Lokesh Calls Jr.NTR: టీడీపీ సంచలనం.. జూనియర్ NTRకు లోకేష్ పిలుపు!

Junior Ntr

జూనియర్ ఎన్టీఆర్ (JR NTR).. టాలీవుడ్ లోనే కాదు.. రాజకీయాల్లోనూ తరుచుగా వినిపించే పేరు. తెలుగు రాష్ట్ర రాజకీయాల్లో టీడీపీ (TDP) ప్రస్తావన వచ్చినప్పుడల్లా జూనియర్ ప్రస్తావన సైతం తెరకు మీదకు వస్తూనే ఉంది. జూనియర్ రాజకీయాల్లోకి అధికారికంగా రాకపోయినా.. ఆయన చుట్టూ పొలిటికల్ ఫ్లేవర్ అలుముకుంటూనే ఉంది. జూనియర్ (JR NTR) టీడీపీలోకి ఎప్పుడు వస్తారు? కీలక బాధ్యతలు ఎప్పుడు చేపడుతారు? లాంటి విషయాలు ఎప్పుడూ హాట్ టాపిక్ గా నిలుస్తూనే ఉన్నాయి. ఈ నేపథ్యంలో నారా లోకేష్ యువగళం పాదయాత్రలో తొలిసారిగా జూనియర్ ఎన్టీఆర్ గురించి ప్రస్తావన వచ్చింది.

హలో లోకేష్

యువగళం పాదయాత్ర తిరుపతిలో హలో లోకేష్ (Lokesh) అనే కార్యక్రమం నిర్వహించారు. లోకేష్ స్టేజ్ పై ఉండగా కిందనుంచి పలువురు ఆయనకు ప్రశ్నలు సంధించారు. జూనియర్ ఎన్టీఆర్ రాజకీయాల్లోకి వస్తే మీరు ఆయన్ను ఆహ్వానిస్తారా అంటూ అడిగిన ప్రశ్నకు లోకేష్ సమాధానమిచ్చారు. రాష్ట్రం బాగుండాలంటే యువత రాజకీయాల్లోకి రావాలని, అలా వచ్చే అందర్నీ తాను ఆహ్వానిస్తానని చెప్పారు లోకేష్. ‘‘అభివృద్ధిలో ఏపీ అగ్రస్థానంలో ఉండాలని ఎవరెవరు కోరుకుంటారో వారందరూ రాజకీయాల్లోకి రావాలని పిలుపునిచ్చారు. రాజకీయాల్లో మొదట కావాల్సింది మంచి మనసు అని, 2014లోనే తాను పవన్ కల్యాణ్ (Pawan Kalyan) లో మంచి మనసును చూశానని ’’లోకేశ్ వెల్లడించారు. టీడీపీ నేతలు మాత్రం దీన్ని పాజిటివ్ గా ప్రచారం చేసుకుంటున్నాయి. జూనియర్ ఎన్టీఆర్, లోకేష్ మధ్య ఎలాంటి విభేదాలు లేవని చెప్పే ప్రయత్నం చేస్తున్నాయి.

కష్టకాలంలో మరోసారి

లోకేష్ సమాధానం బాగానే ఉన్నా.. సోషల్ మీడియాలో మాత్రం ఆయనపై విపరీతమైన ట్రోలింగ్ మొదలైంది. అసలు జూనియర్ ని ఆహ్వానించడానికి నువ్వెవరు అంటూ లోకేష్ ని టార్గెట్ చేశారు కొంతమంది. జూనియర్ (JR NTR) తాత పెట్టిన పార్టీ టీడీపీ అని, పార్టీపై చంద్రబాబు, లోకేష్ కంటే ఎక్కువ హక్కు ఆయనకే ఉంటుందని, అలాంటి జూనియర్ ని లోకేష్ రాజకీయాల్లోకి, పార్టీలోకి ఆహ్వానించడమేంటని మండిపడ్డారు. వైసీపీ సానుభూతి పరులు లోకేష్ సమాధానాన్ని సోషల్ మీడియాలో విపరీతంగా ట్రోల్ చేస్తున్నారు. జూనియర్ ఎన్టీఆర్ ఫ్యాన్స్ ని రెచ్చగొడుతున్నారు. జూనియర్ ఎన్టీఆర్ ని ఓసారి ప్రచారానికి తిప్పుకుని చంద్రబాబు మోసం చేశారని, ఇప్పుడు మరోసారి పార్టీ కష్టకాలంలో ఉన్నప్పుడు ఆయన లోకేష్ కి గుర్తొచ్చారని, అది కేవలం కావాలని అడిగించిన ప్రశ్నేనంటున్నారు. అయితే ఎన్టీఆర్ ప్రస్తావన తెచ్చినప్పుడు స్టేజ్ కింద ఉన్నవారిలో మంచి స్పందన వచ్చింది. అయితే జూనియర్ పార్టీలోకి రావాలని ఇటు పార్టీలోనూ, అటు అభిమానుల్లో ఉన్నప్పటికీ జూనియర్ మాత్రం సినిమాల వైపు మొగ్గు చూపుతున్నారని, తన పొలిటికల్ ఎంట్రీ ఎప్పుడూ అనేది చెప్పలేనని ఆయన గతంలో ఎన్నోసార్లు రియాక్ట్ అయ్యారు. అయితే జూనియర్ పొలిటికల్ ఎంట్రీ ఎప్పుడు అనేది పక్కన పెడితే వచ్చే ఎన్నికల్లో ఆయన క్రీయాశీలకంగా వ్యవహరించే అవకాశాలున్నాయి.

Follow us