Amitabh Bachchan: వివాదంలో బిగ్ బీ అమితాబ్ బచ్చన్.. అసలేం జరిగిందంటే..?
పండుగ సీజన్‌ను దృష్టిలో ఉంచుకుని ఆన్‌లైన్ రిటైల్ పోర్టల్ ఫ్లిప్ కార్ట్ (Flipkart) కోసం చేసిన ప్రకటనకు సంబంధించి బాలీవుడ్ నటుడు అమితాబ్ బచ్చన్ (Amitabh Bachchan) వివాదంలో చిక్కుకున్నారు.
- By Gopichand Published Date - 10:49 AM, Wed - 4 October 23
Amitabh Bachchan: పండుగ సీజన్‌ను దృష్టిలో ఉంచుకుని ఆన్‌లైన్ రిటైల్ పోర్టల్ ఫ్లిప్ కార్ట్ (Flipkart) కోసం చేసిన ప్రకటనకు సంబంధించి బాలీవుడ్ నటుడు అమితాబ్ బచ్చన్ (Amitabh Bachchan) వివాదంలో చిక్కుకున్నారు. అతని ప్రకటనపై ట్రేడర్స్ అసోసియేషన్ తీవ్ర అభ్యంతరం వ్యక్తం చేసింది. ఈ ప్రకటనకు సంబంధించి బిగ్ బి, ఫ్లిప్‌కార్ట్‌లను తీవ్రంగా విమర్శించిన కాన్ఫెడరేషన్ ఆఫ్ ఆల్ ఇండియా ట్రేడర్స్ (సిఎఐటి), వినియోగదారుల మంత్రిత్వ శాఖ సెంట్రల్ కన్స్యూమర్ ప్రొటెక్షన్ అథారిటీ (సిసిపిఎ) చైర్‌పర్సన్ కి కూడా ఫిర్యాదు చేసింది.
కాన్ఫెడరేషన్ ఆఫ్ ఆల్ ఇండియా ట్రేడర్స్ ఫ్లిప్‌కార్ట్ ఈ ప్రకటన కోసం అమితాబ్ బచ్చన్‌ను విమర్శించింది. ఈ ప్రకటన చాలా తప్పుదారి పట్టించేదిగా ఉందని పేర్కొంది. వినియోగదారుల రక్షణ చట్టంలోని సెక్షన్ 2 (47) ప్రకారం సెంట్రల్ కన్స్యూమర్ ప్రొటెక్షన్ అథారిటీ నుండి అమితాబ్ బచ్చన్‌పై చర్యలు తీసుకోవాలని CAT డిమాండ్ చేసింది. సెక్షన్ 2(47) ప్రకారం ఫ్లిప్‌కార్ట్ మొబైల్ ధర గురించి అమితాబ్ బచ్చన్ (ఎండార్సర్) ద్వారా ప్రజలను తప్పుదారి పట్టించిందని CAT జాతీయ ప్రధాన కార్యదర్శి ప్రవీణ్ ఖండేల్వాల్ CCPAలో దాఖలు చేసిన ఫిర్యాదులో పేర్కొన్నారు.
Also Read: 23 Soldiers Missing : సిక్కిం వరదల్లో 23 మంది సైనికులు మిస్సింగ్
We’re now on WhatsApp. Click to Join
📢 AIMRA India condemns the misleading advertisements by @SrBachchan for #Flipkart, and millions of shopkeepers seek immediate correction! 🛍️ We expect our Mahanayak to stand by the country's traders and avoid damaging their business with deceptive ads. 🙏 #StopMisleadingAds… pic.twitter.com/5Ex9Y6jINC
— ALL INDIA MOBILE RETAILERS ASSOCIATION (@AimraIndia) September 29, 2023
ఆఫ్‌లైన్ స్టోర్‌ల వ్యాపారులు ఫ్లిప్‌కార్ట్ ఇచ్చే ధరకు మొబైల్ ఇవ్వలేరని ప్రకటనలో చెప్పారని ఆయన చెప్పారు. ఇది దేశంలోని వ్యాపారవేత్తలను అవమానించడమేనని, తప్పుదోవ పట్టించే ప్రకటనలను నిరోధించడానికి ప్రభుత్వ మార్గదర్శకాల నిబంధనలకు ఇది విరుద్ధమని అన్నారు. దేశంలోని ఆఫ్‌లైన్ రిటైల్ వ్యాపారులు ఈ ప్రకటన వల్ల కలిగే నష్టాన్ని కాపాడేందుకు ఈ ప్రకటనను తక్షణమే నిషేధించాలని CAT సెంట్రల్ కన్స్యూమర్ ప్రొటెక్షన్ అథారిటీని కోరింది. కాన్ఫెడరేషన్ ఆఫ్ ఆల్ ఇండియా ట్రేడర్స్ ఫ్లిప్‌కార్ట్, అమితాబ్ బచ్చన్‌లపై పెనాల్టీ విధించాలని CCPAని అభ్యర్థించింది.
మొబైల్ ఫోన్‌లపై డీల్స్, డిస్కౌంట్‌లు ఆఫ్‌లైన్ స్టోర్‌లలో అందుబాటులో ఉండవని, ఫ్లిప్‌కార్ట్‌లో మాత్రమే లభిస్తాయని ఫ్లిప్‌కార్ట్ తప్పుదోవ పట్టించే వాదనకు అమితాబ్ బచ్చన్ మద్దతు ఇవ్వడం ద్వారా ప్రజలను తప్పుదోవ పట్టించారని CAIT తెలిపింది. అమితాబ్ బచ్చన్ ప్రకటనపై మొత్తం వ్యాపార వర్గాలు చాలా కోపంగా ఉన్నాయని ప్రవీణ్ ఖండేల్వాల్ అన్నారు.
