరీర్ పరంగా శుభప్రదంగా ఉంటుంద. ఈ రాశి నుంచి గురుడు లగ్న స్థానంలో సంచారం చేయడం వల్ల మీరు చేసే ప్రతి ప్రయత్నంలో మంచి విజయాలు సాధిస్తారు. పిబ్రవరి నుంచి జూన్ వరకు సమయం అనుకూలంగా ఉంటుంది. ఉద్యోగులు కష్టానికి తగిన ఫలితాలు పొందుతారు. విద్యార్థులకు పోటీ పరీక్షల్లో మంచి విజయం లభించే అవకాశం ఉంది. విదేశాలలో విద్యను అభ్యసించాలనుకునే మీ కల నెరవేరే అవకాశం ఉంది. నిరుద్యోగులకు కొత్త ఉద్యోగం సాధించే అవకాం ఉంది. జూన్, డిసెంబర్ నెలలో ఎక్కువ శుభవార్తలు వింటారు.

వ్యాపార పరంగా..

మిథున రాశి వారికి కొత్త ఏడాది 2026లో వ్యాపారులు ఫిబ్రవరి 15 నుంచి జూన్ 15వ తేదీ వరకు ఎలాంటి కొత్త పనులైనా ప్రారంభించొచ్చు. శని కర్మ స్థానంలో, రాహువు లాభ స్థానంలో ఉండటం కారణంగా మీ వ్యాపారం పెరిగే అవకాశం ఉంది. మీరు మంచి లాభాలను పొందే అవకాశం కూడా ఉంది. మీరు విదేశాల నుంచి కూడా మంచి ప్రయోజనాలు పొందుతారు. సెప్టెంబర్ 18 నుంచి నవంబర్ 12వ తేదీ వరకు కొత్త పని ప్రారంభించేందుకు సమయం అనుకూలంగా ఉంటుంది. జనవరి నుంచి ఏప్రిల్ వరకు మీ కష్టానికి తగిన ఫలితాలొస్తాయి. సీనియర్ల సాయంతో మీరు భవిష్యత్తులో మంచి ప్రయోజనాలు పొందే అవకాశం ఉంది.

విద్యా జీవితంలో..
మిథున రాశి వారికి కొత్త ఏడాది 2026లో విద్యా రంగంలో శుభ ఫలితాలు రానున్నాయి. ఈ రాశి నుంచి గురుడు లగ్న స్థానంలో సంచారం చేసే సమయంలో విద్యార్థులు పోటీ పరీక్షల్లో మంచి విజయం సాధించే అవకాశం ఉంది. విదేశాలలో చదువుకోవాలనుకునే మీకల నెరవేరుతుంది.

ఆరోగ్య పరంగా..

మిథున రాశి వారికి కొత్త ఏడాది 2026లో ఆరోగ్య పరంగా అంతగా అనుకూలంగా ఉండకపోవచ్చు. అయితే గురుడి ప్రభావంతో మీ ఆరోగ్యం మెరుగుపడుతుంది. ఈ రాశి నుంచి బుధుడు బలహీన స్థానంలో ఉండటం కారణంగా మీకు అనారోగ్యం కలిగే అవకాశం ఉంది. దీంతో మీ మానసిక ప్రశాంతత చెడిపోతుంది. మీ మనసులో అనేక ఆందోళనలు ఉంటాయి. ఈ కాలంలో మీరు చాలా జాగ్రత్తగా ఉండాలి. ధ్యానం చేయడం వల్ల కొత్త శక్తిని అనుభవిస్తారు. మీరు ఆహారపు అలవాట్లను కూడా మార్చుకోవాలి. వీలైనంత వరకు బయటి ఆహారం తీసుకోకూడదు. అక్టోబర్ నుంచి డిసెంబర్ మధ్య ఆరోగ్య పరంగా కొన్ని సవాళ్లు ఎదురవుతాయి.

వివాహం, ప్రేమ జీవితంలో..

మిథున రాశి వారికి 2026 ఆంగ్ల నూతన సంవత్సరంలో ప్రేమ జీవితంలో శుభప్రదంగా ఉంటుంది. ఈ ఏడాదిలో ప్రేమ వివాహం చేసుకోవాలనుకునే వారికి సమయం అనుకూలంగా ఉంటుది. పెద్దలు కుదిర్చిన సంబంధాల ద్వారా పెళ్లిళ్లు జరగనున్నాయి. గురుడి ప్రభావంతో మీ వైవాహిక జీవితంలో సంతోషంగా ఉంటుంది. ఇప్పటికే పెళ్లి అయిన వ్యక్తులకు జూన్ ముందు సంతానం పొందే అవకాశాలు ఉన్నాయి. అయితే సంవత్సరం ప్రారంభంలో సూర్యుడు, కుజుడు సంయోగం సమయంలో అంటే జనవరి నెలలో మీ జీవిత భాగస్వామితో కొన్ని విభేదాలు ఎదురయ్యే అవకాశం ఉంది. ఈ సమయంలో మీరు చాలా జాగ్రత్తగా ఉండాలి.

ఏ పరిహారాలు పాటించాలంటే..

* మిథున రాశి వారు కొత్త ఏడాదిలో ప్రతిరోజూ జనవరి, ఫిబ్రవరి, మార్చి నెలలో సూర్య భగవానుడిని పూజించాలి.
* సూర్య మంత్రాలను పఠించాలి.
* సుందరకాండ పారాయణం కూడా చేయాలి.
* మంగళవారం రోజున హనుమంతుడికి రావి ఆకుల మాల, బూందీని సమర్పించాలి.
* బుధుడి అనుగ్రహం కోసం బుధవారం రోజున ఆకుపచ్చని దుస్తులు ధరించి విష్ణువును ఆరాధించడం వల్ల శుభ ఫలితాలొస్తాయి.

Follow us