Tata Tiago: టాటా టియాగో ఈవీ.. ధర స్పెషల్ తెలిస్తే షాక్ అవ్వాల్సిందే?

New Tata Cars

ప్రముఖ కార్ల తయారీ సంస్థ టాటా మోటార్స్ మొదటినుంచి విద్యుత్ కార్ల విషయంలో చాలా యాక్టివ్ గా ఉన్న విషయం తెలిసిందే. నేపథ్యంలోనే ఎన్నో రకాల విద్యుత్ కార్లను టాటా మోటార్స్ సంస్థ మార్కెట్లోకి విడుదల చేసింది. ఇది ఇలా ఉంటే టాటా మోటార్స్ సంస్థ తాజగా భారత మార్కెట్లోకి మరొక విద్యుత్ కారును లాంచ్ చేసింది. టాటా టియాగో ఈవీ అనే రెండు వేరువేరు బ్యాటరీ సైజులు కలిగిన వేరియంట్లను తీసుకువచ్చింది. కాగా ఇందులో ఒకటి 19.2 KWh బ్యాటరీ సామర్థ్యం కలిగి ఉంది.

దీని ధర విషయానికి వస్తే రూ.8.49 లక్షలు నుంచి ప్రారంభం కానుంది. ఇక మరొక కారు 24 KWh బ్యాటరీ సామర్థం కలిగి ఉంది. ఈ కారుదల విషయానికి వస్తే రూ.9.09 లక్షలు నుంచి ప్రారంభం అవుతుంది. అయితే ఈ ఆఫర్ ద్వారా కేవలం తొలి పదివేల మంది కస్టమర్లకు మాత్రమే అని టాటా మోటార్స్ సంస్థ తెలిపింది. ఆ తర్వాత ధర ఎంత ఉంటుంది అన్నది కంపెనీ ఇంకా వెల్లడించలేదు. ఈ కార్లకు సంబంధించిన బుకింగ్స్ రేపు నెల అనగా అక్టోబర్ 10 నుంచి ప్రారంభం కానున్నాయి.

కార్లు డెలివరీలు వచ్చే ఏడాది జనవరి నుంచి ప్రారంభం కానున్నట్లు టాటా మోటార్స్ సంస్థ పేర్కొంది. ఇకపోతే కారు స్పెసిఫికేషన్ ల విషయానికొస్తే.. 19.2kWh ఆప్షన్‌తో వస్తున్న వేరియంట్‌ 3.3 kW ఏసీ ఛార్జర్‌తో ఈ కారు 250 కిలోమీటర్ల రేంజ్‌ ప్రయాణిస్తుందని కంపెనీ చెబుతోంది. అలాగే 24 kWh బ్యాటరీ వేరియంట్‌ కారు 7.2 kW ఏసీ ఛార్జర్‌ తో ఈ కారు ద్వారా 315 కిలోమీటర్లు ప్రయాణించొచ్చని కంపెనీ పేర్కొంది. ఇది కేవలం 5.7 సెకన్లలోనే 60 కిలోమీటర్ల వేగాన్ని అందుకుంటుందని తెలిపింది.

Follow us