Oscars or BAFTA: ఆస్కార్ లేదా బాఫ్ట ? “గోల్డెన్ గ్లోబ్” విజయం తర్వాత RRR నెక్స్ట్ టార్గెట్ ఏమిటి?

SS రాజమౌళి నిర్మించిన ” RRR ” మూవీలోని “నాటు నాటు” సాంగ్ కు ఉత్తమ ఒరిజినల్ పాటగా గోల్డెన్ గ్లోబ్ అవార్డు వచ్చిన సంగతి తెలిసిందే. జూనియర్ ఎన్టీఆర్, రామ్ చరణ్ నటించిన ఈ చిత్రం ఉత్తమ ఒరిజినల్ పాట, ఉత్తమ ఆంగ్లేతర చిత్రం అనే రెండు కేటగిరీలలో నామినేట్ చేయబడింది.అయితే ఉత్తమ ఆంగ్లేతర చిత్రం విభాగంలో.. ఇది ఒక అర్జెంటీనా చిత్రంతో ఓడిపోయింది. అయితే పాటల విభాగంలో మాత్రం ఇంటర్నేషనల్ హెవీ వెయిట్స్ టేలర్ స్విఫ్ట్, రిహన్న , లేడీ గాగాలను కూడా ఓడించగలిగింది. అంతర్జాతీయ వేదికపై ఒక ఘనతను సాధించిన టీమ్ RRRకు తదుపరి లక్ష్యం ఏమిటి? మార్చి 12 కంటే ముందు వాళ్ళ ముందున్న రోడ్ మ్యాప్ ఏమిటి ? అంటే.. “నాటు నాటు” సాంగ్ కు ఆస్కార్ విజయం దక్కేలా చేయడం. దీంతోపాటు RRR మూవీకి సంబంధించి మరిన్ని విభాగాల్లో నామినేషన్లు దాఖలుపై దృష్టిపెట్టే అవకాశం ఉంది.

ఆస్కార్ నామినేషన్లలో..

జనవరి 12నే ఆస్కార్ నామినేషన్లకు అధికారిక ఓటింగ్ ప్రారంభమైంది. RRR మూవీకి సంబంధించి రాజమౌళి అండ్ టీమ్ ఇప్పటివరకు చేసిన ప్రచారం, లాబీయింగ్ ఈ ఓటింగ్ సమయంలో దాని ప్రభావాన్ని చూపుతుంది. జనవరి 17న ఓటింగ్ ముగుస్తుంది. నామినేషన్ రేసు కోసం బ్యాలెట్ బాక్స్‌లు మూసేస్తారు.

సంక్రాంతి రోజున..

సంక్రాంతి రోజున (జనవరి 15న)  టీమ్ RRRకి మరో ముఖ్యమైన తేదీ.. ఎందుకంటే క్రిటిక్స్ ఛాయిస్ అవార్డుల ప్రదానోత్సవం ఈ తేదీన జరుగుతుంది. ఉత్తమ చిత్రం, ఉత్తమ దర్శకుడు, ఉత్తమ పాట, ఉత్తమ విజువల్ ఎఫెక్ట్‌లు, ఉత్తమ విదేశీ భాషా చిత్రం వంటి ప్రధాన కేటగిరీలలో RRR నామినేట్ చేయబడింది . ఇక్కడ కూడా RRR ఉత్తమ పాట కేటగిరీలో అవార్డు గెలుచుకునే అవకాశాలు చాలా ఎక్కువగా ఉన్నాయి.

జనవరి 19న BAFTA..

జనవరి 19న BAFTA ఫిల్మ్ నామినేషన్లు ప్రకటించబడతాయి . ఇందులోనూ ఉత్తమ ఆంగ్లేతర చిత్రం కేటగిరీలో RRR పోటీపడుతోంది. తుది 5 నామినేషన్‌లలోకి RRR చేరినట్లయితే.. పశ్చిమ దేశాలు, UK మార్కెట్‌లోకి విస్తరించడానికి పెద్ద రోజు అవుతుంది.

అకాడమీ అవార్డ్స్‌లో..

జనవరి 24వ తేదీ రాజమౌళికి పెద్ద రోజు. మార్చిలో జరిగే అకాడమీ అవార్డ్స్‌ రేసులో RRR భవితవ్యాన్ని నిర్ణయించే రోజు ఇదే. ఇదే రోజున ఆస్కార్ లో ఏయే కేటగిరీల నామినేషన్లలో RRR క్వాలిఫై అయిందనే విషయం తేలిపోతుంది. RRR మూవీ బెస్ట్ సాంగ్‌ తో పలు ఇతర విభాగాలలోనూ అర్హత సాధిస్తుందని అంచనా వేస్తున్నారు.

“ఛెలో షో”

గుజరాతీలో నిర్మితమై ఇతర భాషల్లోకి అనువాదమైన మూవీ “ఛెలో షో” ఆస్కార్ అవార్డ్స్ లో ఉత్తమ విదేశీ చిత్ర కేటగిరీకి పోటీపడుతోంది. దాని భవితవ్యం కూడా ఇదే రోజు తెలుస్తుంది.

ఫిబ్రవరి 13..

ఫిబ్రవరి 13న ఆస్కార్ నామినీల లంచ్. టీమ్ RRR హాబ్‌నాబ్ , హాలీవుడ్ A-లిస్టర్‌లతో కలిసిపోవడానికి ఇది చాలా ముఖ్యమైన ప్రదేశం. Jr NTR ఆ మార్వెల్ మూవీని మానిఫెస్ట్ చేయాలనుకుంటే, ఇది సరైన ప్రదేశం!

ఫిబ్రవరి 19..

ఫిబ్రవరి 19న బాఫ్టా అవార్డుల ప్రదానోత్సవం ఉంది. నాన్-ఇంగ్లీష్ కేటగిరీలో RRR ఆ లిస్ట్‌లో స్థానం పొందితే అవార్డును గెలుచుకునే తేదీ అదే.

మార్చి 2..

మార్చి 2న ఆస్కార్ ఫైనల్ ఓటింగ్ ప్రారంభమవుతుంది. తమకు అనుకూలంగా ఓట్లు వేయమని ఓటర్లను ఒప్పించడానికి RRRకి ప్రచారం చేయడానికి, లాబీ చేయడానికి మార్చి 1 వరకు సమయం ఉంది. మార్చి 4న ఫిల్మ్ ఇండిపెండెంట్ స్పిరిట్ అవార్డుల వేడుక జరగనుంది.

మార్చి 7..

ఆస్కార్ బ్యాలెట్‌లు వేయడానికి మార్చి 7 చివరి తేదీ. ఈ తేదీన బాక్స్‌లు మూసివేయబడతాయి . తుది ఫలితాలు లెక్కించబడతాయి. ప్రధాన ఈవెంట్‌లో విజేతలు ప్రకటించబడతారు.

మార్చి 12..

మార్చి 12 క్యాలెండర్‌లో రెడ్ మార్క్ లాంటిది. ఇదే రోజున ఆస్కార్స్‌ వేడుకల రెడ్ కార్పెట్‌పై RRR బృందం నడిచే ఛాన్స్ ఉన్న రోజు.ఇక 95వ అకాడమీ అవార్డులు లాస్ ఏంజెల్స్ లో జరుగుతాయి. ఈ ఈవెంట్ సందర్భంగా నిర్వహించే లేట్ నైట్ షో కు హోస్ట్ గా జిమ్మీ కిమ్మెల్ వ్యవహరిస్తారు.