Amitabh Bachchan : షూటింగ్‌లో గాయపడి అమితాబ్ కోమాలోకి వెళ్లిపోయారు.. ఆ విషయం మీకు తెలుసా?

బాలీవుడ్(Bollywood) బిగ్ బి అమితాబ్ బచ్చన్(Amitabh Bachchan) 8 పదుల వయసు దాటినా ఇంకా సినిమాల్లో నటిస్తూ ప్రేక్షకులను అలరిస్తూనే వస్తున్నారు. ఒక పక్క నార్త్ అండ్ సౌత్ మూవీల్లో నటిస్తూ, మరో పక్క టీవీ షోలు కూడా చేస్తూ అదరగొడుతున్నారు. కాగా అమితాబ్ కి 1983లో ఒక ప్రమాదం జరిగింది. ఆ ప్రమాదం వలన అమితాబ్ కోమాలోకి వెళ్లడం కూడా జరిగింది. అసలు విషయం ఏంటంటే.. 1983 లో అమితాబ్ ‘కూలీ(Coolie)’ అనే సినిమాలో నటించారు. ఆ మూవీలో పునీత్ ఇస్సార్‌ విలన్ గా నటించాడు.

ఇక వీరిద్దరి మధ్య ఒక ఫైట్ సన్నివేశాన్ని చిత్రీకరిస్తున్న సమయంలో అమితాబ్ తీవ్రంగా గాయపడ్డారు. ఆ ప్రమాదంలో అమితాబ్ పొత్తికడుపు ప్రాంతం నుంచి తీవ్ర రక్తస్రావమైంది. దీంతో ఆయన కోమాలోకి వెళ్లిపోయారు. పలు శస్త్రచికిత్సలు చేసినప్పటికీ ఆయనలో ఎటువంటి స్పందన లేకపోవడంతో వెంటిలేటర్‌ పై పెట్టిన వైద్యులు.. కుటుంబసభ్యులను దేవుడిని ప్రార్ధించుకోమని చెప్పారట. ఇక అమితాబ్ సతీమణి జయాబచ్చన్ ఆ మాటలతో చాలా భయాందోళనకు గురయ్యారు. దీంతో కొన్ని రోజుల పాటు చేతిలో హనుమాన్ చాలీసా పెట్టుకొని ప్రార్ధన చేస్తూ.. అమితాబ్ వద్దనే ఆమె కూర్చొని ఉన్నారట.

ఆ తరువాత అమితాబ్ బొటనవేలు కదలడాన్ని గమనించిన జయాబచ్చన్.. ఆ విషయాన్ని వెంటనే డాక్టర్స్ కి చెప్పారు. వైద్యులు చెక్ చేసి అమితాబ్ లో స్పందన గమనించారు. ఇక ఆయనకి అవసరమైన చికిత్సని అందించగా.. అమితాబ్ కోలుకొని మళ్ళీ ఫుల్ ఎనర్జీతో ఆడియన్స్ ముందుకు వచ్చారు. అయితే జయాబచ్చన్ మాత్రం.. ఈ సంఘటన తన జీవితంలో ఎప్పటికి మర్చిపోలేని చేదు జ్ఞాపకం అంటూ చెప్పుకొస్తారు. కాగా అమితాబ్ ప్రస్తుతం ప్రభాస్ ప్రాజెక్ట్ K సినిమాలో నటిస్తున్న సంగతి తెలిసిందే. ఇటీవల ఆ మూవీ సెట్స్ లో కూడా అమితాబ్ యాక్షన్ సీక్వెన్స్ చేస్తూ గాయపడ్డారు కానీ కొద్ది రోజుల్లోనే కోలుకున్నారు.

 

Also Read : Sharwanand: ఘనంగా నటుడు శర్వానంద్ వివాహం.. పెళ్ళిలో సందడి చేసిన రామ్ చరణ్.. వీడియో వైరల్..!