Sandeep Reddy Vanga: ‘స్పిరిట్’ నుంచి దీపిక ఔట్.. సందీప్ ఎమోషనల్‌ ట్వీట్

Sandeep Reddy Vanga:  ‘స్పిరిట్’ (Spirit) మూవీ ప్రాజెక్ట్ నుంచి దీపికా పదుకునే తప్పుకున్న అంశంపై డైరెక్టర్ సందీప్ రెడ్డి వంగా ఎమోషనల్‌గా స్పందించారు. ఎవరి పేరూ ప్రస్తావించకుండా ఆయన ఒక ట్వీట్‌ చేశారు. అయితే ఈ ట్వీట్ దీపికను ఉద్దేశించిందే అని అందరూ అనుకుంటున్నారు. ఈ ట్వీట్‌లో.. ‘‘నువ్వు నిజంగా ఎలాంటి వ్యక్తివో చూపించావు, ధన్యవాదాలు. నీపై ఎవరికీ ఋణం లేదు.. అందుకే నిన్ను పడగొట్టే శక్తి కూడా ఎవరికీ లేదు’’ అని సందీప్ వ్యాఖ్యానించారు. ‘‘ఎవరికైనా ఓ కథను చెప్పినప్పుడు అవతలి ఆర్టిస్టును నేను నూరు శాతం విశ్వసిస్తాను. మా మధ్య ఈ విషయాన్ని మూడో వక్తికి చెప్పకూడదనే ఓ నైతికమైన మాట ఉంటుంది. అయితే ఓ ఫెమినిస్ట్ అయిన నటి దీన్ని ఉల్లంఘించింది. ఓ దర్శకుడు తన సినిమా కథను తయారు చేయడానికి ఎంత కష్టపడతాడో ఇలాంటి వ్యక్తులకు ఎప్పటికీ తెలియదు. నేను చెప్పిన సన్నివేశాలను లీక్ చేయడం వల్ల నాకేమీ నష్టం లేదు. ఈ సారి కేవలం తమ పాత్ర గురించే కాకుండా పూర్తి సినిమా గురించి అడిగినా చెబుతా’’ అని సందీప్ రెడ్డి వంగా(Sandeep Reddy Vanga) చెప్పుకొచ్చారు.

When I narrate a story to an actor, I place 100% faith. There is an unsaid NDA(Non Disclosure Agreement) between us. But by doing this, You’ve ‘DISCLOSED’ the person that you are….
Putting down a Younger actor and ousting my story? Is this what your feminism stands for ? As a…

— Sandeep Reddy Vanga (@imvangasandeep) May 26, 2025

Also Read :Who is Brigitte Macron : చెంప ఛెల్లుమనిపించిన ఫ్రాన్స్‌ అధ్యక్షుడి భార్య గురించి తెలుసా ?

స్పిరిట్ హీరోయిన్‌గా తృప్తి దిమ్రి

ప్రముఖ దర్శకుడు సందీప్ రెడ్డి వంగా తెరకెక్కిస్తున్న స్పిరిట్ సినిమాలో పాన్ ఇండియా స్టార్ ప్రభాస్ హీరోగా నటిస్తున్నారు. షూటింగ్ మొదలుకాక ముందే  దీపిక తప్పుకోవడంతో, ఈ  సినిమా చుట్టూ పలు ఊహాగానాలు మొదలయ్యాయి. ఈ మూవీలో కొన్ని బోల్డ్, ఇంటెన్స్ సీన్లు ఉంటాయని, దీపిక అందులో కంఫర్ట్‌గా ఫీలవ్వలేదనే వార్తలు బాలీవుడ్ మీడియాలో చక్కర్లు కొట్టాయి. దీంతోపాటు పని గంటలు, కొన్ని డిమాండ్స్ విషయంలోనూ దీపిక అంగీకారానికి రాలేదని తెలిసింది. ఫలితంగా ఈ మూవీ ప్రాజెక్టు నుంచి దీపిక తప్పుకున్నట్లు తెలుస్తోంది.దీపికా తప్పుకున్న తర్వాత, ఆమె స్థానంలో తృప్తి దిమ్రిని తీసుకున్నారు. గతంలో బుల్బుల్, అనిమల్ సినిమాల్లో తృప్తి నటించారు. ఈ సినిమా కోసం తృప్తి దిమ్రికి రూ.4కోట్ల పారితోషికం ఇవ్వబోతున్నట్లు సమాచారం. ఇంతకుముందు దీపిక మాత్రం రూ.21 కోట్లు డిమాండ్ చేసినట్లు ప్రచారం జరుగుతోంది. స్పిరిట్ ఒక శక్తివంతమైన యాక్షన్ డ్రామా సినిమా. ఇందులో భావోద్వేగాలు, బోల్డ్ సన్నివేశాలు ఉంటాయనే అంచనాలు ఉన్నాయి. ఈ సినిమాకు ‘ఎ’ సర్టిఫికెట్ వచ్చే ఛాన్స్ ఉంది.

Also Read :Asaduddin Owaisi : చైనా ఆర్మీ డ్రిల్ ఫొటోతో నాటకాలు.. పాక్ ప్రధాని, ఆర్మీ చీఫ్‌లపై ఒవైసీ ఫైర్