Palakonda Rayudu : టీడీపీ సీనియర్ నేత, మాజీ ఎంపీ కన్నుమూత
ఈరోజు తెల్లవారుజామున 3 గంటల సమయంలో ఆయన తుదిశ్వాస విడిచినట్లు కుటుంబ సభ్యులు తెలిపారు. గత రెండు రోజులుగా పరిస్థితి విషమించడంతో కుటుంబసభ్యులు అత్యుత్తమ వైద్యం కోసం ఆయనను బెంగళూరుకు తరలించారు. అక్కడ వైద్యులు చికిత్స అందించినా, ఆరోగ్యం నిలకడగా లేకపోవడంతో ఆయన చనిపోయారు.
- By Latha Suma Published Date - 10:29 AM, Tue - 6 May 25
Palakonda Rayudu : టీడీపీ చెందిన ప్రఖ్యాత రాజకీయవేత్త, మాజీ ఎంపీ సుగవాసి పాలకొండరాయుడు (80) అనారోగ్య కారణాలతో కన్నుమూశారు. అన్నమయ్య జిల్లా రాయచోటికి చెందిన ఆయన, గత కొన్ని రోజులుగా తీవ్ర అనారోగ్యంతో బాధపడుతూ బెంగళూరులోని ఒక ప్రైవేట్ ఆసుపత్రిలో చికిత్స పొందుతున్నారు. ఈరోజు తెల్లవారుజామున 3 గంటల సమయంలో ఆయన తుదిశ్వాస విడిచినట్లు కుటుంబ సభ్యులు తెలిపారు. గత రెండు రోజులుగా పరిస్థితి విషమించడంతో కుటుంబసభ్యులు అత్యుత్తమ వైద్యం కోసం ఆయనను బెంగళూరుకు తరలించారు. అక్కడ వైద్యులు చికిత్స అందించినా, ఆరోగ్యం నిలకడగా లేకపోవడంతో ఆయన చనిపోయారు. ఆయన మరణవార్త తెలియగానే రాయచోటి నియోజకవర్గంలోని ప్రజల్లో తీవ్ర విషాదం నెలకొంది.
Read Also: Free Schemes : ఉచితాలు తగ్గించాలంటూ కాంగ్రెస్ మంత్రి సూచన
సుదీర్ఘ రాజకీయ జీవితాన్ని కలిగి ఉన్న పాలకొండరాయుడు, నాలుగు సార్లు రాయచోటి శాసనసభ నియోజకవర్గం నుండి ఎమ్మెల్యేగా విజయం సాధించారు. రాజకీయంగా ఆయన ఎన్నో కీలక దశల్లో తన సేవల్ని అందించారు. అంతేకాకుండా రాజంపేట లోకసభ నియోజకవర్గం నుండి పార్లమెంటు సభ్యుడిగానూ ఒకసారి ఎన్నికయ్యారు. ఎన్టీఆర్, చంద్రబాబు నాయుడు, వైఎస్ రాజశేఖర్ రెడ్డి వంటి ముఖ్యమంత్రుల కాలంలో ఆయన ప్రజాప్రతినిధిగా సేవలందించి, విశేషమైన గౌరవం సంపాదించారు.
పాలకొండరాయుడి మృతితో తెలుగుదేశం శ్రేణులు మరియు ఆయన అభిమానులు తీవ్రంగా దిగ్భ్రాంతికి గురయ్యారు. రాష్ట్ర మంత్రులు మండిపల్లి రాంప్రసాద్ రెడ్డి, బీసీ జనార్దన్ రెడ్డి ఆయన మరణంపై తమ తీవ్ర సంతాపాన్ని వ్యక్తం చేశారు. ఆయన కుటుంబానికి, పార్టీ కార్యకర్తలకు, మరియు రాయచోటి ప్రజలకు ఇది తీరని లోటని వారు పేర్కొన్నారు. రాయచోటితో పాలకొండరాయుడికి ఉన్న అఖండ అనుబంధాన్ని మంత్రులు గుర్తుచేసుకుంటూ, ఆయన ఆత్మకు శాంతి చేకూరాలని భగవంతుడిని ప్రార్థించారు.
Read Also: India Attack Plan : మానవరహిత విమానాలతో పీఓకేపై ఎటాక్.. తజకిస్తాన్ నుంచి వార్ ?
