మౌఢ్యమి ముగిసి.. శుభ ముహూర్తాలు ఎప్పటి నుంచంటే!

Pelli Muhurtham In 2026

వివాహం జీవితంలో అత్యంత ముఖ్యమైన ఘట్టం. ప్రతి ఒక్కరూ సంతోషంగా, ఆనందంగా ఉండే వైవాహిక జీవితాన్ని కోరుకుంటారు. ఇందుకు వివాహ ముహూర్తం (Vivah Muhurat 2026) కూడా ప్రధాన భూమిక పోషిస్తుంది. వివాహ ముహూర్తం (Pelli Muhurtham) బాగుంటే వైవాహిక జీవితం కూడా బాగుంటుందనేది పెద్దలు చెబుతుంటారు. ఈ నేపథ్యంలో శుక్ర మౌఢ్యమి తర్వాత పెళ్లి ముహూర్తాలు ఎప్పటి నుంచి ప్రారంభమవుతాయి. ఆయా నెలల్లో ఉన్న పెళ్లి ముహూర్తాల గురించి తెలుసుకుందాం..

హిందూ క్యాలెండర్‌ ప్రకారం మౌఢ్యమి లేదా మూఢమి రోజు శుభకార్యాలు చేయడానికి అనుకూలంగా ఉండవు అని పండితులు చెబుతారు. ప్రత్యేకించి మూఢం రోజుల్లో శుభకార్యాలు నిర్వహించడం శుభప్రదం కాదని పండితులు చెబుతుంటారు. అయితే ఈసారి శుక్రమౌఢ్యమి కారణంగా గతేడాది అంటే 2025 నవంబర్ 26 శుక్ర మౌడ్యమి (గురుడు, శుక్రుడు అస్తంగత్వం) కారణంగా శుభకార్యాలకు బ్రేక్‌ పడింది. ఈ నేపథ్యంలో ఫిబ్రవరి 17వ తేదీ మంగళవారం రోజుతో శుక్ర మౌఢ్యమి ముగియనుంది. దీంతో ఫిబ్రవరి 18 తర్వాత అంటే సుమారు 83 రోజుల తర్వాత పెళ్లిళ్లు, గృహప్రవేశాలు, నామకరణాలు వంటి శుభకార్యాలు పునఃప్రారంభం కానున్నాయి.

వేదాంగ జ్యోతిష్య శాస్త్రం ప్రకారం శుక్రుడు వివాహం, గృహ, దాంపత్య సౌఖ్యం, ఐశ్వర్యం, సిరిసంపదలకు ప్రధాన కారక గ్రహం. అయితే ఈ శుక్రుడు సూర్యుడికి అతి సమీపంలో ఉండి అస్తమయ స్థితిలో ఉన్న కాలం అంటే మూఢమి కాలంలో వివాహాలు, గృహ ప్రవేశాలు, నామకరణాలు వంటి శుభకార్యాలకు అనుకూలత ఉండదని పండితులు చెబుతున్నారు. అయితే ఫిబ్రవరి 17వ తేదీతో మూఢం ముగిసి.. శుక్రుడు అస్తమయ స్థితి నుంచి బయటపడి.. తిరిగి శుభ ఫలితాలు ఇవ్వగల స్థితిలోకి ప్రవేశిస్తాడట. దీంతో ఫిబ్రవరి 18వ తేదీ నుంచి శుభకార్యాలకు ముహూర్తాలు ప్రారంభంకానున్నాయి.

2026 ఫిబ్రవరి 18 నుంచి శుభ ముహూర్తాలు!

ఈ ఏడాది ఫిబ్రవరి 18 నుంచి శుభ ముహూర్తాలు తిరిగి ప్రారంభం కానున్నాయి. ఈ రోజు నుంచి వివాహాలు, గృహ ప్రవేశాలు వంటి శుభకార్యాలు శాస్త్రోక్తంగా నిర్వహించుకోవచ్చు. మే 9వ తేదీ వరకు శుభ ముహూర్తాలు ఉన్నట్లు పండితులు చెబుతున్నారు. ఆ తర్వాత అధిక మాసం ప్రారంభమవుతుంది. ఈ అధిక మాసం 2026 మే 17 నుంచి జూన్ 15వ తేదీ వరకు ఉంటుంది. ఈ సమయంలో ముహూర్తాలు ఉండవు. శుక్ర మౌఢ్యమి ముగియడం వల్ల శుక్రబలం సైతం బలపడుతుంది.

2026 ఏడాదిలో శుభ ముహూర్తాలు

ఫిబ్రవరి నెల – 19, 20, 21, 24, 25, 26
మార్చి నెల – 1, 3, 4, 7, 8, 9, 11, 12
ఏప్రిల్ నెల – 15, 20, 21, 25, 26, 27, 28, 29
మే నెల – 1, 3, 5, 6, 7, 8, 13, 14
జూన్ నెల – 21, 22, 23, 24, 25, 26, 27, 29
జూలై నెల – 1, 6, 7, 11
ఆగస్ట్‌, సెప్టెంబర్‌, అక్టోబర్‌ నెలల్లో చాతుర్మాస్యం వల్ల శుభ ముహూర్తాలు ఉండవు!
నవంబర్ నెల – 21, 24, 25, 26
డిసెంబర్ నెల – 2, 3, 4, 5, 6, 11, 12

Follow us