World Environment Day 2024: లోపల శుభ్రంగా ఉంచుకున్నట్లే బయట కూడా శుభ్రంగా ఉంచుకోండి: పూజా హెగ్డే

Pooja Hegde

World Environment Day 2024: ప్రపంచ పర్యావరణ దినోత్సవాన్ని ప్రతి సంవత్సరం జూన్ 5న జరుపుకుంటారు. ఈ సందర్భంగా నటి పూజా హెగ్డే పర్యావరణ స్పృహతో చిన్న చిన్న మార్పులను తెలియజేశారు. తాను ప్రయాణం చేసినప్పుడల్లా తన కారులో చెత్త వేయడానికి వీలుగా ఒక బ్యాగ్‌ని ఉంచుకుంటానని చెప్పింది.

పూజా ఇటీవల ముంబైలోని జుహు బీచ్‌లో బీచ్ క్లీనప్ క్యాంపెయిన్‌లో పాల్గొంది.జీవితంలో చిన్న చిన్న అడుగులు వేస్తే సమాజంలో పెను మార్పును చూడగలమని అన్నారు. నేను ప్రయాణించినప్పుడల్లా, నా కారులో చెత్తను విసిరే బ్యాగ్‌ని ఎప్పుడూ ఉంచుతాను. నేను రోడ్లు, బీచ్‌లు లేదా బహిరంగ ప్రదేశాల్లో వస్తువులను విసిరేయను. ఈ చిన్న విషయాల పట్ల శ్రద్ధ వహిస్తే పెద్ద మార్పు తీసుకురాగలమని నేను భావిస్తున్నాను అంటూ పూజా సూచించారు.

మనం వస్తువులను ఇక్కడ, అక్కడ విసిరేయకూడదు. మనం ఒక రిజల్యూషన్ తీసుకోవాలి. మన ఇంట్లో ఎలా పరిశుభ్రంగా ఉంచుకుంటామో బయట కూడా అంతే శుభ్రత పాటించాలి. ప్లాస్టిక్‌ను అతితక్కువగా ఉపయోగించాలి. కాగా పూజా హెగ్డే చివరిగా కిసీ కా భాయ్ కిసీ కి జాన్ చిత్రంలో కనిపించింది. తెలుగులో ఆమె ఆచార్య, మోస్ట్ ఎలిజిబుల్ బ్యాచిలర్, అలా వైకుంఠపురములో, మహర్షి వంటి తెలుగు చిత్రాలలో మరియు బీస్ట్ మరియు మూగమూడి వంటి తమిళ చిత్రాలలో నటించి మెప్పించింది.హిందీలో మొహెంజొదారో, హౌస్‌ఫుల్ 4, రాధే శ్యామ్ మరియు సర్కస్ వంటి చిత్రాలలో నటించింది. అయితే పూజ త్వరలో షాహిద్ కపూర్ నటించిన యాక్షన్ థ్రిల్లర్ దేవా మరియు తమిళ చిత్రం సూర్య 44 లో కనిపించనుంది.

Also Read: Bed Bugs : బెడ్ బగ్స్ వేధిస్తున్నాయా ? ఇలా తరిమికొట్టండి

Follow us