దిల్ రాజుతో మైండ్ బ్లోయింగ్ సినిమా చేస్తా : విజయ్ దేవరకొండ

దిల్‌రాజు ప్రొడ‌క్ష‌న్, ఆదిత్య మ్యూజిక్ అసోసియేష‌న్‌తో … శ్రీమ‌తి అనిత స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై శ్రీహ‌ర్ష కొనుగంటి ద‌ర్శ‌క‌త్వంలో దిల్‌రాజు, శిరీష్ నిర్మిస్తోన్న చిత్రం ‘రౌడీ బాయ్స్’. తెలుగు ప్రేక్ష‌కుల అభిరుచిగా త‌గిన‌ట్లు ఎన్నో స‌క్సెస్‌ఫుల్ చిత్రాల‌ను అందించిన దిల్‌రాజు, శిరీష్ ఫ్యామిలీ నుంచి హీరోగా ప‌రిచ‌యం అవుతున్నారు ఆశిష్‌(శిరీష్ త‌న‌యుడు). బుధవారం ఈ సినిమా నుంచి ‘ప్రేమే ఆకాశం..’ అనే పాట‌ను విడుద‌ల చేశారు. ఈ కార్య‌క్ర‌మానికి ముఖ్య అతిథిగా విచ్చేసిన రౌడీ హీరో విజ‌య్ దేవ‌ర‌కొండ ఈ సాంగ్‌ను లాంచ్ చేశారు. ఈ సంద‌ర్భంగా విజ‌య్ దేవ‌ర‌కొండ మాట్లాడారు.

‘‘డైరెక్టర్ ఆశిష్‌, అనుప‌మ‌, డైరెక్ట‌ర్ శ్రీహ‌ర్ష‌కు నాకు ప‌రిచయం ఉంది. వీరి కాంబినేష‌న్‌లో వ‌స్తున్న రౌడీ బాయ్స్ సినిమాలోని సాంగ్ లాంచ్ చేయ‌డం హ్యాపీగా ఉంది. పెళ్లిచూపులు ముందు నుంచి శ్రీహ‌ర్ష నాకు తెలుసు. హుషారు క‌థ నాకు ముందే చెప్పాడు. యూత్ మీట‌ర్ ప‌ర్పెక్ట్‌గా తెలిసిన ద‌ర్శ‌కుడు. అందుకు ఈ సినిమా అంద‌రికీ క‌నెక్ట్ అవుతుంద‌ని తెలుసు. దిల్‌రాజుగారు, శిరీష్‌గారు సామాన్య‌మైన వ్య‌క్తులు కాదు. వాళ్లు గ‌ర్వ‌ప‌డేలా ఆశిష్ సినిమా చేస్తే చాలు. వాళ్లు గ‌ర్వ‌ప‌డేలా గొప్ప న‌టుడిగా ఎద‌గాల‌ని కోరుకుంటున్నాను. నిజానికి దిల్‌రాజుగారు, శిరీష్‌గారు అస‌లు రౌడీ బాయ్స్. ఎందుకంటే ఎక్క‌డో నిజామాబాద్ నుంచి ఇక్క‌డ‌కు వ‌చ్చి సినీ ఇండ‌స్ట్రీలో స్థిర‌ప‌డ్డారు. రాజుగారితో మైండ్ బ్లోయింగ్ సినిమా చేయాల‌ని వెయిట్ చేస్తున్నాను. త్వ‌ర‌లోనే అనౌన్స్ చేస్తాం. న‌వంబ‌ర్ 19న రౌడీ బాయ్స్ విడుద‌ల‌వుతుంది’’ అన్నారు.

నిర్మాత దిల్‌రాజు మాట్లాడుతూ ‘‘‘రౌడీ బాయ్స్‌’ ప‌క్కా యూత్ కంటెంట్ మూవీ. ఆల్ రెడీ ఫ‌స్ట్ సాంగ్‌, టీజ‌ర్ చూశారు. సినిమా కాలేజ్ బ్యాక్ డ్రాప్‌లో సాగే సినిమా. ఇందులో ల‌వ్ కంటెంట్ ఎలా ఉంటుంద‌నేది సినిమా చూడాల్సిందే. యూత్‌ఫుల్ మూవీ కావ‌డంతో దీనికి రౌడీ బాయ్స్ అనే టైటిల్ పెట్టాం. విజ‌య్‌తో నాకు డిఫ‌రెంట్ జ‌ర్నీ ఉంది. కేరింత సినిమాకు ముగ్గురు హీరోల్లో ఒక‌రిగా న‌టించ‌డానికి విజ‌య్ దేవ‌ర‌కొండ ఫొటో షూట్‌కు వ‌స్తే, అలా చూసేసి వెళ్లిపోయాను. త‌న‌ను క‌ల‌వ‌లేదు. అలాగే పెళ్లిచూపులు సినిమాను కూడా నాకు చూపించాల‌ని త‌ను ప్ర‌య‌త్నిస్తే నేను ఆస్ట్రేలియాలో హాలీడేస్‌లో ఉన్నాను. తర్వాత త‌ను అర్జున్ రెడ్డితో ఓ క‌ల్ట్ స‌క్సెస్ సాధించాడు. గీతా గోవిందం స‌క్సెస్ త‌ర్వాత ఈవెంట్‌కు వెళ్లిన నేను అక్క‌డకు విజ‌య్ వ‌స్తుంటే వ‌స్తున్న రెస్పాన్స్ చూసి.. ప‌వ‌న్ క‌ళ్యాణ్‌గారికి ఫ్యాన్స్ దొరికారు. ప‌వ‌న్ క‌ళ్యాణ్‌లా తెలుగు ఇండ‌స్ట్రీకి ఓ యూత్‌ఫుల్ స్టార్ దొరికాడ‌ని అన్నారు. హీరో ఆశిష్ మాట్లాడుతూ ‘‘బిజీగా ఉన్న‌ప్ప‌టికీ మా కోసం వ‌చ్చి సాంగ్ లాంచ్ చేసిన విజ‌య‌న్న‌కు థాంక్స్‌. లైగ‌ర్ కోసం మేమందరం ఆస‌క్తిగా ఎదురుచూస్తున్నాం. అనుప‌మ పెద్ద స్టార్ అయినా ఎంత‌గానో స‌పోర్ట్ చేసిందన్నారు. అనుప‌మ ప‌ర‌మేశ్వ‌ర‌న్ మాట్లాడుతూ ‘‘మమ్మల్ని ఆద‌రిస్తున్న ప్రేక్ష‌కుల‌కు థాంక్స్‌. అలాగే విజ‌య్ దేవ‌ర‌కొండగారికి స్పెష‌ల్ థాంక్స్‌. ఈ కార్య‌క్ర‌మంలో తేజ్ కొర్ర‌పాటి, కార్తీక్ ర‌త్నం, ప్ర‌ణీత్‌, కోమ‌లి, ర‌చ్చ ర‌వి త‌దిత‌రులు పాల్గొన్నారు.

Follow us