Safest SUVs in India: భారత్లో ఉన్న 5-స్టార్ సేఫ్టీ రేటింగ్ కలిగిన టాప్ 5 ఎస్యూవీ కార్లు ఇవే .. ధర, ఫీచర్స్ ఇవే?
భారత మార్కెట్లోకి ఎప్పటికప్పుడు అత్యాధునిక ఫీచర్లు కలిగిన కొత్త మోడల్ కార్లు మార్కెట్లోకి విడుదల అవుతున్న విషయం తెలిసిందే. ఇప్పటికే విడుదల
- Author : Anshu
Date : 22-02-2024 - 3:30 IST
Published By : Hashtagu Telugu Desk
భారత మార్కెట్లోకి ఎప్పటికప్పుడు అత్యాధునిక ఫీచర్లు కలిగిన కొత్త మోడల్ కార్లు మార్కెట్లోకి విడుదల అవుతున్న విషయం తెలిసిందే. ఇప్పటికే విడుదల అయిన వాటితో పాటు కొత్త కొత్త కార్లు మార్కెట్లోకి విడుదల అవుతూనే ఉన్నాయి. కాగా ప్రస్తుతం ఎక్కువగా 5 స్టార్ రేటింగ్ పొందిన కార్లకు మార్కెట్లో ఎక్కువగా డిమాండ్ పెరుగుతోంది. భద్రతపరమైన ఫీచర్లను కలిగిన కార్లవైపే వినియోగదారులు కూడా మొగ్గు చూపుతున్నారు. దాంతో ఆయా సంస్థలు కూడా 5 స్టార్ రేటింగ్ పొందిన కార్లనే మార్కెట్లోకి విడుదల చేస్తున్నాయి. ఇంతకీ ఆ కార్లు ఏవి అన్న విషయానికి వస్తే.. కొత్త టాటా సఫారి గ్లోబల్ ఎన్సీఎపీలో అడల్ట్ ఆక్యుపెంట్ ప్రొటెక్షన్, చైల్డ్ ఆక్యుపెంట్ ప్రొటెక్షన్ కేటగిరీలు రెండింటిలోనూ 5 స్టార్ స్కోర్ చేసింది. టాటా మోటార్స్ ఫ్లాగ్షిప్ ఎస్యూవీ అడల్ట్ ఆక్యుపెంట్ ప్రొటెక్షన్లో 34 పాయింట్లకు 33.05 పాయింట్లను సాధించగా, చైల్డ్ ఆక్యుపెంట్ ప్రొటెక్షన్లో 49 పాయింట్లకు 45 పాయింట్లను అందుకుంది. సఫారీలో మొత్తం 6 ఎయిర్బ్యాగ్లు, ఎలక్ట్రానిక్ స్టెబిలిటీ కంట్రోల్ ప్రామాణికంగా వస్తుంది. ఈ కారు ధర రూ. 16.19 లక్షల నుంచి రూ. 27.34 లక్షలు మధ్య ఉంటుంది.
టాటా హారియర్… కొత్త టాటా హారియర్, టాటా సఫారీలు ఆర్కిటెక్చర్పై రూపొందించారు. ల్యాండ్ రోవర్ డీ8 ప్లాట్ఫారమ్ నుంచి వచ్చింది. ఈ రెండు ఎస్యూవీలు గ్లోబల్ ఎన్సీఏపీలో అడల్ట్ ఆక్యుపెంట్ ప్రొటెక్షన్, చైల్డ్ ఆక్యుపెంట్ ప్రొటెక్షన్ కేటగిరీలలో ఒకే విధమైన స్టార్లు, పాయింట్లను సాధించాయి. ఈ రెండు కారు మోడల్స్ భారత్ ఎన్సీఏపీ వద్ద కూడా ఫైవ్ స్టార్ సేఫ్టీ రేటింగ్ పొందాయి. టాటా హారియర్ కారు ధర రూ. 15.49 లక్షల నుంచి రూ. 26.44 లక్షల పరిధిలో అందుబాటులో ఉంది.
టాటా నెక్సాన్.. కొత్త టాటా నెక్సాన్ స్వదేశీ మార్కెట్ నుంచి వచ్చిన మరో ఎస్యూవీ మోడల్. గ్లోబల్ ఎన్సిఎపిలో అడల్ట్ ఆక్యుపెంట్ ప్రొటెక్షన్, చైల్డ్ ఆక్యుపెంట్ ప్రొటెక్షన్ కేటగిరీలు రెండింటిలోనూ 5 స్టార్ స్కోర్ చేసింది. గతంలో 32.22 పాయింట్లు, 44.52 పాయింట్లను సాధించింది. నెక్సాన్ కూడా 6 ఎయిర్బ్యాగ్లు, ఈఎస్సీ స్టాండర్డ్తో వస్తుంది. ఈ కారు ధర రూ. 8.15 లక్షలతో మొదలై రూ. 15.60 లక్షల వరకు ఉంటుంది.
వోక్స్వ్యాగన్ టైగన్.. వోక్స్వ్యాగన్ టైగన్ గ్లోబల్ ఎన్సీఎపీలో అడల్ట్ ఆక్యుపెంట్ ప్రొటెక్షన్, చైల్డ్ ఆక్యుపెంట్ ప్రొటెక్షన్ కేటగిరీలు రెండింటికీ ఫైవ్ స్టార్ సేఫ్టీ రేటింగ్ను పొందింది. ఎస్యూవీ అడల్ట్ ఆక్యుపెంట్ ప్రొటెక్షన్లో 29.64 పాయింట్లను సంపాదించింది. చైల్డ్ ఆక్యుపెంట్ ప్రొటెక్షన్లో 42 పాయింట్లను పొందింది. సఫారీ, హారియర్, నెక్సాన్లలో 6 ఎయిర్బ్యాగ్లు, ఈఎస్సీ స్టాండర్డ్గా ఉండగా, టైగన్ ఈఎస్సీతో కేవలం 2 ఎయిర్బ్యాగ్లను మాత్రమే ప్రామాణికంగా కలిగి ఉంది. టైగన్ ధర రూ. 11.70 లక్షల నుంచి రూ. 20 లక్షలుకు అందుబాటులో ఉంది.
స్కోడా కుషాక్.. గ్లోబల్ ఎన్సీఏపీలో వోక్స్వ్యాగన్ టైగన్ రేటింగ్లకు సమానంగా స్కోడా కుషాక్ రేటింగ్లను కలిగి ఉంది. భారత్ 2.0 ప్రాజెక్ట్లో భాగంగా రెండూ వోక్స్వ్యాగన్ గ్రూప్ ప్లాట్ఫారమ్పై ఆధారపడి ఉంటాయి. కుషాక్ ధర రూ. 11.89 లక్షల నుంచి రూ. 20.49 లక్షలు ఉంటుంది.
Follow us
