Samantha: పూజ హెగ్డే చేయాల్సిన పనికి సిద్దమైన సమంత
ప్రిన్స్ మహేష్ బాబు, మాటల మాంత్రికుడు త్రివిక్రమ్ కాంబినేషన్లో మరో సినిమా రాబోతోంది.
- By Hashtag U Published Date - 11:36 AM, Sat - 27 November 21
ప్రిన్స్ మహేష్ బాబు, మాటల మాంత్రికుడు త్రివిక్రమ్ కాంబినేషన్లో మరో సినిమా రాబోతోంది. ఈ విషయాన్ని మొన్న మహేష్ బాబు పుట్టినరోజున తివిక్రమ్‌ టీం అధికారిక ప్రకటన కూడా విడుదల చేసింది. ఈ చిత్రంలో మహేశ్‌కు జోడిగా పూజ హెగ్డేను ఖరారు చేసినట్లు మొదటి నుండి వినిపిస్తోంది. తాజాగా ఈ ప్రాజెక్ట్ పై ఓ ఆసక్తికర అప్‌డేట్‌ సోషల్‌ మీడియాలో చక్కర్లు కొడుతోంది.
పూజ హెగ్డే తన బిజీ షెడ్యూల్ వల్ల ఈ ప్రాజెక్ట్‌ను వదులుకున్నట్లు సమాచారం. తాను ప్రస్తుతం రాధేశ్యామ్‌, ఆచార్య, బీస్ట్‌, సర్కస్‌ చిత్రాలతో ఫుల్‌ బిజీగా ఉంది. రాధేశ్యామ్‌, ఆచార్య షూటింగ్‌లు దాదాపుగా పూర్తయ్యాయి. అయితే బీస్ట్‌, సర్కస్‌ షూటింగ్ కావాల్సి ఉంది. వీటితో పాటు పూజ చేతిలో మరిన్ని ప్రాజెక్ట్స్‌ కూడా ఉండటంతో మహేశ్‌ త్రివిక్రమ్‌ల సినిమాకు డేట్స్‌ సర్దుబాటు కావడంలేదట.
దీంతో ఈ మూవీ నుంచి పూజ తప్పుకున్నట్లు వినిపిస్తోంది. పూజా పక్కకి జరగగానే ఈ సబ్జెక్టు కోసం సమంతను అప్రోచ్ అయ్యారట. దీనికి తాను గ్రీన్‌ సిగ్నల్‌ ఇచ్చిందని కూడా వార్తలు వస్తున్నాయి. దీనిపై త్వరలోనే అధికారిక ప్రకటన కూడా విడుదల కానుందని సమాచారం.
