Tollywood : టాలీవుడ్ లో ఎవరి కుంపటి వారిదే – అల్లు అరవింద్ సంచలన వ్యాఖ్యలు

తెలుగు చలనచిత్ర పరిశ్రమలో ఉన్న ప్రస్తుత పరిస్థితులపై ప్రముఖ నిర్మాత అల్లు అరవింద్ (Allu Aravid) సంచలన వ్యాఖ్యలు చేశారు. “టాలీవుడ్‌లో ఎవరి కుంపటి వారిదే” అని ఆయన చేసిన వ్యాఖ్యలు ఇప్పుడు సినీ వర్గాల్లో చర్చనీయాంశంగా మారాయి. జాతీయ అవార్డులకు ఎంపికైన తెలుగు చిత్రాల విజేతలను పరిశ్రమ సత్కరించకపోవడంపై ఆయన నిరసన వ్యక్తం చేశారు. ‘సైమా’ (SIIMA) ప్రెస్మీట్‌లో మాట్లాడిన అల్లు అరవింద్, జాతీయ అవార్డులను ఒక పండుగలా జరుపుకోవాల్సిన అవసరం ఉందని అభిప్రాయపడ్డారు.

Vontimitta-Pulivendula ZPTC Election Results : పులివెందుల, ఒంటిమిట్ట ఎన్నికల విజయంపై టీడీపీ నేతల సంబరాలు

తాజాగా జాతీయ అవార్డుల్లో తెలుగు సినిమాలకు ఏడు పురస్కారాలు లభించినప్పటికీ, పరిశ్రమ నుండి ఎటువంటి స్పందన రాలేదని అల్లు అరవింద్ ఆవేదన వ్యక్తం చేశారు. అయితే ‘సైమా’ సంస్థ జాతీయ అవార్డు విజేతలను సత్కరించాలని నిర్ణయించడం అభినందనీయమని ఆయన ప్రశంసించారు. తెలుగు సినీ పరిశ్రమలో అందరూ కలిసికట్టుగా ఉండాలనే భావనను ఆయన తన వ్యాఖ్యల ద్వారా పరోక్షంగా తెలియజేశారు. ఒకరి విజయాన్ని మరొకరు పంచుకోవాలని, అలాంటి వాతావరణం సినీ పరిశ్రమలో ఉండాలని ఆయన సూచించారు.

అల్లు అరవింద్ వ్యాఖ్యలు తెలుగు సినీ పరిశ్రమలో ఉన్న అంతర్గత సమస్యలను వెలుగులోకి తెచ్చాయి. ఒకరికొకరు సహకరించుకునే వాతావరణం లోపించిందని, ఎవరికి వారే అన్నట్లుగా వ్యవహరిస్తున్నారని ఆయన పరోక్షంగా చెప్పారు. ఈ వ్యాఖ్యలు భవిష్యత్తులో టాలీవుడ్ లో మార్పులకు దారితీస్తాయా లేదా అనేది వేచి చూడాలి. ప్రస్తుతం ఈ వ్యాఖ్యలు సినీ అభిమానులు, సినీ కార్మికులలో కూడా చర్చకు దారితీశాయి.