Mana Intiki Mana Mitra : ఏప్రిల్లో ‘మన ఇంటికి మన మిత్ర’
Mana Intiki Mana Mitra : ఈ కార్యక్రమం ద్వారా అధికారులు ప్రతి ఇంటికి వెళ్లి 95523 00009 నంబర్ను ప్రజల స్మార్ట్ఫోన్లలో సేవ్ చేయించి, అందుబాటులో ఉన్న ప్రభుత్వ సేవల గురించి అవగాహన కల్పిస్తారు
- Author : Sudheer
Date : 25-03-2025 - 3:45 IST
Published By : Hashtagu Telugu Desk
ఆంధ్రప్రదేశ్ ప్రభుత్వం వాట్సాప్ గవర్నెన్స్ సేవలను ప్రజలకు మరింత చేరువ చేసేందుకు “మన ఇంటికి మన మిత్ర” (Mana Intiki Mana Mitra ) అనే ప్రత్యేక కార్యక్రమాన్ని ఏప్రిల్లో ప్రారంభించనుంది. ఈ కార్యక్రమం ద్వారా అధికారులు ప్రతి ఇంటికి వెళ్లి 95523 00009 నంబర్ను ప్రజల స్మార్ట్ఫోన్లలో సేవ్ చేయించి, అందుబాటులో ఉన్న ప్రభుత్వ సేవల గురించి అవగాహన కల్పిస్తారు. ప్రస్తుతం ఈ వాట్సాప్ సర్వీస్ ద్వారా 210 రకాల సేవలు అందుబాటులో ఉన్నాయని, రాబోయే రోజుల్లో మరిన్ని సేవలను చేర్చనున్నట్లు IT & RTG శాఖ కార్యదర్శి భాస్కర్ తెలిపారు.
Bollywood To Tollywood : టాలీవుడ్కు వచ్చేస్తా.. ఎందుకో చెప్పిన సన్నీ దేవల్
“మన ఇంటికి మన మిత్ర” (Mana Intiki Mana Mitra ) కార్యక్రమం ప్రజలకు డిజిటల్ ఫార్మాట్లో మరింత త్వరగా, సులభంగా సేవలను పొందే అవకాశం కల్పిస్తుంది. ప్రభుత్వ పథకాలు, పెన్షన్లు, రేషన్ కార్డులు, విద్య, వైద్య సేవలు, ఆర్థిక సహాయ పథకాలకు సంబంధించి అన్ని రకాల ధృవపత్రాలను వాట్సాప్ ద్వారా పొందవచ్చు. ఇది ముఖ్యంగా గ్రామీణ ప్రాంతాల్లో ప్రజలకు ప్రభుత్వ సేవలను వేగంగా అందించేందుకు ఉపయోగపడనుంది. ఇకపై ప్రభుత్వ కార్యాలయాలకు తిరగాల్సిన అవసరం లేకుండా, ప్రజలు తమ మొబైల్ ఫోన్ ద్వారా అవసరమైన సమాచారాన్ని పొందగలుగుతారు.
ఈ కార్యక్రమం సమయాన్ని, ఖర్చును ఆదా చేయడమే కాకుండా, ప్రభుత్వ సేవల పారదర్శకతను పెంచేందుకు కూడా తోడ్పడుతుంది. ముఖ్యంగా సీనియర్ సిటిజన్లు, శారీరకంగా అంగవైకల్యం కలిగిన వారు, సామాన్య ప్రజలు ఇకపై చిన్నచిన్న పనుల కోసం అధిక శ్రమ పడాల్సిన అవసరం ఉండదు. డిజిటల్ గవర్నెన్స్లో కొత్త అడుగుగా నిలిచే ఈ కార్యక్రమం రాష్ట్ర ప్రజలందరికీ మేలు చేసేందుకు ప్రభుత్వ విధానాలలో పెద్ద మార్పు తీసుకురానుందని నిపుణులు భావిస్తున్నారు.
Follow us
