Trivikram : అల్లు అర్జున్ కోసం త్రివిక్రం ప్లాన్ చేంజ్.. ఈసారి లెక్కకు మించి చేస్తున్నాడట..!

అల్లు అర్జున్, త్రివిక్రం (Trivikram) ఇద్దరు కలిసి చేసిన 3 సినిమాలు సూపర్ హిట్ అయ్యాయి. జులాయి, సన్నాఫ్ సత్యమూర్తి, అల వైకుంఠపురములో ఈ ఇద్దరు కలిసి చేసిన ప్రతి సినిమా సెన్సేషనల్ హిట్ అనిపించుకుంది. అయితే మరోసారి త్రివిక్రం, అల్లు అర్జున్ కలిసి సినిమా చేస్తున్నారు. డబుల్ హ్యాట్రిక్ కి నాంధి పలుకుతూ ఈ ఇద్దరు చేసే ఈ సినిమాపై ఆడియన్స్ లో భారీ అంచనాలు ఉన్నాయి. అయితే త్రివిక్రం ఈసారి అల్లు అర్జున్ తో చేసే సినిమా ఫ్యామిలీ డ్రామా అయితే కాదని అంటున్నారు.

గుంటూరు కారం సినిమా చూశాక ఆ సినిమాలో గురూజీ మార్క్ మిస్ అయినట్టు చెప్పుకోగా అల్లు అర్జున్ కోసం ఫ్యామిలీ డ్రామా కాకుండా ఒక యూనివర్సల్ అప్పీల్ ఉన్న కథతో త్రివిక్రం సినిమా చేస్తున్నాడని తెలుస్తుంది. ఈ కథతో అల్లు అర్జున్ తో పాన్ ఇండియా అటెంప్ట్ చేయనున్నాడు త్రివిక్రం. త్రివిక్రం పెన్ పవర్ గురించి అందరికీ తెలిసిందే. ఒక మామూలు సందర్భాన్ని తన మాటలతో మ్యాజిక్ చేస్తాడు. అలాంటి త్రివిక్రం ఒక బలమైన కథతో వస్తే ఎలా ఉంటుందో ఊహించవచ్చు.

అల్లు అర్జున్ కూడా పుష్ప సినిమాతో పాన్ ఇండియా లెవెల్ లో సూపర్ క్రేజ్ తెచ్చుకున్నాడు. అందుకే ఈసారి బన్నీతో నేషనల్ లెవెల్ లో ఆడియన్స్ ని మెప్పించాలని ప్రయత్నిస్తున్నాడు. ఇద్దరు కలిసి చేసిన చివరి సినిమా అల వైకుంఠపురములో బ్లాక్ బస్టర్ కాగా మళ్లీ దాన్ని మించే హిట్ కొట్టాలని టార్గెట్ పెట్టుకున్నారు.

పుష్ప 2 పూర్తి కాగానే అల్లు అర్జున్ త్రివిక్రం సినిమా చేయాలని ప్లాన్ చేస్తున్నాడట. ఈలోగా ప్రీ ప్రొడక్షన్ వర్క్ మొత్తం పూర్తి చేయాలని త్రివిక్రం ప్లాన్ చేసినట్టు తెలుస్తుంది. మొత్తానికి సూపర్ హిట్ కాంబో మరో సూపర్ హిట్ సినిమాకు సిద్ధమవుతున్నారని చెప్పొచ్చు.