HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy
  • Telugu News
  • > Cinema
  • >Dude Movie Review

Pradeep Ranganathan : డ్యూడ్ మూవీ రివ్యూ.!

  • By Vamsi Chowdary Korata Published Date - 05:13 PM, Fri - 17 October 25
  • daily-hunt
Pradeep Ranganathan Mamitha
Pradeep Ranganathan Mamitha

ప్రేమని ఇస్తున్నప్పుడు తీసుకోవడం తెలియని వాళ్లు బాధకి అర్హులే. ఆ ప్రేమ లేనప్పుడు.. ప్రేమించిన వాళ్లు దూరం అయ్యినప్పుడు మాత్రమే వాళ్ల విలువ తెలుస్తుంది. కావాలనుకున్నా ఆ ప్రేమ దొరకదు.. వదిలేద్దాం అనుకున్నా ఏదొక రూపంలో వెంటాడుతూనే ఉంటుంది. ఇష్టమైన వాళ్లకి దగ్గర కాలేక.. దూరం అవ్వలేక తనలో తాను పడే సంఘర్షణ, మానసిక వేదన నరకప్రాయమే. అలాంటి నరకం నుంచి విముక్తి పొందడమే అసాధ్యం అనుకుంటే.. తిరిగి ఆ నరకప్రాయంలోకి వెళ్లి తన ప్రేయసి ప్రేమని నిలబెట్టడంకోవడం కోసం ‘డ్యూడ్’ చేసిన సాహసోపేత త్యాగమే ఈ సినిమా

కారణం ఏదైనా కావొచ్చు కానీ.. ప్రేమించిన అమ్మాయిని త్యాగం చేసి వేరే వాడికి ఇచ్చి పెళ్లి చేసే భగ్న ప్రేమికులు, అమర ప్రేమికుల కథలు చాలానే చూశాం. డ్యూడ్ కూడా అలాంటి కథే కానీ.. ఈ ప్రేమ కథని యాక్సెప్ట్ చేయాలంటే గగన్ (ప్రదీప్ రంగనాథన్) గాడికి ఉన్నంత విశాల హృదయం అయితే తప్పనిసరి. ఇంతకీ కథ ఏంటంటే.. పశుసంవర్ధక శాఖామంత్రి ఆదిశేషు (శరత్ కుమార్), రోహిణి (రోహిణి మొల్లేటి) సొంత అన్నాచెల్లెల్లు. ఆది శేషు కూతురు కుందన (మమిత బైజు), రోహిణి కొడుకు గగన్ (ప్రదీప్ రంగనాథన్) బావా మరదళ్లు. చిన్నప్పటి కలిసే పెరగడంతో గగన్‌పై ఇష్టాన్ని పెంచుకుంటుంది కుందన. గగన్ మాత్రం వేరే అమ్మాయి ప్రేమిస్తాడు.. ఆమెకి వేరే వ్యక్తితో పెళ్లైపోతుంది. అయితే తన ఇష్టాన్ని చంపుకోలేక.. కుందన తన బావ గగన్‌కి ప్రపోజ్ చేస్తుంది. అయితే గగన్.. నీపై నాకు అలాంటి ఫీలింగ్ లేదని దూరం పెట్టేస్తాడు.

ఆ తరువాత కుందన ఫారిన్ వెళ్లి.. అక్కడ పార్థు (హ్రిందు హరూన్) ప్రేమలో పడుతుంది. అతనితో నెల తప్పుతుంది. ఆస్తి లేకున్నా.. అనాథ గాడైనా తన కూతురికి భర్తగా ఒప్పుకుంటాను కానీ.. కులం కానివాడితో పెళ్లి చేయనని కూతుర్నే చంపుకోవడానికి సిద్ధపడతాడు ఆది శేషు. బలవంతంగా కూతుర్ని మేనల్లుడు గగన్‌కి ఇచ్చి పెళ్లి చేస్తాడు. ఇష్టం లేకపోయినా కూడా కుందన మెడలో తాళి కడతాడు గగన్. ఆ తరువాత కుందన, పార్థులకు ఒక్కటి చేయడానికి గగన్ ఎలాంటి సాహసం చేశాడు? వాళ్లిద్దర్నీ ఒక్కటి చేయడానికి పడిన తిప్పలేంటి? తన ప్రేమను తిరిగి సాధించాడా? లేదా? తన ప్రేమ కథకి ఎలాంటి ముగింపు ఇచ్చాడు అన్నదే డ్యూడ్ మిగిలిన కథ.

ప్రేమ, పెళ్లి నేపథ్యంలో రెండు మనసులు పడ్డ సంఘర్షణను ఇంటెన్స్ డ్రామాగా మలిచారు. ఫ్రెండ్షిప్, లవ్, బ్రేకప్, డ్రీమ్స్ అన్నీ కలిసిన పవర్ ప్యాకేజ్డ్ మూవీ ‘డ్యూడ్’. ప్రేమించిన అమ్మాయి కోసం తన ప్రేమని త్యాగం చేయడం… అతనికిచ్చి పెళ్లి చేయడం అనేది పాత కథే. కానీ ప్రేమించిన అమ్మాయి ప్రేమను నిలబెట్టడం కోసం.. తిరిగి ఆమెనే పెళ్లి చేసుకుని.. ఆమెకి వేరే వాడితో పుట్టిన బిడ్డకి ముడ్డి కడిగి మూతి తుడిచే భర్త క్యారెక్టర్‌ని ఊహించుకోవడమే కష్టం అనుకుంటే.. దాన్ని జీర్ణించుకోవడం ఇంకా కష్టం. కానీ.. ఇలాంటి క్రిటికల్ కండిషన్ ఉన్న భర్త పాత్రకి ప్రదీప్ రంగనాథన్ మాత్రమే పర్ఫెక్ట్ ‘డ్యూడ్’ అనేట్టు చేశాడు. ప్రేమ కోసం నిలబడటం అంటే ప్రేయసిని దక్కించుకోవడం కాదు.. ఆ ప్రేయసి ప్రేమ కోసం నిలబడటం అనే పాయింట్‌‌తో వినోదంతో పాటు సంఘర్షణను చూపించారు.

‘మీరు హీరో మెటీరియల్ కాదు కదా’ అని వెక్కిరిస్తూ వెకిలి చేసిన వాళ్లంతా కళ్లప్పగించుకుని చూడండీ.. అంటూ కంటెంట్‌తోనే సమాధానం ఇచ్చాడు ప్రదీప్ రంగనాథన్. తనకీ తెలుసు.. తాను హీరో మెటీరియల్ కాదని.. అందుకే ‘డ్యూడ్‌’లో షర్ట్ విప్పిమరీ చూపించాడు చూడాల్సింది కటౌట్ కాదు.. కంటెంట్ అని. ‘ఈ బక్కపలచని బాడీతో కొట్లాటకి వెళ్తున్నావ్. ఓ పది మంది వచ్చి కుమ్మిపారేస్తే ఏం చేస్తావ్’ అని హీరోయిన్ అంటే.. ‘పది మంది కాదు.. వంద మంది వచ్చినా కొట్టించుకుంటా’.. అనే డైలాగ్‌ని బట్టి తాను నేల విడిచి సాము చేయడం లేదనే విషయాన్ని లాగిపెట్టి కొట్టినట్టుగా చెప్పాడు బాడీ షేమింగ్ చేసేవాళ్ల గురించి.

ప్రదీప్.. తన ఎనర్జిటిక్ పెర్ఫామెన్స్‌తో మరోసారి ఆల్ రౌండర్ అనిపించాడు. తనకంటూ ఒక ప్రత్యేకమైన స్టయిల్‌ని కంటిన్యూ చేస్తూ.. డ్యూడ్‌లో హై ఎనర్జీ చూపించాడు. ‘దూరం అయిపోయిందనుకున్న ప్రేయసి తన ముందుకు వచ్చి.. ఎందుకురా నన్ను దూరం పెట్టావ్ అని అడిగినప్పుడు.. నేను నిన్ను ప్రేమిస్తున్నా అనే మాట చెప్పలేక.. బాత్ రూంలోకి వెళ్లి ఏడుపు వినిపించకుండా.. కన్నీళ్లు కనిపించకుండా దుఃఖాన్ని దిగమింగుకుని రియలైజ్ అయ్యే సీన్‌‌లో ప్రదీప్ కళ్లు చెమ్మగిల్లేట్టు చేశాడు.

ప్రేమించిన అమ్మాయిని వేరేవాడికి ఇచ్చి పెళ్లి చేయడంతోనే చాలా కథలు ఆగిపోయాయి. అయితే కొత్త దర్శకుడు కీర్తిశ్వరన్ కొత్తగా ఆలోచిస్తూ.. ఓ ఆడుగు ముందుకేసి యూత్‌కి కనెక్ట్ అయ్యే అంశాలతో ఓ సాహసోపేత కథని అల్లాడు. అయితే ఇలాంటి కథని అందరూ యాక్సెప్ట్ చేస్తారా అంటే.. అది పెద్ద క్వచ్ఛన్ మార్క్. ఎందుకంటే.. ప్రేమించిన అమ్మాయి హీరోకి దక్కలేదంటేనే ప్రేక్షకుల నుంచి పెదవి విరుపులు వచ్చేస్తాయి.. అలాంటిది ‘డ్యూడ్‌’లో ప్రేమించి అమ్మాయికి వేరే వాడితో పెళ్లి చేయడం.. హీరోని జోకర్‌ని చేయడం.. ఆ జోకర్‌‌లోనే హీరోయిజాన్ని చూపించడం చాలా క్రింజ్‌గా అనిపిస్తుంటుంది. అలా ఫీల్ అయ్యేవాళ్ల కోసం దర్శకుడు చాలా తెలివిగా ఓ డైలాగ్ కూడా రాశాడు. ‘‘ఏంటీ క్రింజ్‌గా ఉందా?? పక్కోడి ఫీలింగ్ క్రింజ్‌గా చూడటమే కదా ప్రజెంట్ ట్రెండ్’’ అంటూ యూత్‌కి కనెక్ట్ చేశారు.

ప్రేమించిన అమ్మాయి పెళ్లికి వెళ్లి ఆమె మెడలో తాళిని తెంపేయడంతో కథను మొదలుపెట్టి.. తనని ప్రేమించిన అమ్మాయి మెడలో బలవంతంగా తాళి కట్టే ఇంటర్వెల్ సీన్‌తో కథ పీక్స్‌కి వెళ్లింది. ఇక సెకండాఫ్ అంతా.. ప్రేమ, పెళ్లి, బ్రేకప్ నేపథ్యంలో ట్రైయాంగిల్ లవ్ స్టోరీ సాఫీగా సాగిపోతుంది. ఫస్టాఫ్ ఆర్య 2, సెకండాఫ్‌ ‘నిన్నుకోరి’ సినిమా ఛాయలు కనిపించినా.. డ్యూడ్ ఆ సినిమాల పరిధి దాటి ఉంటుంది. అప్పట్లో వచ్చిన కన్యాదానం, ప్రేయసి రావే లాంటి బాధిత ప్రేమికుడి కథల్ని గుర్తుచేస్తుంది ‘డ్యూడ్’. లవ్ అండ్ ఎమోషన్ ప్యాకేజ్డ్ డ్రామా‌తో కులం అనే సామాజిక సమస్యని కూడా టచ్ చేశారు. ‘అనాథ అయితే ఏముందమ్మా.. పెళ్లైతే మన చుట్టాలే వాళ్ల చుట్టాలు. ఆస్తులు లేకపోతే ఏమైందమ్మా.. మన ఆస్తులే వాళ్ల ఆస్తులు.. కానీ పెళ్లైనంత మాత్రాన మన కులం వాడి కులం కాదు కదా?’ అంటూ శరత్ కుమార్ చెప్పే డైలాగ్‌‌తో కులాంతర వివాహాల పట్ల సమాజంలో ఎలాంటి అభిప్రాయం ఉందో చూపించారు దర్శకుడు. ‘పరువుపోయిందని అంత బాధపడేవాళ్లు.. ప్రాణాలు తీయడం ఎందుకు? ప్రాణాలు తీసుకోవచ్చు కదా’.. అంటూ పరువు హత్యల ఉదంతాలపై చురకలు వేశారు.

బాగుంటే ఇద్దరం బాగుండాలి.. లేదంటే ఇద్దరం నాశనం అయిపోదాం.. అంటూ ప్రేమికులకు హార్ట్ టచ్చింగ్ ఎమోషన్ అందించారు హీరోయిన్ పాత్ర ద్వారా. మొగుడి లైఫ్‌ని సెటిల్ చేయడం పెళ్లంగా నా బాధ్యత.. అంటూ భర్త కోసం కొత్త భార్యని వెతికే క్యారెక్టర్ చాలా చిత్ర విచిత్రంగా అనిపిస్తుంది. ఆ పాత్రలో ప్రేమలు ఫేమ్ మమిత బైజు ఒదిగిపోయింది. అయితే ఈ పాత్ర అందరికీ నచ్చుతుందని అయితే చెప్పలేం. దానికి కాస్త విశాల హృదయం అవసరం. ‘‘నాలో ఏంటో తెలియని కన్ఫ్యూజన్.. నిజంగానే నాకు పార్థు నచ్చాడా?? లేదంటే నువ్వు లేవని వాడ్ని సెకండ్ ఆప్షన్‌గా చూశానా? నాకేం అర్థం కావడం లేదు. ఎవర్ని లవ్ చేస్తున్నానో తెలియడం లేదురా’’.. అనే హీరోయిన్ ఏడుస్తూ చెప్పే సీన్ చాలామందికి కనెక్ట్ అవుతుంది. ఎందుకంటే అలాంటి కన్ఫ్యూజన్‌లో చాలామంది ఉంటారు గనుక.

ఈ సినిమాలో సర్ ప్రైజింగ్ రోల్ అంటే శరత్ కుమార్‌ది. పశుసంవర్థక శాఖామంత్రి ఆది శేషుగా డిఫరెంట్ మ్యానరిజమ్‌‌తో మల్టీ లేయర్స్ ఉన్న పాత్రలో అలరించారు. పాత సినిమాల్లో నూతన్ ప్రసాద్, గొల్లపూడి, కోటా తరహాలో విలక్షణ నటనని చూపించారు. ఓ పక్కన సీరియస్‌గా చేస్తూనే.. సర్ ప్రైజ్, ఫ్రాంక్ అంటూ ఆయన కామెడీ సీన్లు నవ్వించడంతో పాటు భయపెడతాయి. సెకండ్ హీరోయిన్‌గా నేహాశెట్టి ఉన్నా.. ఆమె సైడ్ క్యారెక్టర్‌లాగే అనిపిస్తుంది. కమెడియన్ సత్యతో ఆమెను జత చేశారంటే.. ఆమెకి పాత్రకి ఎంత ఇంపార్టెన్స్ ఉందో అర్థం చేసుకోవచ్చు.

కీర్తిశ్వరన్ కొత్త డైరెక్టరే అయినా.. అన్ని క్రాఫ్ట్‌లను చాలా సాఫ్ట్‌గా డీల్ చేశారు. మాటలతో పెన్ పవర్ చూపించారు. ‘నా బైబిల్‌లో జాలీగా చేస్తేనే అది పని.. లేదంటే భారం’.. అనే డైలాగ్‌లు ఆలోచనలో పడేస్తే.. ‘సూది సందు ఇవ్వకపోతే దారం దూరుద్దా?’ అనే డైలాగ్‌లు ఫన్ జనరేట్ చేశాయి. కొన్ని ఎమోషనల్ సీన్లు కూడా హార్ట్ టచ్చింగా అనిపిస్తాయి. ఫ్రెండ్‌ని లవ్ చేయడం తప్పు కదా ఫ్రెండ్ అంటే.. ‘ప్రేమ అంటే షేప్ కాదు.. సైజ్ కాదురా పిచ్చోడా’ ఫ్రెండ్ షిపేరా లవ్ అంటే అంటూ ప్రేమకి సరికొత్త నిర్వచనం ఇచ్చే ప్రయత్నం చేశాడు దర్శకుడు. ‘పురిటినొప్పుల్ని భరిస్తూ.. నువ్వు నా పక్కన ఉంటే ధైర్యంగా ఉంటుందిరా’ అని ఆపరేషన్ థియేటర్‌లో హీరో చేయిపట్టుకునే డెలివరీ సీన్ హార్ట్ టచ్చింగ్‌గా అనిపిస్తుంది. ఇలాంటి సీన్లతో ఎమోషనల్ రైడ్ చూపిస్తూ.. ఫన్‌ని జనరేట్ చేశారు దర్శకుడు కీర్తిశ్వరన్. సెకండాఫ్ విషయంలో క్యారెక్టర్‌లలో కన్ఫ్యూజన్.. ఆడియన్స్‌ని కూడా కన్ఫ్యూజ్ చేస్తుంటుంది. క్లైమాక్స్ కూడా సరిగా జస్టిఫికేషన్ చేయలేదమో అనిపిస్తుంది.

సాయి అభ్యంకర్ మ్యూజిక్ బిగ్ ఎసెట్. మరోసారి ట్యాలెంటెడ్ కంపోజర్ అనిపించారు ‘డ్యూడ్‌’తో. బ్యాగ్రౌండ్ స్కోర్‌తో మంచి ఫీల్ తీసుకొచ్చారు. మైత్రీ మూవీ మేకర్స్ నుంచి మరో క్వాలిటీ ఫిల్మ్ డ్యూడ్.

ఓవరాల్‌గా.. బాగుంది ‘డ్యూడ్’. యూత్‌కి ఎక్కేస్తుంది డ్యూడ్. ప్రదీప్ రంగనాథన్ హ్యాట్రిక్ కొట్టాడు ‘డ్యూడ్’.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • Dude movie
  • Mamitha Baiju
  • Movie Rating
  • Movie Review
  • Pradeep Ranganathan

Related News

    Latest News

    • RGV : రాంగోపాల్ వర్మపై కేసు

    • AP Secretariat Employees : సచివాలయ ఉద్యోగులకు అదనపు బాధ్యతలు

    • BC Bandh in Telangana : దీపావళి వ్యాపారంపై బంద్ ప్రభావం?

    • Gold & Silver Rate Today : ఒకేసారి భారీగా తగ్గిన వెండి ధరలు

    • BC Bandh : BCలను రోడ్డెక్కించిన ‘రాజకీయం’.. కారణమెవరు?

    Trending News

      • Layoffs: ఉద్యోగాలు కోల్పోవ‌డానికి ఆర్టిఫిషియల్ ఇంటెలిజెన్స్ కార‌ణ‌మా?!

      • RCB For Sale: ఆర్సీబీని కొనుగోలు చేయ‌నున్న అదానీ గ్రూప్‌?!

      • Diwali: దీపావ‌ళి రోజు ప‌టాకులు కాల్చుతున్నారా? అయితే ఈ వార్త మీకోస‌మే!

      • Gold Prices: 10 గ్రాముల బంగారం ధ‌ర రూ. 1.35 ల‌క్ష‌లు?!

      • Tamil Nadu : హిందీ హోర్డింగులు, సినిమాలు, పాటలు బ్యాన్.. డీఎంకే “భాషా” సెంటిమెంట్‌

    HashtagU Telugu
    • Contact Us
    • About Us
    • Privacy & Cookies Notice
    Network
    • English News
    • Telugu News
    • Hindi News
    Category
    • Telangana News
    • Andhra Pradesh News
    • National News
    • South
    • Entertainment News
    • Trending News
    • Special News
    • Off Beat
    • Business News
    Trending News
    • Health Tips
    • Movie Reviews
    • 2024 Olympics
    • Life Style
    • Nara Lokesh
    • Nara Chandrababu Naidu
    • Revanth Reddy
    • kcr

    follow us

    • Copyright © 2025 Hashtag U. All rights reserved.
    • Powered by Veegam Software Pvt Ltd