Chaitra Month 2023: చైత్రమాసం వెరీ వెరీ స్పెషల్.. ఎందుకో తెలుసా?
చైత్ర మాసం ప్రారంభమైంది. ఇది హిందూ క్యాలెండర్‌లో మొదటి మాసం. దీన్ని మధుమాసం అని కూడా అంటారు. హిందూ మతంలో ఈ మాసాన్ని ఎందుకు
- By Vamsi Chowdary Korata Published Date - 05:30 PM, Sat - 11 March 23
చైత్రమాసం (Chaitra Month) ప్రారంభమైంది. ఇది హిందూ క్యాలెండర్‌లో మొదటి మాసం. దీన్ని మధుమాసం అని కూడా అంటారు. హిందూ మతంలో ఈ మాసాన్ని ఎందుకు ప్రత్యేకంగా పరిగణిస్తారో ఇప్పుడు తెలుసుకుందాం. హిందూ నూతన సంవత్సరం చైత్ర శుక్ల ప్రతిపద తిథి నుంచి ఈ నెల ప్రారంభమవుతుంది. దీంతో కొత్త విక్రమ్ సంవత్ 2080 కూడా ప్రారంభం అయింది. హిందూ క్యాలెండర్‌లోని ప్రతి నెలకు ఒక నక్షత్రం పేరు పెట్టారు. చిత్రా నక్షత్ర పౌర్ణమి కారణంగా ఈ మాసానికి చైత్రమాసం (Chaitra Month) అనే పేరు వచ్చింది. మత విశ్వాసాల ప్రకారం.. బ్రహ్మ దేవుడు ఈ మాసం శుక్ల ప్రతిపాద తేదీ నుంచి విశ్వ సృష్టిని ప్రారంభించాడు.
మార్చి 21 చైత్రమాసంలోని కృష్ణ పక్షం యొక్క అమావాస్య తేదీ .. ఈ రోజున విక్రమ సంవత్ 2029 ముగుస్తుంది. మరుసటి రోజు అంటే మార్చి 22 నుంచి కొత్త విక్రమ సంవత్ 2080 ప్రారంభమవుతుంది. ఆ రోజునే ఉగాది పండుగ కూడా జరుగుతుంది.
ఉగాది, చైత్ర నవరాత్రులు..
కొత్త హిందూ క్యాలెండర్ విక్రమ్ సంవత్ చైత్ర శుక్ల పక్షం యొక్క ప్రతిపాదంతో ప్రారంభమవుతుంది. మార్చి 22 నుంచి చైత్ర నవరాత్రులు మొదలవుతాయి. దీనిలో దుర్గాదేవిని 9 రోజులు నిరంతరం పూజిస్తారు. ఇది కాకుండా శ్రీరామ పట్టాభిషేకం, యుధిష్ఠిర పట్టాభిషేకం ఈ టైంలోనే జరిగాయి.
ఇతర దేశాల్లో కూడా..
చైత్ర మాసాన్ని చాలా చోట్ల సంవత్సరం ప్రారంభంలో మొదటి మాసంగా పరిగణిస్తారు. ఇది వివిధ ప్రాంతాలలో వివిధ పేర్లతో పిలువబడుతుంది. ఇరాన్‌లో ఈ తేదీని నౌరోజ్ అంటే నూతన సంవత్సరంగా జరుపుకుంటారు. ఆంధ్రప్రదేశ్‌లో చైత్ర శుక్ల ప్రతిపద తిథిని ఉగాది పేరుతో అత్యంత వైభవంగా జరుపుకుంటారు. అగాదిక అంటే శకం ప్రారంభం అని అర్థం.
వివిధ రాష్ట్రాలలో..
చైత్ర శుక్ల ప్రతిపద తిథిని పంజాబ్‌లో బైశాఖి, మహారాష్ట్రలో గుడి పడ్వా, సింధ్‌లో చేతిచంద్, కేరళలో విషు, అస్సాంలోని బిహు మరియు జమ్మూ కాశ్మీర్‌లో నవ్రేహ్‌గా పేరుతో కొత్త సంవత్సరం ప్రారంభంలో జరుపు కుంటారు. జ్యోతిష్య శాస్త్రంలో, గ్రహం, ఋతువు, మాసం, తిథి, పార్శ్వాల గణన చైత్ర ప్రతిపద తిథిలో మాత్రమే జరుగుతుంది. చైత్ర మాసం శుక్ల పక్షం ప్రతిపద తిథి నాడు శ్రీమహావిష్ణువు చేపగా అవతరించాడు. శ్రీమహావిష్ణువు చేప అవతారంలో విశ్వంలోని అన్ని ప్రాణులను ప్రళయం నుంచి రక్షించాడని నమ్ముతారు.
దేవతల ప్రతిష్టకు చాలా పవిత్రమైనది
చైత్ర మాసం నుండి వాతావరణం మారడం ప్రారంభమవుతుంది. ఈ నెలలో వసంత రుతువు గరిష్ట స్థాయికి చేరుకుంటుంది. దీంతో శీతాకాలం ముగిసి వేసవి కాలం ప్రారంభమవుతుంది. చైత్రమాసం నుండి ఆహారం, జీవనశైలిలో మార్పు వస్తుంది. చైత్ర మాసం దేవతల ప్రతిష్టకు చాలా పవిత్రమైనదిగా పరిగణించ బడుతుంది. అంతే కాకుండా చైత్రమాసంలో బెల్లం తినకూడదు. శీతల సప్తమి, చైత్ర నవరాత్రి, గుడి పడ్వా, నయ విక్రమ్ సంవత్, ఏకాదశి, రామ నవమి వంటి పెద్ద మరియు ముఖ్యమైన పండుగలు చైత్ర మాసంలో జరుపుకుంటారు. చైత్రమాసంలో దుర్గాదేవికి, విష్ణువుకి ప్రత్యేక పూజలు చేయాలనే నిబంధన ఉంది. సూర్య భగవానుడికి అర్ఘ్యం సమర్పించడం రావి, అరటి, వేప, మర్రి, తులసి మొక్కలకు నీరు పెట్టడం మరియు నిత్య పూజలు చేయడం ఈ మాసంలో శుభప్రదంగా భావిస్తారు.
Also Read: Srivari Darshanam Canceled: తిరుమలలో ఆ రెండ్రోజుల పాటు బ్రేక్ దర్శనాలు రద్దు
