Warner : క్షేమపణలు కోరిన రాజేంద్రప్రసాద్

Rajendra Prasad Wished For

ప్రముఖ నటుడు రాజేంద్ర ప్రసాద్ (Rajendra Prasad) క్రికెటర్ డేవిడ్ వార్నర్ (Warner) గురించి రాబిన్ హుడ్ ప్రీ-రిలీజ్ ఈవెంట్‌ (RobinHood Pre Release)లో చేసిన వ్యాఖ్యలు వివాదాస్పదంగా మారాయి. ఈ వేడుకలో మాట్లాడిన రాజేంద్ర ప్రసాద్, వార్నర్‌ను ఉద్దేశించి అనుచిత పదజాలాన్ని ఉపయోగించడంతో, ఆ వ్యాఖ్యలు సోషల్ మీడియాలో వైరల్ అయ్యాయి. దీంతో అభిమానులు, నెటిజన్లు రాజేంద్ర ప్రసాద్ వ్యాఖ్యలపై తీవ్రంగా స్పందిస్తూ విమర్శలు చేయడం మొదలుపెట్టారు. వార్నర్ క్రికెట్‌ను మెచ్చుకునే అభిమానులందరూ ఇలాంటి మాటలు చెప్పడం తగదని మండిపడ్డారు. దీంతో రాబిన్ హుడ్ చిత్ర బృందం కూడా అసహనాన్ని వ్యక్తం చేసింది.

SLBC : 33 రోజులకు మరో మృత దేహం లభ్యం

ఈ వివాదం పెరుగుతుండటంతో రాజేంద్ర ప్రసాద్ స్పందిస్తూ డేవిడ్ వార్నర్‌ను ఉద్దేశించి బహిరంగంగా క్షమాపణలు చెప్పారు. తాను ఉద్దేశపూర్వకంగా ఆ వ్యాఖ్యలు చేయలేదని, ప్రీ రిలీజ్ వేడుకకు ముందు వార్నర్‌తో చాలా సరదాగా మాట్లాడామన్నారు. తమ మధ్య స్నేహబంధం ఉందని, వార్నర్ కూడా తెలుగు సినిమాలను ఇష్టపడతాడని అన్నారు. అయితే తన మాటల వల్ల ఎవరైనా బాధపడి ఉంటే క్షమించాలంటూ కోరారు. ఇకపై ఇలాంటి ఘటనలు జరగకుండా చూసుకుంటానని హామీ ఇచ్చారు.

Mana Intiki Mana Mitra : ఏప్రిల్లో ‘మన ఇంటికి మన మిత్ర’

అయితే ఈ వివాదంపై కొందరు నెటిజన్లు రాజేంద్ర ప్రసాద్ స్పందనను స్వాగతించగా, మరికొందరు మాత్రం ఇదంతా స్క్రిప్టెడ్ డ్రామా అని అభిప్రాయపడ్డారు. ఈ ఘటనను ఓ ప్రచార వ్యూహంగా ఉపయోగించుకున్నారని విమర్శలు చేస్తున్నారు. అయితే రాజేంద్ర ప్రసాద్ బహిరంగంగా సారీ చెప్పడంతో, ఇది మరింత పెద్ద వివాదంగా మారకుండా ముగిసే అవకాశం ఉంది. మార్చి 28న విడుదల కానున్న రాబిన్ హుడ్ చిత్రాన్ని ప్రేక్షకులు తప్పక చూడాలంటూ రాజేంద్ర ప్రసాద్ తన వీడియో సందేశంలో కోరారు.

డేవిడ్ వార్నర్ కు సారీ చెప్పిన రాజేంద్ర ప్రసాద్#DavidWarner #RajendraPrasad #Robinhood pic.twitter.com/TxOFoaVdt3

— Milagro Movies (@MilagroMovies) March 25, 2025

Follow us