Mahesh Babu: సోషల్ మీడియాలో రికార్డు సృష్టించిన మహేష్ బాబు.. ఏకైక సౌత్ ఇండియన్ హీరోగా సూపర్ స్టార్..!

సూపర్ స్టార్ మహేష్ బాబు (Mahesh Babu) రికార్డు సృష్టించాడు. సోషల్ మీడియాలో అత్యధిక ఫాలోవర్లు కలిగిన ఏకైక సౌత్ ఇండియన్ హీరోగా నిలిచాడు. ఫేస్‌బుక్, ట్విటర్‌, ఇన్‌స్టాల్లో మహేష్‌కు 10 మిలియన్ల ఫాలోవర్లు ఉన్నారు. ఫేస్ బుక్, ట్విట్టర్, ఇన్ స్టాగ్రామ్ వేదికల్లో ఆయనకు మొత్తం 38.3 మిలియన్ల మంది ఫాలోవర్లు ఉన్నారు. ఈ మూడింటిలో కోటి మంది ఫాలోవర్లను క్రాస్‌ చేసిన ఏకైక సౌత్ ఇండియన్ హీరోగా మహేష్ నిలిచాడు.

ఫేస్ బుక్ లో 15 మిలియన్లు, ట్విట్టర్ లో 13.2 మిలియన్లు, ఇన్ స్టాగ్రామ్ లో 10.1 మిలియన్ల మంది మహేశ్ బాబును అనుసరిస్తున్నారు. ప్రతి సోషల్ మీడియా వేదికపైనా మహేశ్ కు కోటికి తక్కువ కాకుండా ఫాలోవర్లు ఉండడం విశేషం. మరే సౌత్ హీరోకు ఈ స్థాయిలో ఫాలోవర్లు లేరు. ఈ రికార్డుతో సూపర్ స్టార్ అభిమానులు ఉప్పొంగిపోతున్నారు.

Also Read: Samantha: విడాకులపై సమంత షాకింగ్ కామెంట్స్.. చెయ్యని తప్పుకు ఇంట్లో ఎందుకు కూర్చోవాలంటూ?

కాగా మహేష్ ప్రస్తుతం త్రివిక్రమ్ దర్శకత్వంలో నటిస్తున్నాడు. ఈ మూవీ వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. ఈ మూవీలో పూజహెగ్డే హీరోయిన్ గా నటిస్తుంది. ఖలేజా మూవీ తర్వాత త్రివిక్రమ్- మహేష్ బాబు కాంబినేషన్ లో వస్తున్న సినిమా కావడంతో సూపర్ స్టార్ అభిమానులు ఆసక్తిగా ఎదురుచూస్తున్నారు. ఈ సినిమా తరువాత ఆయన జక్కన్న రాజమౌళితో సినిమా చేయబోతున్నారు. ఇప్పటికే ఈ సినిమాకు సంబంధించిన పనులు స్టార్ట్ అయినట్టు తెలుస్తోంది.