Rave Party : తూ.గో జిల్లాలో రేవ్ పార్టీ కలకలం.. బర్త్ డే పార్టీలో యువతులతో అశ్లీల నృత్యాలు..

Rave Party 1

Rave Party : సాధారణంగా పచ్చదనం, పాడిపంటలతో పేరుగాంచిన తూర్పు గోదావరి జిల్లా నల్లజర్ల మండలం ఘంటవారిగూడెంలో మంగళవారం రాత్రి జరిగిన రేవ్ పార్టీ పెద్ద ఎత్తున కలకలం రేపింది. గ్రామీణ ప్రాంతంలో పుట్టినరోజు వేడుక పేరుతో యువతుల అశ్లీల నృత్యాలు, మద్యం, వినోదం సాగుతున్నట్లు సమాచారం అందుకున్న పోలీసులు ఆ ప్రాంతంలో ఆకస్మిక దాడి నిర్వహించారు. స్పెషల్ బ్రాంచ్‌కు ముందుగానే ఈ రేవ్ పార్టీ గురించి సమాచారం అందింది. దాని ఆధారంగా స్థానిక పోలీసులతో కలిసి గెస్ట్ హౌస్‌పై దాడి చేశారు. అక్కడ 23 మంది పురుషులు, 3 మంది మహిళలు పాల్గొంటున్నట్లు గుర్తించారు. వారందరినీ అదుపులోకి తీసుకుని పోలీస్ స్టేషన్‌కు తరలించారు. పార్టీ కోసం వాడిన పలు లగ్జరీ కార్లు కూడా స్వాధీనం చేసుకున్నారు.

Attack : ఢిల్లీలో ఊహించని ఘటన..సీఎం రేఖా గుప్తాపై దాడి..!

ఈ ఘటనపై జిల్లా ఎస్పీ నరసింహ కిషోర్ మాట్లాడుతూ.. “వెస్ట్రన్ మోజులో పడి యువత అసాంఘిక కార్యకలాపాలకు పాల్పడితే కఠిన చర్యలు తప్పవు. ఈ రకమైన పార్టీలను ప్రోత్సహించే వారికి క్షమించం. గ్రామీణ ప్రాంతాల్లో ఇలాంటి రేవ్ కల్చర్ పెరగకుండా పోలీసుల పహారా మరింత బలోపేతం చేస్తాం” అని హెచ్చరించారు. ఘంటవారిగూడెంలోని ఈ గెస్ట్ హౌస్‌ గతంలోనూ వివాదాస్పదమైంది. సరిగ్గా ఏడాది క్రితం ఇదే రోజున ఇక్కడ పోలీసులు దాడి చేసి పలువురిని అరెస్ట్ చేసిన విషయం గుర్తుకు తెచ్చుకున్నారు. ఆ తర్వాత కూడా ఇలాంటి పార్టీలు వరుసగా జరుగుతుండటం పట్ల స్థానిక ప్రజలు తీవ్ర ఆగ్రహం వ్యక్తం చేస్తున్నారు. “పోలీసులు ఎన్నిసార్లు రైడ్ చేసినా, మాకు పని మాదే అంటూ కొందరు పట్టుదలగా ఈ పనులు చేస్తున్నారు” అని వారు మండిపడుతున్నారు.

ఈసారి బర్త్‌డే పార్టీ నిర్వాహకుడిగా వెజ్జే సుబ్బారావు అనే వ్యక్తి ఉన్నట్లు పోలీసులు గుర్తించారు. ఆయన జనసేన పార్టీ నాయకుడు అని సమాచారం. దీనిపై పోలీసులు ప్రత్యేక దర్యాప్తు చేస్తున్నారు. పార్టీ ఏర్పాట్ల వెనుక ఎవరి ప్రమేయం ఉందో, మరింత పెద్ద నెట్‌వర్క్ ఉందో లేదో అనే కోణంలో విచారణ కొనసాగిస్తున్నారు. దాడిలో పట్టుబడిన 26 మందిపై పోలీసులు కేసులు నమోదు చేశారు.

వాహనాలను స్వాధీనం చేసుకుని, మద్యం మరియు ఇతర వస్తువులను సీజ్ చేశారు. మొత్తం ఘటనపై పూర్తి దర్యాప్తు కొనసాగుతోందని పోలీసులు వెల్లడించారు. ఈ సంఘటనతో తూర్పు గోదావరి జిల్లాలో రేవ్ పార్టీ కల్చర్‌పై మళ్లీ చర్చ మొదలైంది. ఒకవైపు గ్రామీణ ప్రశాంత వాతావరణంలో ఇలాంటి అసాంఘిక కార్యక్రమాలు పెరుగుతున్నాయనే ఆందోళన, మరోవైపు రాజకీయ అనుబంధాలు బయటపడుతున్నాయనే అనుమానాలు ప్రజల్లో చర్చనీయాంశమయ్యాయి.

Singareni : చరిత్రలో ఫస్ట్ టైం సింగరేణి సంస్థకు గోల్డెన్ చాన్స్ లభించింది

Follow us