Anji Movie : చిరంజీవి సినిమా కోసం నిజంగా ఒక బిచ్చగాడిని తీసుకువచ్చి షూట్ చేశారు..
చిరంజీవి సినిమాలో ఒక పాత్ర చేయడం కోసం రోడ్డు పక్కన బిచ్ఛం ఎత్తుకునే ఓ వ్యక్తిని తీసుకొచ్చి, అతడితో ఓ పాత్ర చేయించారట.
- By News Desk Published Date - 07:00 PM, Sat - 13 January 24
మెగాస్టార్ చిరంజీవి(Chiranjeevi) సినిమాల్లో నటించేందుకు హీరోలు సైతం ఆసక్తి చూపిస్తుంటారు. అలాంటిది ఆయన సినిమాలో ఒక పాత్ర చేయడం కోసం రోడ్డు పక్కన బిచ్ఛం ఎత్తుకునే ఓ వ్యక్తిని తీసుకొచ్చి, అతడితో ఓ పాత్ర చేయించారట. ఇక్కడ విశేషం ఏంటంటే.. అతడి సీన్ తోనే సినిమా మొదలవుతుంది. అంతేకాదు సినిమాకు ఆ సన్నివేశం ఒక మెయిన్ పాయింట్ అని చెప్పొచ్చు. అలాంటి ఒక సీన్ ని ఏమాత్రం యాక్టింగ్ తెలియని ఓ వ్యక్తిని తీసుకొచ్చి షూట్ చేశారా..? ఇంతకీ ఆ సినిమా ఏంటి..? ఆ పాత్ర ఏంటి..?
చిరంజీవి కెరీర్ లో ఆ సినిమా సక్సెస్ కాలేకపోయినా తెలుగు తెరపై ఒక వండర్ గా నిలిచిపోయిన చిత్రం ‘అంజి'(Anji). శ్యామ్ ప్రసాద్ రెడ్డి నిర్మాణంలో కోడి రామకృష్ణ డైరెక్ట్ చేసిన ఈ గ్రాఫికల్ వండర్ మూవీ.. 2004లో భారీ అంచనాలు మధ్య రిలీజ్ అయ్యి పర్వాలేదు అనిపించుకుంది. ఇక అసలు విషయానికి వస్తే.. ఈ సినిమా స్టార్టింగ్ సీన్ అందరికి గుర్తుకు ఉండే ఉంటుంది. ఆ సన్నివేశంలో ఒక మాంత్రికుడు ఆత్మలింగం కోసం ప్రయత్నిస్తూ చనిపోతాడు. ఆ మాంత్రికుడు పాత్రని పోషించింది ఓ బిచ్చగాడు.
హైదరాబాద్ ఎల్వీ ప్రసాద్ ఐ ఆస్పత్రి దగ్గర బిచ్ఛం ఎత్తుకునే ఓ వ్యక్తిని తీసుకొచ్చి, అతడికి శిక్షణ ఇచ్చి ఆ పాత్రని చేయించారట. ఈ విషయాన్ని కోడి రామకృష్ణ ఓ ఇంటర్వ్యూలో చెప్పుకొచ్చారు. ఈ సినిమా కోసం దాదాపు ఐదేళ్లు పాటు కష్టపడ్డారు. సినిమాలోని కొన్ని సన్నివేశాలు తెరకెక్కించడానికి 100 నుంచి 120 షాట్స్ వరకు తీయాల్సి వచ్చేదట. ఆ తరువాత ఆ తీసిన షాట్స్ ని సింగపూర్‌, మలేషియా, అమెరికాకి పంపించి అక్కడ గ్రాఫిక్స్ వర్క్స్ చేయించేవారట. ఇక ఈ సినిమాలో చిరంజీవి ధరించిన డ్రెస్సుని ఐదేళ్ల పాటు వాష్ చేయకుండానే ఉపయోగించారట. వాష్ చేస్తే ఎక్కడ కలర్ చేంజ్ వస్తుందో అని అలాగే ఉపయోగించారట. కానీ ఆ సినిమా కమర్షియల్ గా ఫెయిల్ అయినా ఇప్పటికి అంజి ఒక విజువల్ వండర్.
Also Read : Mahesh Babu : ఇంగ్లీష్ లెటర్స్‌లో.. ఆల్మోస్ట్ అన్ని అక్షరాలపై యాడ్స్ చేసేసిన మహేష్.. రికార్డ్ సెట్..
