Yuvagalam : నేటి నుంచి నారా లోకేష్ య‌వ‌గ‌ళం పాద‌యత్ర పునఃప్రారంభం.. పొద‌లాడ నుంచి ప్రారంభంకానున్న యాత్ర‌

Yuvagalam lokesh

టీడీపీ జాతీయ ప్రధాన కార్యదర్శి నారా లోకేష్ యువ గళం పాదయాత్రను ఈ రోజు (సోమవారం) ఉదయం 10.19 గంటలకు డాక్టర్ బీఆర్ అంబేద్కర్ కోనసీమ జిల్లా రాజోలు నియోజకవర్గంలోని పొదలాడ గ్రామంలో తిరిగి ప్రారంభించనున్నారు. సెప్టెంబర్ 9న మాజీ ముఖ్యమంత్రి నారా చంద్రబాబు నాయుడు అరెస్టుతో పొదలాడలో యాత్రను తాత్కాలికంగా నిలిపివేశారు. యువ గళం పాదయాత్ర రూట్ మ్యాప్ పై మాజీ మంత్రులు ప్రత్తిపాటి పుల్లారావు, గొల్లపల్లి సూర్యారావు, రెడ్డి సుబ్రహ్మణ్యం, నామన రాంబాబు, డొక్కా నాథ్ బాబు, జ్యోతుల నవీన్, పేరాబత్తుల రాజశేఖర్ తదితరులు చర్చించారు. ఈ రోజు (సోమవారం) పొదలాడలో జరిగే యువగళం పాదయాత్రకు గోదావరి జిల్లాల నుంచి వేలాదిగా అభిమానులు, కార్యకర్తలు వస్తారని టీడీపీ నేత‌లు తెలిపారు. యువ గళం పాదయాత్రలో భాగంగా లోకేష్ 209 రోజుల్లో 2852.4 కిలోమీటర్లు నడిచారు. సోమవారం నాటి పాదయాత్ర 210వ రోజు అని పార్టీ వర్గాలు తెలిపాయి. శుభం గ్రాండ్ నుంచి పాదయాత్ర ప్రారంభం కానుందని టీడీపీ నేత‌లు తెలిపారు. తాటిపాక సెంటర్‌లో జరిగే బహిరంగ సభలో లోకేష్ ప్రసంగించనున్నారు. మధ్యాహ్నం 12.30 గంటలకు పాదయాత్ర పి గన్నవరం నియోజకవర్గంలోకి ప్రవేశిస్తుంది.

We’re now on WhatsApp. Click to Join.

నాగారం గ్రామంలో గెయిల్, ఓఎన్‌జీసీ బాధితులతో జరిగే సమావేశంలో లోకేష్ పాల్గొంటారు. మధ్యాహ్నం 2 గంటలకు మామిడికుదురులో స్థానికులతో సమావేశం కానున్నారు. పాశర్లపూడిలో భోజన విరామం అనంతరం సాయంత్రం 4 గంటలకు పాదయాత్ర కొనసాగనుంది. అప్పనపల్లి సెంటర్‌లో స్థానికులతో సమావేశమైన అనంతరం అమలాపురం నియోజకవర్గంలోకి లోకేష్ అడుగుపెట్టనున్నారు. సాయంత్రం 6:30 గంటలకు బోడసకుర్రులో మత్స్యకారులతో లోకేష్ సమావేశమై వారి సమస్యలను అడిగి తెలుసుకుంటారు. అనంతరం పేరూరులో రజక సంఘం సభ్యులతో సమావేశం కానున్నారు. పేరూరులోని క్యాంప్‌సైట్‌లో రాత్రికి లోకేష్ బస చేస్తారు.

Also Read:  Srisailam : శ్రీశైలం ఆల‌యానికి పోటెత్తిన భ‌క్తులు.. కార్తీక పౌర్ణ‌మి వేళ ఆల‌యంలో ప్ర‌త్యేక పూజ‌లు

Follow us