Supreme Court : వివేకా హత్య కేసు..సీబీఐ అభిప్రాయాన్ని కోరిన సుప్రీంకోర్టు

Viveka murder case... Supreme Court seeks CBI's opinion

Supreme Court : మాజీ మంత్రి వైఎస్ వివేకానంద రెడ్డి హత్య కేసులో తాజా పరిణామాలు చర్చనీయాంశంగా మారాయి. ఈ కేసులో ప్రధాన నిందితులుగా భావిస్తున్న ఎంపీ అవినాష్ రెడ్డి సహా ఇతర నిందితుల బెయిల్ రద్దుపై దాఖలైన పిటిషన్లపై సుప్రీంకోర్టు సోమవారం విచారణ జరిపింది. విచారణలో ముగ్గురు అంశాలపై సీబీఐ అభిప్రాయం తెలపాలని ధర్మాసనం స్పష్టం చేసింది. సునీత నారెడ్డి వివేకా కుమార్తె ఈ కేసులో ఇప్పటికే తమకు న్యాయం జరిగేలా చర్యలు తీసుకోవాలని పలుమార్లు కోరారు. ఆమెతో పాటు కేంద్ర దర్యాప్తు సంస్థ అయిన సీబీఐ కూడా తెలంగాణ హైకోర్టు ఇచ్చిన బెయిల్ నిర్ణయాన్ని సవాలు చేస్తూ సుప్రీంకోర్టులో పిటిషన్ దాఖలు చేసింది. హైకోర్టు బెయిల్ ఇచ్చిన అనంతరం నిందితులు కేసులో ప్రభావం చూపే అవకాశముందని సీబీఐ అభిప్రాయపడింది.

Read Also: Parliament : పార్లమెంట్‌ వర్షాకాల సమావేశాలు..విపక్షాల నిరసనలతో మొదటి రోజే ఉద్రిక్తత

ఈ నేపథ్యంలో విచారణ సందర్భంగా సుప్రీం ధర్మాసనం మూడు కీలక అంశాలపై స్పష్టత కోరింది. ఈ హత్య కేసులో ఇంకా ఏవైనా అంశాలు మిగిలి ఉన్నాయా? దర్యాప్తు పూర్తయిందా? అనే అంశంపై సీబీఐ అభిప్రాయం కోరింది. విచారణ ప్రారంభమైన తర్వాత దర్యాప్తు కొనసాగించే అవకాశం ఉందా? లేదా దర్యాప్తు ముగిసిన తర్వాత మాత్రమే ట్రయల్ ప్రారంభించాలా? అనే అంశంపై కూడా సుప్రీంకోర్టు స్పష్టత కోరింది. కడప సెషన్స్ కోర్టులో ఏపీ ప్రభుత్వం దాఖలు చేసిన క్లోజర్ రిపోర్టుపై కూడా సీబీఐ అభిప్రాయం తెలియజేయాలని ధర్మాసనం ఆదేశించింది. ఇటీవలే సీబీఐ విచారణను సమర్ధిస్తూ పలువురు రాజకీయ నాయకులు, సివిల్ సొసైటీ సభ్యులు కూడా మద్దతు తెలిపారు. ఇదిలా ఉండగా, అవినాష్ రెడ్డి ప్రస్తుతం ఎంపీగా ఉన్న నేపథ్యంలో ఆయనపై బెయిల్ రద్దు పిటిషన్ సర్వత్రా దృష్టిని ఆకర్షిస్తోంది.

తెలంగాణ హైకోర్టు ఇచ్చిన బెయిల్‌ను సవాల్ చేస్తూ దాఖలైన పిటిషన్లు ఇప్పుడు సుప్రీంకోర్టు ముందున్నాయి. ఈ పరిణామాల్లో సీబీఐ తన అభిప్రాయాన్ని తెలియజేశాకే తదుపరి విచారణ జరుగుతుందని ధర్మాసనం స్పష్టం చేసింది. తదుపరి విచారణను కొంతకాలం వాయిదా వేసిన ధర్మాసనం, అప్పటివరకు అందరూ న్యాయ ప్రక్రియను గౌరవించాలని సూచించింది. ఈ కేసులో న్యాయ ప్రక్రియ ఎలా ముందుకు సాగుతుంది? నిందితుల బెయిల్‌ రద్దు అవుతుందా? లేదా? అన్నది సీబీఐ అభిప్రాయంతోపాటు ధర్మాసన ఆదేశాలపై ఆధారపడి ఉంటుంది. వైఎస్ వివేకానంద రెడ్డి హత్య కేసు గత కొన్నేళ్లుగా రాజకీయ, న్యాయ వర్గాల్లో సెన్సేషన్‌గా మారిన నేపథ్యంలో, ఈ కేసులో వచ్చే ఒక్కో మలుపు ఆసక్తికరంగా మారుతోంది.

Read Also: Shocking : జస్ట్ మిస్.. ప్రయాణికుల విమానాన్ని ఢీకొట్టబోయిన యుద్ధ విమానం

Follow us