Rukshar Dhillon: వద్దని చెప్పిన వినకుండా అలా చేసారు.. మండిపడిన కిరణ్ అబ్బవరం హీరోయిన్!

Rukshar Dhillon

టాలీవుడ్ యంగ్‌ హీరో కిరణ్‌ అబ్బవరం, రుక్సార్‌ ధిల్లాన్‌ జంటగా నటించిన చిత్రం దిల్‌రూబా. విశ్వకరుణ్‌ ఈ సినిమాకు దర్శకత్వం వహించిన విషయం తెలిసిందే. ఈ సినిమా మార్చి 14న విడుదల కానుంది. ఇది ఇలా ఉంటే తాజాగా మార్చి 6న గురువారం రోజు ఈ సినిమా ట్రైలర్ను విడుదల చేశారు మూవీ మేకర్స్. ఈ సందర్భంగా ట్రైలర్ లాంచ్ ఈవెంట్ కార్యక్రమాన్ని నిర్వహించారు. ఈవెంట్ లో భాగంగా హీరోయిన్ రుక్సార్‌ ధిల్లాన్‌ మాట్లాడుతూ ఆసక్తికర వ్యాఖ్యలు చేసింది.

తెలుగులో ముద్దు ముద్దుగా మాట్లాడుతూ ప్రేక్షకులను అలరించింది. ఈ సందర్భంగా రుక్సార్‌ ధిల్లాన్‌ మాట్లాడుతూ.. దిల్‌రూబా సినిమాలో నేను పోషించిన అంజలి పాత్రకు బాగా కనెక్ట్‌ అయ్యాను. ఈ సినిమా బాగా ఆడుతుందన్న నమ్మకం ఉంది. మీకు కచ్చితంగా నచ్చుతుందని నేను బలంగా చెప్పగలను. మొదటి నుంచి దీని గురించి మాట్లాడాలా? వద్దా? అని ఆలోచిస్తున్నాను. కాస్త భయపడుతూనే ఉన్నాను. కానీ ఇది ముఖ్యమైన విషయం కాబట్టి మాట్లాడక తప్పడం లేదు. మీరు ఎప్పుడు పడితే అప్పుడు ఫోటోలు తీస్తూనే ఉంటారు. నాకు కాస్త అసౌకర్యంగా ఉందని చెప్పినా వినిపించుకోలేదు.

మీరు అసౌకర్యంగా ఫీల్‌ అవుతున్నప్పుడు ఎదుటివాళ్లు వచ్చి మిమ్మల్ని ఫోటో తీస్తే మీరు ఒప్పుకుంటారా? లేదు కదా! కాస్త ఇబ్బందిగా ఉంది. దయచేసి నా ఫోటోలు తీయకండి అని ఎంతో ప్రేమగా, గౌరవంగా చెప్పాను. కానీ కొందరు అస్సలు వినిపించుకోలేదు. వారి పేర్లు చెప్పడం నాకిష్టం లేదు. ఈ మెసేజ్‌ వారికి చేరుతుందని ఆశిస్తున్నాను అని సీరియస్‌ అయింది. ఈ సందర్భంగా ఆమె చేసిన వాఖ్యలు సోషల్ మీడియాలో వైరల్ గా మారాయి. కొందరు నిజమే కదా ఎదుటివారికి అసౌకర్యంగా అనిపించినప్పుడు ఫోటోలు తీసి మరింత ఇబ్బంది పెట్టకూడదు అంటూ ఆమెకు మద్దతుగా కామెంట్స్ చేస్తున్నారు.

Follow us