ITR Deadline: ఐటీఆర్ ఫైల్ చేయనివారికి అలర్ట్.. మరో నాలుగు రోజులే ఛాన్స్..!
2023-24 ఆర్థిక సంవత్సరం లేదా 2024-25 అసెస్మెంట్ సంవత్సరానికి ఆదాయపు పన్ను రిటర్న్ను దాఖలు చేయడానికి గడువు జూలై 31. గడువును పొడిగించాలని పన్ను చెల్లింపుదారుల బృందం డిమాండ్ చేస్తోంది.
- Author : Gopichand
Date : 26-07-2024 - 1:09 IST
Published By : Hashtagu Telugu Desk
ITR Deadline: ప్రస్తుత అసెస్మెంట్ సంవత్సరానికి ఆదాయపు పన్ను రిటర్న్లను దాఖలు చేయడానికి గడువు (ITR Deadline) వారం కంటే తక్కువ సమయం ఉంది. రిటర్న్ ఫైల్ చేసే పని వచ్చే వారం 3 రోజులు కొనసాగుతుంది. ఆ తర్వాత ITR ఫైల్ చేయడానికి జరిమానా ప్రారంభమవుతుంది. ఆదాయపన్ను శాఖ ప్రకారం మరింత వాయిదా పడే అవకాశం లేదని సూచించింది.
గడువు పొడిగింపుకు అవకాశం తక్కువ
2023-24 ఆర్థిక సంవత్సరం లేదా 2024-25 అసెస్మెంట్ సంవత్సరానికి ఆదాయపు పన్ను రిటర్న్ను దాఖలు చేయడానికి గడువు జూలై 31. గడువును పొడిగించాలని పన్ను చెల్లింపుదారుల బృందం డిమాండ్ చేస్తోంది. ఆదాయపు పన్ను రిటర్న్ ఫైలింగ్ పోర్టల్ మందగమనాన్ని వారు ఉదహరిస్తున్నారు. అయితే ఆదాయపు పన్ను రిటర్న్ల దాఖలుకు గడువును పొడిగించడంపై పెద్దగా ఆశలు లేవు. పన్ను చెల్లింపుదారులు సరైన వేగంతో రిటర్న్లు దాఖలు చేస్తున్నారని, ఈ ఏడాది మళ్లీ ఐటీఆర్ ఫైలింగ్లో కొత్త రికార్డు సృష్టించబోతున్నారని ఆ శాఖ భావిస్తోంది.
Also Read: Indian Team: టీమిండియా శిబిరంలోకి నెదర్లాండ్స్ ఆటగాడు.. అసిస్టెంట్ కోచ్గా బాధ్యతలు..!
4 కోట్లకు పైగా రిటర్న్ ఫైళ్లు
ఆదాయపు పన్ను ఫైలింగ్ పోర్టల్లో అందుబాటులో ఉన్న డ్యాష్బోర్డ్ ప్రకారం.. ఇప్పటివరకు 12.39 కోట్ల మందికి పైగా పన్ను చెల్లింపుదారులు పోర్టల్లో తమను తాము నమోదు చేసుకున్నారు. అదే సమయంలో ఇప్పటివరకు దాదాపు 4 కోట్ల 60 లక్షల ఆదాయపు పన్ను రిటర్నులు దాఖలయ్యాయి. వాటిలో 4 కోట్ల 22 లక్షలకు పైగా రిటర్నులను పన్ను చెల్లింపుదారులు ధృవీకరించారు. వాటిలో 1 కోటి 89 లక్షలకు పైగా రిటర్నులను ఆదాయపు పన్ను శాఖ కూడా ప్రాసెస్ చేసింది.
గతేడాది ఈ రికార్డు నమోదైంది
ఈ ఏడాది జూలై 24వ తేదీన ఆదాయపు పన్ను శాఖ 4 కోట్ల ఐటీఆర్ ఫైలింగ్ల మైలురాయిని సాధించింది. గతేడాది జూలై 26న 4 కోట్ల ఐటీఆర్ను దాటింది. జూలై 23న ఒక్కరోజే 22 లక్షలకు పైగా ఐటీఆర్లు దాఖలయ్యాయి. ఈ కారణంగానే ఈ ఏడాది ఐటీఆర్ ఫైలింగ్లో కొత్త రికార్డు సృష్టించవచ్చని ఆ శాఖ భావిస్తోంది. గతేడాది జూలై 31 వరకు రికార్డు స్థాయిలో 6.77 కోట్ల ఆదాయపు పన్ను రిటర్న్లు దాఖలయ్యాయి.
We’re now on WhatsApp. Click to Join.
జూలై 31 తర్వాత 5 వేల జరిమానా
గడువుకు ముందు మిగిలిన రోజుల్లో పన్ను చెల్లింపుదారులు రిటర్న్ దాఖలు చేయడం మరింత పెరిగే అవకాశం ఉందని ఆదాయపు పన్ను శాఖ భావిస్తోంది. ఇటువంటి పరిస్థితిలో గడువును మరింత పెంచాల్సిన అవసరం లేదు. ఆదాయపు పన్ను రిటర్న్ను దాఖలు చేయడానికి గడువు తేదీ వరకు అంటే 31 జూలై 2024 వరకు ఆదాయపు పన్ను రిటర్న్ను దాఖలు చేయడం ఉచితం. గడువు ముగిసిన తర్వాత పన్ను చెల్లింపుదారుడు ఆలస్యంగా రిటర్న్ను దాఖలు చేయడానికి డిసెంబర్ 31 వరకు సమయం ఉంది. అయితే దాని కోసం పన్ను చెల్లింపుదారు రూ. 5,000 వరకు జరిమానా చెల్లించాల్సి ఉంటుంది.
Follow us
