Maruti Brezza: ఎస్‌యూవీ అమ్మ‌కాల్లో నెంబ‌ర్ వ‌న్‌గా నిలిచిన బ్రెజ్జా.. దీని ధర ఎంతంటే?
మారుతి సుజుకి బ్రెజ్జా అనేది 103 PS పవర్, 137Nm టార్క్ ఉత్పత్తి చేసే 1.5L స్మార్ట్ హైబ్రిడ్ ఇంజన్‌తో కూడిన శక్తివంతమైన కాంపాక్ట్ SUV. ఇందులో 5 స్పీడ్ మ్యాన్యువల్, ఆటోమేటిక్ ట్రాన్స్‌మిషన్ సౌకర్యం ఉంది.
- By Gopichand Published Date - 05:49 PM, Sun - 17 November 24
Maruti Brezza: భారతదేశంలో SUV వాహనాలకు డిమాండ్ వేగంగా పెరుగుతోంది. హ్యాచ్‌బ్యాక్, కాంపాక్ట్ SUV విభాగాల కస్టమర్‌లు కాంపాక్ట్ SUVలకు మారుతున్నారు. కార్ కంపెనీలు ఆగస్టు నెలకు సంబంధించిన తమ విక్రయ నివేదికలను విడుదల చేశాయి. భారతదేశంలో అత్యధికంగా అమ్ముడవుతున్న కార్ల జాబితా వచ్చింది. ఇందులో మారుతి సుజుకి బ్రెజ్జా (Maruti Brezza) మరోసారి విజయం సాధించింది. బ్రెజ్జా ఆగస్టు నెలలో 16,565 యూనిట్లను విక్రయించింది.
కాగా ఈ ఏడాది సెప్టెంబర్‌లో కంపెనీ 15,322 యూనిట్లను విక్రయించింది. గత ఏడాది అక్టోబర్‌లో కంపెనీ 16,050 యూనిట్లను విక్రయించగా గత నెలలో టాటా నెక్సాన్ 14,759 యూనిట్లను విక్రయించగా, హ్యుందాయ్ వెన్యూ 10,901 యూనిట్లను విక్రయించింది.
Also Read: International Students’ Day : అంతర్జాతీయ విద్యార్థుల దినోత్సవాన్ని ఎందుకు జరుపుకుంటారు.?
ఇంజిన్- పవర్
మారుతి సుజుకి బ్రెజ్జా అనేది 103 PS పవర్, 137Nm టార్క్ ఉత్పత్తి చేసే 1.5L స్మార్ట్ హైబ్రిడ్ ఇంజన్‌తో కూడిన శక్తివంతమైన కాంపాక్ట్ SUV. ఇందులో 5 స్పీడ్ మ్యాన్యువల్, ఆటోమేటిక్ ట్రాన్స్‌మిషన్ సౌకర్యం ఉంది. ఇక్కడ స్కోడా ఇంజన్ చిన్నది కావచ్చు కానీ ఇది పనితీరు పరంగా చాలా చురుకైనది, శక్తివంతమైనది. ఇది 5-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ గేర్‌బాక్స్‌ని పొందుతుంది.
మైలేజీ గురించి చెప్పాలంటే.. ఈ వాహనం మాన్యువల్ గేర్‌బాక్స్‌తో 20.15kmpl, ఆటోమేటిక్ గేర్‌బాక్స్‌తో 19.80kmpl వరకు మైలేజీని ఇస్తుంది. ఇందులో హైబ్రిడ్ టెక్నాలజీ అందుబాటులో ఉంది. భద్రత కోసం బ్రెజ్జాలో 6 ఎయిర్‌బ్యాగ్‌లు, యాంటీ-లాక్ బ్రేకింగ్ సిస్టమ్‌తో కూడిన EBD, 360 డిగ్రీ కెమెరా, 3 పాయింట్ సీట్ బెల్ట్ వంటి ఫీచర్లు ప్రామాణికంగా ఉన్నాయి. మిగిలిన ఇతర ఫీచర్లు కూడా అలాగే ఉన్నాయి. ఇది 198 mm గ్రౌండ్ క్లియరెన్స్ కలిగి ఉంది. బ్రెజ్జా బేస్ మోడల్ ధర రూ. 8.34 లక్షల నుండి ప్రారంభమవుతుంది.
మారుతి సుజుకి బ్రెజ్జా నేరుగా టాటా నెక్సాన్, హ్యుందాయ్ వెన్యూ, మహీంద్రా XUV 3XO లతో పోటీపడుతుంది. XUV 3XO గురించి మాట్లాడినట్లయితే.. దీని ధర రూ. 7.49 లక్షల నుండి ప్రారంభమవుతుంది. XUV 3XO గొప్ప స్థలంతో పాటు ఫీచర్లతో నిండి ఉంది. ఇది 5 మంది కూర్చునే స్థలాన్ని అందిస్తుంది. ఇందులో 364 లీటర్ల బూట్ స్పేస్ ఉంటుంది.
