Eyeballs Offering : ఆ దేవతకు కనుబొమ్మలనూ మొక్కుగా సమర్పిస్తారు

Eyeballs Offering : దేవతల మొక్కు తీర్చుకునే క్రమంలో తలనీలాలను సమర్పించడం గురించి మనకు తెలుసు. అయితే భక్తులు ఒక దేవతకు మాత్రం కనుబొమ్మలను కూడా మొక్కుగా సమర్పిస్తుంటారు. ఇంతకీ ఈ సంప్రదాయం ఎక్కడుంది ? అనేది ఈ కథనంలో తెలుసుకుందాం..

ఆదివాసీల ఆచార వ్యవహారాలకు ప్రతీకగా నిలిచే గుస్సాడి(దండారి) ఉత్సవాలు ఉట్నూరు ఏజెన్సీ‌లో ఇటీవలే ప్రారంభమయ్యాయి. సంప్రదాయాలు, ఆచార వ్యవహారాలను ఆదివాసులు ప్రాణపదంగా భావిస్తారు. ఆదివాసీలకు పెద్ద పండుగ దండారి. ఈ పండుగను గిరిజన గూడాలలో ఘనంగా  నిర్వహిస్తారు. దీపావళి కంటే ముందు భోగితో దండారి ఉత్సవాలు ప్రారంభం అవుతాయి. దీపావళి తర్వాత కోల బోడితో ఈ వేడుకలు ముగుస్తాయి.దండారి ఉత్సవాల సందర్భంగా గుస్సాడీలు ఒకే దగ్గర ఉంటారు. స్నానాలు కూడా చేయరు. నృత్యం చేసే వారు శరీరం నిండా బూడిద పూసుకుంటారు. ముఖానికి మసి రాసుకుంటారు. ప్రత్యేకమైన పేర్ల దండలు ధరిస్తారు. మెడలో రుద్రాక్షలు, అడవుల్లో దొరికే ఇతర రకాల కాయలు, గవ్వలతో దండలు మెడలో వేసుకుంటారు. కుడి చేతిలో మంత్రదండం పట్టుకుంటారు. గుస్సాడీ నృత్యం చేసే వారిని దేవతలు ఆవహిస్తారని, వారి చేతిలోని మంత్రదండంతో శరీరాన్ని తాకితే ఎలాంటి వ్యాదులైనా నయమవుతాయని గోండుల నమ్మకం.