Bigg Boss : బిగ్ ట్విస్ట్ .. శ్రీజ గెలిచిందంటూ మాధురి ప్రకటన.. ఆసుపత్రికి భరణి.!

ఈసారి చదరంగం కాదు రణరంగం అంటూ ప్రతి వారం వచ్చి హోస్ట్ నాగార్జున చెప్తూనే ఉంటారు. అయితే ఆ మాటకి పూర్తి న్యాయం చేసే టాస్క్ మాత్రం ఈరోజు ఎపిసోడ్‌లోనే జరిగింది. భరణి-శ్రీజ ఇద్దరిలో ఒకరే హౌస్‌లో ఉంటారని ఇందుకోసం టాస్కులు పెడుతున్నాడు బిగ్‌బాస్. ఇందులో భాగంగా శ్రీజ టీమ్‌లో గౌరవ్-డీమాన్, భరణి కోసం నిఖిల్-ఇమ్మానుయేల్ బరిలోకి దిగారు. వీరికి కుమ్ముకునే టాస్క్ పెట్టాడు బిగ్‌బాస్. ఈ గేమ్‌లో ఎవరు గెలిచారు అనేదానిపై తాజాగా ఓ క్లారిటీ వచ్చింది.

 

భరణి-శ్రీజ ఇద్దరిలో ఎవరు హౌస్‌లో ఉండబోతున్నారు.. ఎవరు తిరిగి ఇంటికెళ్లబోతున్నారు అనేది డిసైడ్ చేసేందుకు హౌస్‌లో టాస్కులు జరుగుతున్నాయి. మొదటి ప్రోమోలో టవర్ నిర్మాణం అంటూ ఒక టాస్క్ పెట్టిన సంగతి తెలిసిందే. ఇందులో శ్రీజ టీమ్ డీమాన్-గౌరవ్- భరణి టీమ్ ఇమ్మానుయేల్-నిఖిల్ నువ్వా నేనా అన్నట్లుగా పోటీపడ్డాయి. అయితే బజర్ మోగే సమయానికి ఏ ఒక్కరి టవర్ బాక్స్‌లో పూర్తిగా లేకపోవడంతో సంచాలకలు కళ్యాణ్, సుమన్ ఏకాభిప్రాయానికి రాలేకపోయారు.

కళ్యాణ్ ఏమో శ్రీజ టీమ్ గెలిచిందని.. సుమన్ ఏమో భరణి గెలిచాడంటూ ప్రకటించారు. దీంతో బిగ్‌బాస్ సీరియస్ అయ్యాడు. తాజాగా వదిలిన ప్రోమోలో ఎవరు గెలిచారనేది చెప్పే బాధ్యత మాధురి చేతిలో పెట్టారు. సుమన్-కళ్యాణ్ మీ నిర్ణయం తక్షణమే చెప్పండి.. అని బిగ్‌బాస్ అడగ్గా రూల్స్‌ కరెక్ట్‌గా ఫాలో అయి కొంచె ఉన్నా ఎక్కువున్నా ఎంతోకొంత పెట్టారు.. అని శ్రీజ గురించి కళ్యాణ్ చెప్పాడు.

ఇంతలో కానీ బ్లూ బాక్స్ లోపల లేదు.. అంటూ సుమన్ శెట్టి అరిచాడు. దీంతో కళ్యాణ్, సుమన్ మీరిద్దరూ కలిసి నిర్ణయం తీసుకోలేకపోయినందున మిమ్మల్ని ఆ బాధ్యత నుంచి తొలగిస్తున్నాను.. భరణి-శ్రీజ ఇప్పుడు మీరిద్దరూ కలిసి నిర్ణయం తీసుకోవాల్సిన ఒకరు ఎవరో మిగతా సభ్యుల్లో నుంచి ఎంచుకొని తక్షణమే నాకు చెప్పండి.. అని బిగ్‌బాస్ ఆర్డర్ వేశాడు. ఇక్కడే శ్రీజ చాలా తెలివిగా మాధురి గారిని సెలక్ట్ చేద్దాం.. అంటూ ట్విస్ట్ ఇచ్చింది.

వెంటనే మాధురి నిర్ణయం ఏంటో చెప్పండి.. అని బిగ్‌బాస్ అడిగాడు. మీరు కరెక్ట్‌గా బాక్స్ లోపల అని చెప్పలేదు.. టవర్‌ని పడగొట్టాలని చెప్పారు.. బాక్స్‌లో లేకపోయినా టవర్ అయితే శ్రీజది ఉంది కాబట్టి శ్రీజయే గెలిచినట్లు బిగ్‌బాస్.. అంటూ మాధురి అనౌన్స్ చేసింది.

ఇక ప్రోమోలో మళ్లీ ఇదే గేమ్ చూపించారు. ఇందులో ఇమ్మూతరఫున రాము ఆడాడు. మళ్లీ నిఖిల్‌ని గౌరవ్ ఆపగా.. డీమాన్‌ని కంట్రోల్ చేయాడనికి భరణి ట్రై చేశాడు. ఆ క్రమంలో డీమాన్‌ని పట్టుకొని పూల్‌లోకి తోసేశాడు భరణి. దీంతో భరణికి గాయమైంది. దివ్య చెక్ చేసి ఒక్క క్షణం డాక్టర్‌ని పిలుద్దాం.. అని చెప్పగానే వెంటనే మెడికల్ రూమ్‌కి వెళ్లారు. అక్కడ డాక్టర్ చెక్ చేసి మిమ్మల్ని ఇప్పుడే ఆసుపత్రికి తీసుకెళ్లాలి.. రెడీ అవ్వండి.. అంటూ షాకిచ్చారు. దీంతో భరణి హౌస్ నుంచి ఆసుపత్రికి వెళ్లాడు. భరణి వెళ్లగానే దివ్య, తనూజ సహా అందరి ఫేసులు మళ్లీ డీలా పడిపోయాయి.