Dhanush: ధనుష్ గురించి సంయుక్త మీనన్ మాటల్లో..

సంయుక్త మీనన్ టాలీవుడ్ లోకి ఎంట్రీ ఇచ్చిన చాలా తక్కువ సమయంలోనే ‘భీమ్లా నాయక్’ ..’బింబిసార’ వంటి హిట్స్..ఆ తరువాత ఆమె చేసిన సినిమానే ‘సార్’. తమిళంలో ఈ సినిమాకి ‘వాతి’ అనే టైటిల్ ను ఖరారు చేశారు. ఈ రెండు భాషల్లోనూ ఈ సినిమా ఈ నెల 17వ తేదీన విడుదల కానుంది.

ఈ నేపథ్యంలో తాజాగా ఓ టీవీకి ఇచ్చిన ఇంటర్వ్యూలో సంయుక్త మీనన్ మాట్లాడుతూ .. ” నేను ‘భీమ్లా నాయక్’ సెట్ లో ఉండగానే, ‘సార్’ ప్రాజెక్టు ప్రస్తావన వచ్చింది. ధనుష్ (Dhanush) సినిమాలో ఛాన్స్ .. పైగా ద్విభాషా చిత్రం .. అందువలన ఎంతమాత్రం ఆలోచించకుండా ఈ సినిమాను ఒప్పుకున్నాను” అన్నారు.

“ధనుష్ (Dhanush) గొప్ప స్టార్ .. మంచి నటుడు. ఆయనతో కలిసి నటించడం అంత తేలికైన పనేం కాదు. ఇక ఈ సినిమాలో నా పాత్రలో కాస్త రొమాంటిక్ యాంగిల్ ఉన్నప్పటికీ, ఫినిషింగ్ టచ్ ఎలా ఉంటుందనేది ఆడియన్స్ లో ఆసక్తిని పెంచుతుంది .. ఆశ్చర్య పరుస్తుంది” అని చెప్పారు.

Also Read:  Poet: అదానీ స్పాన్సర్ చేస్తున్న పురస్కారాన్ని తిరస్కరించిన తమిళ కవయిత్రి