Bookmyshow : అఖండ 2 2026 లో రిలీజ్.. కన్ఫర్మ్ చేసిన బుక్ మై షో!!

అఖండ 2 వాయిదాతో అభిమానులు నిరాశలో ఉన్న సమయంలో బుక్ మై షోలో సినిమా పేజీపై “Releasing in 2026” అని కనిపించడంతో సోషల్ మీడియాలో భారీ రచ్చ నెలకొంది. రిలీజ్ వాయిదా వల్ల ఫ్యాన్స్ ఇప్పటికే ఆగ్రహంతో ఉండగా, ఈ స్క్రీన్ షాట్ వైరల్ అవుతూ చర్చను మరింత పెంచింది. “బుక్ మై షో వాడు ముందే చెప్పాడు… మనమే అర్థం చేసుకోలేదు” అంటూ నెటిజన్లు వ్యంగ్యంగా కామెంట్లు చేస్తున్నారు. ఫైనాన్షియల్ ఇష్యూల కారణంగా మద్రాస్ హైకోర్టు స్టే విధించడంతో అఖండ 2 విడుదల నిలిచిపోయిన సంగతి తెలిసిందే.

నందమూరి బాలకృష్ణ – బోయపాటి శ్రీను కాంబినేషన్‌లో రూపొందిన ‘ అఖండ 2 : తాండవం’ విడుదలకు కొద్ది గంటల ముందు వాయిదా పడటం అభిమానుల్లో భారీ నిరాశను, ఆగ్రహాన్ని రేపింది. ఫైనాన్షియల్ వివాదాల కారణంగా మద్రాస్ హైకోర్టు సినిమా రిలీజ్‌పై తాత్కాలిక నిషేధం విధించడంతో, డిసెంబర్ 5న విడుదల కావాల్సిన ఈ చిత్రం అనూహ్యంగా ఆగిపోయింది. ఇప్పటికే అభిమానులు మేకర్స్‌పై అసహనం వ్యక్తం చేస్తున్న ఈ సమయంలో బుక్ మై షోలో కనిపించిన ఒక డిస్‌ప్లే స్క్రీన్ మరింతగా రచ్చ రేపింది.

బుక్ మై షోలో సినిమా పేజీలో  అని చూపించడంతో నెటిజన్లు ఒక్కసారిగా షాక్‌కు గురయ్యారు. స్క్రీన్ షాట్‌ను సోషల్ మీడియాలో షేర్ చేస్తూ “ఇది తాత్కాలిక వాయిదా కాదా.. ఏకంగా సంవత్సరాన్నే మార్చేస్తున్నారా? అంటూ వ్యంగ్యంగా పోస్టులు పెడుతున్నారు. మరికొందరు “బుక్ మై షో వాళ్లు ముందే చెప్పారురా… మనమే అర్థం చేసుకోలేదు” అంటూ ట్రోలింగ్ చేస్తున్నారు. ఈ స్క్రీన్ షాట్ కొన్ని నిమిషాల్లోనే వివిధ సోషల్ మీడియాలో వైరల్ అయింది. అయితే ఈ డిస్‌ప్లే ఉద్దేశపూర్వకమా? లేదా సిస్టమ్‌లో జరిగిన ఆటోమేటిక్ ప్లేస్‌ హోల్డర్ తేదీనా? అనే అనుమానాలు కూడా వినిపిస్తున్నాయి. బుక్ మై షోలో సినిమాలు ఒక నిర్దిష్ట రిలీజ్ డేట్ లేకపోతే, సిస్టమ్ భవిష్యత్తులో ఒక అంచనా సంవత్సరాన్ని ఆటోమేటిక్‌గా చూపించే అవకాశం ఉంటుంది. ప్రస్తుతం ‘అఖండ 2’కు క్లియర్ రిలీజ్ డేట్ లేకపోవడంతో ఈ ఆటో డిఫాల్ట్ డేట్ 2026లా కనిపించి ఉండవచ్చని ట్రేడ్ వర్గాలు చెబుతున్నాయి. అయితే బాలయ్య అభిమానులకు ఇది అసలు నచ్చడంలేదు. రిలీజ్ వాయిదా వల్ల కలిగిన అసహనం మధ్య ఈ డిస్‌ప్లే సోషల్ మీడియాలో మరింత హీట్ క్రియేట్ చేసింది.

అఖండ 2 వాయిదాకి కారణం స్పష్టంగా బయటకు తెలిసిన తర్వాత ఈ వివాదం మరింత పెరిగింది. 14 రీల్స్ ప్లస్ సంస్థ… ఈరోస్ ఎంటర్‌టైన్‌మెంట్స్‌కు ఉన్న బకాయిలు చెల్లించకపోవడంతో కోర్టు స్టే విధించిందన్న వార్త బయటకు రావడంతో, అభిమానులు నిర్మాణ సంస్థ మీద మళ్లీ మండిపడుతున్నారు. ఇండస్ట్రీలో పెద్ద కాంబినేషన్ అయినా ఇలా ప్లానింగ్ లేకపోతే ఏం ప్రయోజనం? అంటూ కామెంట్లు చేస్తున్నారు.

అయితే బుక్‌ మై షోలో ‘అఖండ 2’ 2026లో రిలీజ్ అని చూపించడంపై యాంటీ ఫ్యాన్స్ ట్రోల్ చేస్తున్నారు. తాండవం ఇప్పుడు కాదు వచ్చే ఏడాది’, బుక్ మై షోలో మాయాజాలం” అంటూ మీమ్స్ తయారు చేసి పోస్ట్ చేస్తున్నారు. సినిమా రిలీజ్‌నే కరెక్ట్ చేసుకోలేనోళ్లు.. ఇక రికార్డులు ఏం కొడతార్రా అంటూ బాలయ్య ఫ్యాన్స్‌ని కవ్వించే ప్రయత్నం చేస్తున్నారు. ప్రస్తుతం అఖండ 2 విడుదల పూర్తిగా మద్రాస్ హైకోర్టు తీర్పుపై ఆధారపడి ఉంది. మేకర్స్ బకాయిలను క్లియర్ చేసినట్టు సమాచారం వినిపిస్తుండగా, కోర్టు స్టే ఎత్తివేస్తే సినిమా త్వరగా థియేటర్లలోకి వచ్చే అవకాశం ఉంది. అయితే అది తేలేవరకు “2026” స్క్రీన్ షాట్ సోషల్ మీడియాలో రచ్చ రేపడం మాత్రం ఖాయంగా కనిపిస్తోంది.