Super Star Rajanikanth : రజినీ సింప్లిసిటీ.. రోడ్డు పక్కన నిల్చొని భోజనం!

Rajinikanth Simplicity

దక్షిణ భారత సినీ పరిశ్రమకు సూపర్ స్టార్‌గా పేరుపొందిన రజినీకాంత్ (Rajanikanth ) ప్రతి సంవత్సరం తన ఆధ్యాత్మిక పర్యటనను తప్పక కొనసాగిస్తారు. ఈసారి కూడా ‘జైలర్-2’ షూటింగ్‌కి తాత్కాలికంగా విరామం ఇచ్చి ఉత్తర భారతంలోని పవిత్ర స్థలాల దర్శనానికి బయలుదేరారు. ఆయన తీర్థయాత్రలంటే అభిమానులకు ప్రత్యేక ఆసక్తి ఉంటుంది. ప్రతిసారీ మాదిరిగా ఈ యాత్ర కూడా ఆయన ఆధ్యాత్మికతకు నిదర్శనంగా నిలుస్తోంది.

Abhishek Sharma: ప్లేయర్ ఆఫ్ ది టోర్నమెంట్ అవార్డు కారును భారత్‌కు తేలేకపోయిన అభిషేక్ శర్మ.. కారణమిదే!

ప్రస్తుతం రజినీకాంత్ రిషికేశ్‌లోని ఒక ఆశ్రమంలో సేదతీరుతూ ధ్యానంలో మునిగిపోయినట్లు తెలుస్తోంది. అక్కడ రోడ్డు పక్కనే సాధారణ భక్తుల్లా భోజనం చేస్తూ కనిపించిన ఫోటోలు సామాజిక మాధ్యమాల్లో విపరీతంగా వైరల్ అవుతున్నాయి. సాధారణంగా సినీ తారలు గ్లామర్, రక్షణల నడుమ కనిపిస్తారు. కానీ రజినీకాంత్ మాత్రం ఏ ప్రాచుర్యం లేకుండా సాధారణ జీవనం గడపడం ఆయన సాదాసీదా వ్యక్తిత్వాన్ని చాటుతోంది.

ఈ యాత్రలో భాగంగా రజినీకాంత్ ఇప్పటికే బద్రీనాథ్ ఆలయం, బాబా గుహ వంటి పలు పవిత్ర ప్రదేశాలను దర్శించుకున్నట్లు సమాచారం. ప్రతి సంవత్సరం ఇలాంటి ఆధ్యాత్మిక యాత్రలు చేయడం ఆయనకు శక్తినిచ్చే మూలం అని చెబుతారు. వృత్తి రీత్యా బిజీగా ఉన్నప్పటికీ ఆధ్యాత్మికతకు సమయం కేటాయించడం, క్రమం తప్పకుండా తీర్థయాత్రలు చేయడం ఆయనకు ప్రత్యేకమైన గుణంగా నిలుస్తోంది. అభిమానులు కూడా ఆయన ఈ ఆధ్యాత్మిక వైపు చూసి ప్రేరణ పొందుతున్నారు.

Follow us