Stock Market : భారత స్టాక్ మార్కెట్‌లో పతనం.. సెన్సెక్స్, నిఫ్టీ డౌన్

Stock Market

Stock Market : భారత స్టాక్ మార్కెట్ సోమవారం మరోసారి నష్టాల్లో ముగిసింది. ఇండియా-అమెరికా వాణిజ్య ఒప్పందం వాయిదా పడే అవకాశాలు, అలాగే విదేశీ పెట్టుబడిదారుల (FII) నిరంతర ఉపసంహరణలు మార్కెట్‌ను కుదిపేశాయి.

సెన్సెక్స్ 572.07 పాయింట్లతో 0.70% తగ్గి 80,891.02 వద్ద ముగిసింది. 30 షేర్ల సూచీ నెగటివ్‌గా 81,299.97 వద్ద ప్రారంభమై, ఇంట్రాడే కనిష్ట స్థాయి 80,776.44 ను తాకింది. నిఫ్టీ 156.10 పాయింట్లతో 0.63% క్షీణించి 24,680.90 వద్ద ముగిసింది.

జియోజిట్ ఇన్వెస్ట్మెంట్స్ లిమిటెడ్ పరిశోధన విభాగం అధిపతి వినోద్ నాయర్ మాట్లాడుతూ, “Q1 ఫలితాలు నిరాశ కలిగించడం, ఇండియా-అమెరికా వాణిజ్య ఒప్పందం ఆలస్యం అవడం, విదేశీ పెట్టుబడిదారుల ఉపసంహరణల వల్ల దేశీయ మార్కెట్ సెంటిమెంట్‌ బలహీనపడింది,” అన్నారు. అంతర్జాతీయ మార్కెట్లు మాత్రం US-EU వాణిజ్య పరిణామాలతో పాజిటివ్‌గా ఉన్నాయని ఆయన పేర్కొన్నారు.

సెన్సెక్స్‌లో కోటక్ బ్యాంక్, బజాజ్ ఫైనాన్స్, భారతి ఎయిర్టెల్, టైటాన్, టీసీఎస్, హెచ్సీఎల్ టెక్, ఎస్‌బీఐ, టాటా స్టీల్, యాక్సిస్ బ్యాంక్, మహీంద్రా & మహీంద్రా లాంటి స్టాక్స్ భారీ నష్టాల్లో ముగిశాయి. హిందుస్తాన్ యూనిలీవర్, ఏషియన్ పెయింట్స్, ఐసీఐసీఐ బ్యాంక్ లాభాల్లో నిలిచాయి.

బ్రాడర్ ఇండెక్సులు కూడా పతనాన్ని ఎదుర్కొన్నాయి. నిఫ్టీ 100 157 పాయింట్లు (0.62%) పడిపోగా, నిఫ్టీ మిడ్‌క్యాప్ 100 490 పాయింట్లు (0.84%), నిఫ్టీ స్మాల్‌క్యాప్ 100 229 పాయింట్లు (1.26%) క్షీణించాయి.
సెక్టోరల్ ఇండెక్సుల్లో బ్యాంక్ నిఫ్టీ 444 పాయింట్లు, నిఫ్టీ ఫిన్ సర్వీస్ 192 పాయింట్లు, నిఫ్టీ ఐటీ 253 పాయింట్లు, నిఫ్టీ ఆటో 88 పాయింట్లు పడిపోయాయి.

రూపాయి 0.10% క్షీణించి 86.65 వద్ద ట్రేడైంది. 1 ఆగస్టు అమెరికా ట్రేడ్ డీల్ గడువు, అలాగే అమెరికా డేటా విడుదలలు ఈ వారంలో మార్కెట్ దిశను ప్రభావితం చేయనున్నాయి. రూపాయి 86.25–86.90 మధ్య ట్రేడయ్యే అవకాశం ఉందని ఎల్‌కేపీ సెక్యూరిటీస్‌కి చెందిన జతీన్ త్రివేది తెలిపారు.

Divya Deshmukh: ప్రపంచ మహిళల చెస్‌ ఛాంపియన్‌గా దివ్య దేశ్‌ముఖ్‌.. ఆమెకు ప్రైజ్‌మ‌నీ ఎంతంటే?

Follow us