Chiranjeevi: సూపర్ స్టార్ అనుకుంటున్నావా అని ఆ డైరెక్టర్ సెట్లో అరిచారు : చిరంజీవి

తాజాగా చిరంజీవి, విజయ్ దేవరకొండ తాజాగా జరిగిన ఒక డిజిటల్ మీడియా ఫెడరేషన్ ఈవెంట్‌ లో పాల్గొన్నారు. ఈ కార్యక్రమంలో విజయ్ ఎన్నో రకాల ప్రశ్నలు అడిగి.. చిరంజీవి నుంచి ఎన్నో విలువైన సూచనలు, సలహాలను అందరికీ తెలిసేలా చేశారు. కాసేపు సరదాగా కూడా ముచ్చటించారు. ఈ నేపథ్యంలోనే మెగాస్టార్ చిరంజీవి తన కెరియర్ ప్రారంభంలో ఎదురైన చేదు సంఘటనల గురించి చెప్పకొచ్చారు. చిరంజీవి మాట్లాడుతూ.. న్యాయం కావాలి సినిమా షూటింగ్ జరుగుతోంది. రాధిక, శారద, జగ్గయ్య వంటి వారితో కోర్టు సీన్ ఉంది. డైరెక్టర్ క్రాంతి కుమార్ రోప్‌తో మీద ఉన్నారు.

అప్పుడు అసిస్టెంట్ డైరెక్టర్ వచ్చి షాట్ రెడీ అయిందని చెప్పడంతో నేను వెళ్లి బోనుల నిల్చున్నాను. అప్పుడు అసిస్టెంట్ డైరెక్టర్ ఏంటి? ఇంత లేటు.. నువ్వేమైనా పెద్ద సూపర్ స్టార్ అనుకుంటున్నావా? నీ కోసం వెయిట్ చేయాలా? అని చిరంజీవి మీద పెద్ద పెద్దగా అరిచేస్తున్నాడట. అలా పై నుంచి అరిచేస్తుండటంతో.. వందల మంది జూ ఆర్టిస్టుల మధ్య తనకు ఏదోలా అనిపించింది అని చెప్పు కొచ్చారు హీరో చిరంజీవి. ఇలా అన్నాడేంటి? అని చాలా చిరంజీవి బాధపడ్డాడట. సాయంత్రం క్రాంతి కుమార్ ఫోన్ చేసి, శారద రీల్స్ బాగా తినేస్తోందని, ఆ కోపంలో ఏదో అన్నాను అని సారీ చెప్పాడట.

కానీ క్రాంతి కుమార్ అన్న మాటల్లో ఒక మాటను మాత్రం బాగా గుర్తు పెట్టుకున్నాడట చిరంజీవి. నువ్వేమైనా పెద్ద స్టార్ అని అనుకుంటున్నావా? అని అన్నారు కదా? స్టార్ అయ్యి చూపిస్తాను అని ఇంకా కసితో పని చేశాడట. అలా ఆ రోజు అన్న మాట నిజం చేసి చూపించారు మెగాస్టార్ చిరంజీవి. ఇకపోతే మెగాస్టార్ ప్రస్తుతం వరుసగా సినిమాలలో నటిస్తూ ఫుల్ బిజీ బిజీగా ఉన్న విషయం తెలిసిందే. ఈ వయసులో కూడా అదే ఊపుతో సినిమాలలో నటిస్తూ ఈతరం హీరోలకు గట్టి పోటీని ఇస్తున్నారు చిరంజీవి.