Bholaa Shankar Pre-release: భోళా శంకర్ ప్రిరిలీజ్ ఈవెంట్ ఎక్కడో తెలుసా!

Bhola Shankar

మూడున్నర దశాబ్దాలకు పైగా చిత్ర పరిశ్రమను ఏలిన టాలీవుడ్ మెగాస్టార్ చిరంజీవి తన రాబోయే చిత్రం భోళా శంకర్‌ మూవీతో ప్రేక్షకుల ముందుకు రాబోతున్నాడు. ఈ మూవీ ఆగస్టు 11, 2023 న విడుదల చేయడానికి ప్లాన్ చేయబడింది. తాజా సమాచారం ప్రకారం భోళా శంకర్ ప్రీ రిలీజ్ ఈవెంట్ ఈ వారాంతంలో జరగనుంది. విజయవాడలో ఈ కార్యక్రమం జరుగుతుందని వివిధ వర్గాల సమాచారం.

అయితే టీమ్ నుంచి ఎలాంటి అధికారిక ప్రకటన వెలువడలేదు. ఆగస్టు 11, 2023న ప్రపంచవ్యాప్తంగా థియేటర్లలో విడుదల కానున్న ఈ చిత్రంలో కీర్తి సురేష్, సుశాంత్, రఘుబాబు, మురళీ శర్మ, రవిశంకర్, వెన్నెల కిషోర్, తులసి, సురేఖా వాణి, శ్రీ ముఖి, హైపర్ ఆది, వైవా హర్ష తదితరులు నటిస్తున్నారు. వాల్తేరు వీరయ్య లాంటి సెన్సేషనల్ హిట్ తర్వాత ఈ చిత్రం రావడంతో మంచి అంచనాలున్నాయి. దీనికి తగ్గట్లుగానే.. మేకర్స్ ఈ సినిమాకి కూడా ఫ్యాన్స్ కోరుకునే అన్ని హంగులతో సిద్ధం చేస్తున్నారు.

విడుదల తేది దగ్గరపడుతుండడంతో టీమ్ ప్రమోషన్స్‌ను ముమ్మరం చేసింది. అందులో భాగంగా సూర్యపేట సమీపంలోని రాజుగారి తోట అనే రెస్టారెంట్‌ పరిసరాల్లో ఓ భారీ కటౌట్‌ను ఏర్పాటు చేశారు. దాదాపుగా 126 ఫీట్ ఎత్తులో ఉన్న కౌటౌట్ చూపులను తెగ ఆకట్టుకుంటోంది. అంతేకాదు ఈ రేంజ్ ఎత్తులో టాలీవుడ్‌లో ఫస్ట్ టైమ్ చిరంజీవి కటౌట్ ఏర్పాటు చేశారు. ఈ కటౌట్ జాతీయ రహదారిపై ఏర్పాటు చేయడంతో భోళా శంకర్ ప్రిరిలీజ్ విజయవాడలోనే జరిగే అవకాశం ఉన్నట్టు కనిపిస్తోంది.

Also Read: Revanth Reddy: దొరల రాజ్యం పోయి రైతుల రాజ్యం రావాలి: రేవంత్ రెడ్డి

Follow us