Manchu Manoj: వివాదంపై స్పందించిన మంచు మనోజ్.. దాని గురించి వాళ్లనే అడగండి అంటూ?

Manchu Manoj

తెలుగు సినిమా ఇండస్ట్రీలో గత కొద్ది రోజులుగా మంచు ఫ్యామిలీ పేరు మారుమోగుతున్న సంగతి మనందరికీ తెలిసిందే. మరి ముఖ్యంగా మంచు మనోజ్ మంచు విష్ణు ల పేర్లు సోషల్ మీడియాలో హల్చల్ చేస్తున్నాయి. తాజాగా వారిద్దరి మధ్య జరిగిన గొడవతో మంచు ఫ్యామిలీల గొడవ రోడ్డుకెక్కినట్టు అయింది. మనోజ్, విష్ణు ఇద్దరు గొడవ పడుతున్న వీడియోని మనోజ్ తన సోషల్ మీడియా ఖాతాలో షేర్ చేసిన విషయం తెలిసిందే. ఆ వీడియోలో మంచు మనోజ్ ఇలా ఇళ్లలోకి వచ్చి మా వాళ్లను బంధువులను ఇలా కొడుతున్నారండి.

ఇది ఇక్కడి పరిస్థితి అని తెలిపిన విషయం తెలిసిందే. ఆ వివాదం పై మంచు ఫ్యామిలీ స్పందిస్తూ సాధారణంగా అందరి కుటుంబాల్లో జరిగే గొడవల లాగే ఇవి కూడా అంటూ సమర్ధించుకునే ప్రయత్నం చేశారు. ఇది ఇలా ఉంటే తాజాగా ఇదే విషయం గురించి తాజాగా మంచు మనోజ్ స్పందించారు. తాజాగా సినిమా ప్రారంభోత్సవానికి వచ్చిన మంచు మనోజ్ కీ వివాదం గురించి ఈ ప్రశ్నలు ఎదురవ్వగా ఆ విషయంపై ఆసక్తికరంగా సమాధానం ఇచ్చారు. ఈ సందర్భంగా మనోజ్
మాట్లాడుతూ ఆ వివాదం గురించి నాకంటే ఒక ప్రముఖ ఛానల్ కి ఎక్కువ తెలుసు.

వాళ్లను అడిగితే చెబుతారు. నేను త్వరలోనే కొత్త ప్రాజెక్టుతో మీ ముందుకు వస్తున్నాను. వచ్చే నెల మొదటి వారంలో అందుకు సంబంధించిన వివరాలు ప్రకటిస్తాను. మీరు అందరూ ఆదరించాలి.. మీ దీవెనలు నాకు కావాలి. నాకు సినిమాలే జీవితం. నమ్మలేకపోతే నాకేం లేదు.. అందుకే మళ్ళీ సినిమాల వైపే వస్తున్నాను.. తాజాగా కొత్త జీవితాన్ని ప్రారంభించాను.. ఆ దేవుడి దీవెనలతో పాటుగా మీ అందరి ఆదరణ కూడా కావాలి అని మంచు మనోజ్ తెలిపారు.

Follow us