Hari Hara Veera Mallu: ప‌వ‌న్ ఫ్యాన్స్‌కు అదిరిపోయే గుడ్ న్యూస్‌.. వీర‌మ‌ల్లు ట్రైల‌ర్ వ‌చ్చేస్తుంది!

Hari Hara Veera Mallu: ‘హరిహర వీరమల్లు’ (Hari Hara Veera Mallu) సినిమా ట్రైలర్ రిలీజ్ డేట్‌ జులై 3, ఉదయం 11:10 గంటలకు గ్రాండ్‌గా విడుదల కానుందని చిత్ర యూనిట్ అధికారికంగా ప్రకటించింది. పవన్ కల్యాణ్ నటిస్తున్న ఈ చారిత్రక యాక్షన్ డ్రామా. మొఘల్ సామ్రాజ్య నేపథ్యంలో రూపొందుతోంది. ఈ సినిమా జులై 24న ప్రపంచవ్యాప్తంగా విడుదల కానుంది. ట్రైలర్‌ను దుబాయ్‌లోని బుర్జ్ ఖలీఫాపై విడుదల చేసే అవకాశం ఉన్నట్లు సమాచారం. ఇది తెలుగు సినిమా చరిత్రలో ఒక మైలురాయి కానుంది.

ఈ సినిమా షూటింగ్ 2019లో ప్రారంభమై ఎన్నో ఆటంకాల తర్వాత 2025 మే నాటికి పూర్తయింది. పోస్ట్-ప్రొడక్షన్ పనులు శరవేగంగా జరుగుతున్నాయి. 20 VFX టీమ్‌లు ప్రపంచవ్యాప్తంగా పనిచేస్తున్నాయి. ఎంఎం కీరవాణి సంగీతం అందిస్తుండగా, క్రిష్ జాగర్లమూడి, జ్యోతి కృష్ణ దర్శకత్వం వహించారు. నిధి అగర్వాల్ హీరోయిన్‌గా, బాబీ డియోల్ విలన్‌గా నటిస్తున్నారు. ఈ ట్రైలర్ త‌ర్వాత‌ అభిమానుల అంచనాలు మరింత పెరిగే అవ‌కాశం ఉంద‌ని చిత్ర‌యూనిట్ పేర్కొంది.

Also Read: 2024 T20 World Cup: టీమిండియా టీ20 వ‌ర‌ల్డ్ క‌ప్ టైటిల్ గెలిచి సంవ‌త్స‌ర‌మైంది!

This is not just the trailer update…⁰It’s a declaration of the hysteria that’s going to take over the next 25 days 🤗🤗🔥🔥#HHVMTrailer on July 3rd.#HariHaraVeeraMallu pic.twitter.com/ECxV1qGWl7

— Hari Hara Veera Mallu (@HHVMFilm) June 28, 2025

దాదాపు 250 కోట్ల బడ్జెట్‌తో నిర్మితమైన ఈ చిత్రం తెలుగు సినిమా పరిశ్రమలో ఒక భారీ ప్రాజెక్ట్‌గా గుర్తింపు పొందింది. ట్రైలర్ రిలీజ్‌తో చిత్ర బృందం ప్రమోషన్‌లను మరింత స్పీడ‌ప్ చేయ‌నుంది. అభిమానులు, విమర్శకులు ఈ ట్రైలర్ కోసం ఆసక్తిగా ఎదురుచూస్తున్నారు. పాన్ ఇండియా లెవెల్‌లో విడుద‌ల‌వుతున్న ఈ సినిమా తెలుగు సినిమా ఖ్యాతిని అంతర్జాతీయ స్థాయిలో మరింత పెంచనుందని ప‌వ‌న్ అభిమానులు ఆశాభావం వ్య‌క్తం చేస్తున్నారు.

‘హరిహర వీరమల్లు’ సినిమాని ప్రముఖ నిర్మాత ఎ.ఎం. రత్నం సమర్పణలో మెగా సూర్య ప్రొడక్షన్ పతాకంపై ఎ. దయాకర్ రావు నిర్మాణంలో రూపొందుతోంది. ఈ చిత్రం జులై 24న తెలుగు, తమిళ, హిందీ, కన్నడ, మలయాళ భాషల్లో ప్రపంచవ్యాప్తంగా భారీ స్థాయిలో విడుదల కానుంది. 17వ శతాబ్దంలో మొఘల్ సామ్రాజ్య నేపథ్యంలో రూపొందిన ఈ చారిత్రక యాక్షన్ డ్రామాలో పవన్ కల్యాణ్ హీరోగా, నిధి అగర్వాల్ హీరోయిన్‌గా, బాబీ డియోల్ విలన్‌గా నటిస్తున్నారు.