Pathaan beats Bahubali: బాహుబలి రికార్డ్స్ ను బద్ధలుకొట్టిన పఠాన్!
‘పఠాన్’ (Pathaan) సినిమాతో షారుఖ్ ఖాన్ యుఎస్లో ‘బాహుబలి-2’ ఫుట్ ఫాల్స్ రికార్డును బద్దలు కొట్టేయడం విశేషం.
- By Balu J Published Date - 12:17 PM, Tue - 7 February 23
బాలీవుడ్ కింగ్ ఖాన్ షారుఖ్ నటించిన పఠాన్ మూవీ పలు రికార్డులను తిరుగరాస్తోంది. ఇప్పటికే ఎన్నో రికార్డులను కొల్లగొట్టిన ఈ మూవీ మరో సరికొత్త రికార్డునమోదు చేసింది. ఈ నేపథ్యంలో ఇండియన్ ఫిలిం హిస్టరీలో ‘బాహుబలి (Bahubali): ది కంక్లూజన్’కి సంబంధించిన సంచలనాలన్నింటినీ ఒక ప్రత్యేక అధ్యాయంగా పేర్కొనవచ్చు. ఆ సినిమాకు వచ్చిన హైప్, దానికి జరిగిన అడ్వాన్స్ బుకింగ్స్, రిలీజ్కి ముందు-తర్వాత టికెట్ల కోసం నెలకొన్న డిమాండ్, వసూళ్లు.. ఇలా ప్రతి విషయంలోనూ నభూతో అనిపించే రికార్డు (Records) లను నమోదు చేసిందా చిత్రం. సమీప భవిష్యత్తులో ఆ సినిమా రికార్డులను ఎవరూ బద్దలు కొట్టలేని పరిస్థితి నెలకొంది. ఐతే టికెట్ల ధరలు పెరగడం వల్ల బాహుబలి-2 (Bahubali) రికార్డులు ఒక్కొక్కటిగా బద్దలవుతున్నాయి.
కానీ ఆ సినిమా చూసిన జనాల సంఖ్య విషయంలో మాత్రం చాలా చోట్ల రికార్డులు పదిలంగా ఉన్నాయి. కానీ ‘పఠాన్’ (Pathaan) సినిమాతో షారుఖ్ ఖాన్ యుఎస్లో ‘బాహుబలి-2’ ఫుట్ ఫాల్స్ రికార్డును బద్దలు కొట్టేయడం విశేషం. బాహుబలి-2 యుఎస్లో 2.12 మిలియన్ ఫుట్ ఫాల్స్తో నంబర్ వన్ ఇండియన్ మూవీగా నిలిచింది. ‘పఠాన్’ ఇప్పుడు ఆ రికార్డును దాటేసినట్లు ట్రేడ్ వర్గాల సమాచారం. కానీ వసూళ్లలో ‘పఠాన్’కు, ‘బాహుబలి-2’కు అంతరం చాలానే ఉంది. షారుఖ్ (Shah rukh khan) సినిమా 14.5 మిలియన్ డాలర్లు కలెక్ట్ చేయగా.. ‘బాహుబలి-2’ లెక్క 20 మిలియన్ డాలర్లకు పైగానే ఉంది.
‘బాహుబలి’ (Bahubali) కి సగటున 25 డాలర్లతో టికెట్లు అమ్మారు. కానీ ‘పఠాన్’ యావరేజ్ టికెట్ రేటు 12 డాలర్లే. హిందీ (Bollywood) సినిమాలన్నీ కూడా దాదాపు ఈ రేటుతోనే రిలీజవుతుంటాయి. తెలుగు సినిమాలకే అక్కడ డిమాండ్ బాగా ఉండడం వల్ల టికెట్ల ధరలు ఎక్కువ పెడుతుంటారు. టికెట్ రేటు తక్కువ కావడం వల్ల ‘పఠాన్’ వసూళ్లలో ఆల్ టైం రికార్డును కొట్టలేదు కానీ.. లేదంటే ఇదే నంబర్ వన్ అయి ఉండేది. ‘బాహుబలి-2’తో పోలిస్తే వీక్ కంటెంట్ ఉన్నప్పటికీ ఇన్ని ఫుట్ ఫాల్స్, ఇంత వసూళ్లు రాబట్టడం గొప్ప విషయమే. వరల్డ్ వైడ్ (World wide) ఈ చిత్ర వసూళ్లు రూ.850 కోట్ల మార్కును దాటేయడం విశేషం.
Also Read: Jajimogulali Lyrical Video: ఉర్రూతలూగిస్తున్న ‘రుద్రంగి’ ఫోక్ సాంగ్ ‘జాజిమొగులాలి’
Related News
Shah Rukh Khan : బాలీవుడ్ ‘అల్లుడు’ విరాట్ కోహ్లీ
కోల్కతా నైట్ రైడర్స్ (కెకెఆర్) సహ యజమాని, బాలీవుడ్ సూపర్ స్టార్ షారుఖ్ ఖాన్ స్టైలిష్ ఇండియన్ బ్యాటర్ విరాట్ కోహ్లీని "నేను అతనిని ప్రేమిస్తున్నాను" అంటూ ప్రశంసలు కురిపించాడు.