Kinetic E Luna : త్వరలో మార్కెట్ లోకి రానున్న కైనెటిక్​ ఈ-లూనా.. ధర, ఫీచర్స్ ఇవే?

Mixcollage 26 Jan 2024 02 43 Pm 115

కైనెటిక్​ లూనా ఇప్పుడు సరికొత్త ఎలక్ట్రిక్​ అవతారంలో మళ్లీ మార్కెట్లోకి రీ ఎంట్రీ ఇవ్వబోతోంది. త్వరలోనే కైనెటిక్ సరికొత్త లుక్ తో మార్కెట్లోకి రాబోతోంది. అయితే గత కొన్ని నెలలుగా ఈ కైనెటిక్​ ఈ- లూనాపై అప్డేట్స్​ వస్తూనే ఉన్న విషయం తెలిసిందే. ఇక ఇప్పుడు ఈ ఎలక్ట్రిక్​ మోపెడ్​ అధికారిక టీజర్​ని విడుదల చేసింది కైనెటిక్​ గ్రీన్​ సంస్థ. అంతేకాకుండా ఈ ఎలక్ట్రిక్​ వెహికిల్​ బుకింగ్స్​ని కూడా మొదలుపెట్టింది. రూ. 500 టోకెన్​ అమౌంట్​ తో ఈ మోడల్​ని బుక్​ చేసుకోవచ్చు. ఈ కైనెటిక్​ ఈ-లూనా ఫిబ్రవరిలో లాంచ్​ కానుంది. మరి దీనికి సంబంధించిన మరిన్ని వివరాల్లోకి వెళితే..

లూనా మోడల్ ఇంతకుముందు ఉండేది. భారతీయులు కూడా ఈ మోడల్ ని ఎంతగానో ఇష్టపడేవారు. కానీ రాను రాను ఈ మోడల్​ కనుమరుగైపోయింది. కాగా ఇప్పుడు ఈ లూనాకి ఎలక్ట్రిక్​ టచ్​ ఇస్తోంది కైనెటిక్​ గ్రీన్​ సంస్థ. ఈ కైనెటిక్​ ఈ-లూనా ఎలక్ట్రిక్​ వెహికిల్​ డిజైన్ పాత తరం మోడల్​ని పోలి ఉంది. స్ట్రక్చర్​ సింపుల్​గా ఉంది. స్ల్పిట్​ సీట్​, స్క్వేర్​ హెడ్​లైట్​ వంటివి వస్తున్నాయి. ఇందులో 16 ఇంచ్​ స్పోక్​డ్​ వీల్స్​ ఉంటాయి. ఈ ఎలక్ట్రిక్​ మోపెడ్​ బరువు 96 కేజీలు. ఓషన్​ బ్లూ, మల్బెర్రీ రెడ్​ కలర్స్​లో అందుబాటులోకి రానుంది.

కైనెటిక్​ ఈ- లూనా ఎలక్ట్రిక్​ మోపెడ్​లో 2 కేడబ్ల్యూహెచ్​ బ్యాటరీ ప్యాక్​ ఉంటుంది. దీనిని ఒక్కసారి ఛార్జ్​ చేస్తే 110కి.మీ దూరం ప్రయాణిస్తుందట. దీని టాప్​ స్పీడ్​ 50కేఎంపీహెచ్​. పోర్ట్​బుల్​ ఛార్జర్​ ఫీచర్​ లభిస్తోంది. ఫుల్​ ఛార్జ్​ అవ్వడానికి కేవలం 4 గంటల సమయమే పడుతుందట. ఇకపోతే దిన ధర విషయానికి వస్తే.. ఈ ఎలక్ట్రిక్​ మోపెడ్​ ధరకు సంబంధించిన వి​వరాలను సంస్థ ఇంకా ప్రకటించలేదు. ఈ కైనెటిక్​ లూనా ఎక్స్​షోరూం ధర రూ. 75 వేలుగా ఉండవచ్చని అంచనా.

Follow us