Cybertruck: లాంచ్ కాక ముందే బుకింగ్స్ తో అదరగొడుతున్న కారు.. లక్ష్మల్లో బుకింగ్స్?

వాహనదారులు ఎక్కువ శాతం మంది ఇష్టపడే కంపెనీలలో టెస్లా కంపెనీ కూడా ఒకటి. ముఖ్యంగా టెస్లా కంపెనీకి చెందిన కార్ లను వాహన వినియోగదారులు ఎక్కువగా ఇష్టపడుతూ ఉంటారు. కంపెనీకి చెందిన కార్లను ఎక్కువగా పెద్ద పెద్ద సెలబ్రిటీలు రాజకీయ నాయకులు వ్యాపారవేత్తలు ఉపయోగిస్తూ ఉంటారు. ఇది ఇలా ఉంటే టెస్లా కంపెనీ మార్కెట్లోకి మొట్ట మొదటిసారిగా ఎలక్ట్రిక్ కారుని విడుదల చేయనుంది. ఎలక్ట్రిక్ పికప్ సైబర్‌ట్రక్ కారుని త్వరలోనే లాంచ్ చేయనుంది. అయితే ఈ కారుని లాంచ్ చేయకముందే 1.9 లక్షల మంది బుక్ చేసుకున్నారట.

టెస్లా కంపెనీ నవంబర్ 2019లో ఈ సైబర్‌ ట్రక్కుల బుకింగ్‌లను ప్రారంభించగా గత వారం ఉత్పత్తిని ప్రారంభించింది. అలాగే కంపెనీ సెప్టెంబర్ 2024 నుండి ఉత్పత్తిని భారీగా ప్రారంభించనుంది. ఈ క్రమంలోనే తాజాగా ఈ సైబర్‌ట్రక్ గురించి కంపెనీ సీఈఓ ఎలాన్ మస్క్ మాట్లాడుతూ.. ప్రస్తుతం ఎలక్ట్రిక్ పికప్‌లకు ఎక్కువ డిమాండ్ ఉందని తెలిపారు. అయితే దీనిని పరిగణనలోకి తీసుకున్న కంపెనీ గరిష్ట సామర్థ్యంతో ఏటా 3.75 లక్షల సైబర్‌ట్రక్కులను తయారు చేయనుంది. కొత్త కొనుగోలుదారులు డెలివరీ కోసం ఐదు సంవత్సరాలు వేచి ఉండాల్సి ఉంటుందని ఆయన అన్నారు. టెస్లా టెక్సాస్ గిగాఫ్యాక్టరీ నుండి మొదటి సైబర్‌ట్రక్‌ను తాజాగా విడుదల చేసింది.

వాహనం అఫీషియల్ ఫోటోని కంపెనీ ట్విట్టర్ ద్వారా షేర్ చేసింది. ఈ ఎలక్ట్రిక్ పికప్ ట్రక్ మొదటి డెలివరీలు 2023 చివరి నుండి ప్రారంభమవుతాయని సమాచారం. టెస్లా సైబర్‌ట్రక్ మొత్తం లుక్ ఫోటోలో స్పష్టంగా లేనప్పటికీ, ఇది ప్రీ ప్రొడక్షన్ ప్రోటోటైప్‌ను పోలి ఉంటుందని నివేదికలు సూచిస్తున్నాయి. టెస్లా సైబర్‌ట్రక్ డిజైన్ చాలా ఫ్యూచరిస్టిక్‌గా ఉంటుంది. భవిష్యత్తులో ఒక రూపాన్ని అందిస్తుంది. సైబర్‌ట్రక్ బాడీ అల్ట్రా-హార్డ్ 30X కోల్డ్ రోల్డ్ స్టెయిన్‌లెస్ స్టీల్‌తో తయారు చేయబడింది. ఇది స్పష్టంగా 9mm బుల్లెట్ల దాడిని ఆపగలదు. పవర్‌ట్రెయిన్‌కు వస్తే ఈ సైబర్‌ట్రక్ మల్టి పవర్‌ట్రెయిన్‌లను అందిస్తుంది. ఇది సింగిల్ లేదా మల్టి మోటార్లను కలిగి ఉంటుంది. ఇంకా ఒకటి, రెండు లేదా మూడు ఎలక్ట్రిక్ మోటార్‌లతో అందించబడుతుందని భావిస్తున్నారు.

సింగిల్ మోటారు వేరియంట్ 6.5 సెకన్లలో సున్నా నుండి 100 కి.మీ వేగాన్ని అందుకుంటుంది. వేరియంట్ పరిధి 402 కి.మీ. టోయింగ్ కెపాసిటీ ID 3400 కిలోలు ఇంకా పేలోడ్ 1360 కిలోలు. ఈ సైబర్‌ట్రక్ గరిష్ట రైడ్ ఎత్తు 16 అంగుళాలు, ఇంకా రైడ్ ఎత్తును 4 అంగుళాల వరకు పెంచవచ్చు లేదా తగ్గించవచ్చు. 6.5 అడుగుల పొడవైన లోడ్ బే 2800 లీటర్ల స్థలాన్ని అందిస్తుంది. సీటింగ్ పరంగా, ఈ సైబర్‌ట్రక్ ఆరుగురు పెద్దలకు స్పెస్ కల్పిస్తుంది. ఇంటీరియర్ మినిమలిస్టిక్ గా ఉంటుంది ఇంకా 17-అంగుళాల టాబ్లెట్-స్టైల్ టచ్‌స్క్రీన్‌ ఉంటుంది.