Pushpa 3: పుష్పరాజ్ తగ్గేదేలే.. తెరపైకి ‘పుష్ప-3’, టైటిల్ మాములుగా లేదు!

ఏదైనా సినిమా (Cinema) హిట్ అయితే దానికి కొనసాగింపుగా పార్ట్-2, పార్ట్-3 సిరీస్ లు రావడం కొత్తేమీ కాదు.. ఇప్పటికే బాహుబలి, కేజీఎఫ్, క్రిష్ లాంటి సినిమాలు సిరీస్ ల రూపంలో వచ్చి సూపర్ హిట్ కొట్టాయి. ఈ నేపథ్యంలో పాన్ ఇండియాలో అందర్ని ఆకర్షించిన మూవీ పుష్ప (Pushpa). ఈ మూవీ టాలీవుడ్ తో పాటు బాలీవుడ్ లోనూ సరికొత్త రికార్డులు క్రియేట్ చేసింది. పుష్పకు కొనసాగింపుగా పార్ట్-2 పుష్ప ది రూల్ మూవీ భారీ నిర్మాణ విలువలతో తెరకెక్కుతోంది. ఈ మూవీ వచ్చే ఏడాది రిలీజ్ చేయాలని మేకర్స్ భావిస్తున్నారు.

అయితే దర్శకుడు సుకుమార్ (Sukumar) చాలా తెలివైనవాడు. తన సినిమాలతో అందర్ని తనవైపు తిప్పుకుంటాడు. లేటెస్ట్ సమాచారం ఏంటంటే ‘ది రూల్ బిగిన్స్’ పేరుతో పార్ట్-3 కూడా రాబోతున్నట్టు విశ్వసనీయ వర్గాల సమాచారం. పార్ట్-2 ‘పుష్ప ది రూల్’ వస్తున్న సుకుమార్, బన్నీ (Allu Arjun)… పార్ట్-3 ‘ది రూల్స్ బిగిన్స్’ అనే క్రేజీ టైటిల్ తో వచ్చేందుకు సిద్ధమవుతున్నారట అయితే పార్ట్-2 ఎలా ఉండబోతుందో కొంత ఐడియా ఉన్నప్పటికీ పుష్ప-3 మూవీ ఎలా ఉంటుందోనని అటు అభిమానులు, ఇటు సినీ క్రిటిక్స్ ఉత్సాహంతో ఉన్నారు.

అయితే పుష్ప3 ఉంటుందా? అనేది ఇప్పటివరకు మేకర్స్ ఎక్కడా చెప్పలేదు. సినిమా కథ, కథనం ప్రకారం పార్ట్3 ఉంటుందని భావిస్తున్నారట. ఇంటర్నేషనల్ స్థాయి ఎలిమెంట్స్ తో పుష్ప 3 (Pushpa 3)లో ట్విస్టులు, పుష్ప రాజ్ బలమైన డాన్‌గా ఎదగడం చూడొచ్చుని తెలుస్తోంది. పుష్ప 2 షూటింగ్ ప్రస్తుతం ఒడిశాలోని మల్కన్‌గిరిలోని ఉత్కంఠభరితమైన అడవులలో షూటింగ్ జరుపుకుంటోంది. ఎమోషన్స్, యాక్షన్స్, ఫైట్ స్వీక్వెన్స్ ప్రతి విషయంలోనూ మేకర్స్ జాగ్రత్తలు తీసుకుంటూ షూటింగ్ కొనసాగిస్తున్నారు.